Inulerivik katsorsaasarnermut immikkoortortaqarfinnut AC-fuldmægtigemik imaluunniit immikkut siunnersortissarsiorpoq

Kalaallit nunaanni meeqqat, inuusuttuaqqat aamma inersimasut akornanni tarnimikkut atugarliortunut pitsanngorsaaqataarusuppit?

Inulerivik - Nuna Tamakkerlugu Katsorsaavik Siunnersuisarfillu, katsorsaavinnut ataqatigiissaarisumik pikkorissumik kajumissuseqarluartumillu pissarsiorpoq. Sullissivik ineriartortoq peqataaffigilissavat, inuiaqatigiinni pingaarutilinnik suliassartalik aamma siunertaqarluartumik imalik.

Inulerivik pillugu:

Inulerivik meeqqanut inuusuttuaqqanullu inuunermikkut tarnikkut ingerlanerliortut, tarnip pissusaanik ilisimasalimmit katsorsartinneq aamma tarnip pissusaanik ilisimasalimmit katsorsaasartumit katsorsartinneq neqeroortigaat. Tamatuma avataatigut sullissivik inersimasunut immikkut aaqqissussamik inersimasunut neqerooruteqartarpoq, nakuusertartut imaluunniit meeqqanut aamma inuusuttuaqqanut kinguaassiutitigut kannguttaatsuliornermik pissusilersornermik takutitsisimasut imaluunniit tamanna pillugu eqqarsaateqarsimasut tamatumunnga. Kalaallit nunaanni tamani, sullissiviup, Kommunit qanimut suleqatigaat aammalu Nunatsinni Pisortaqarfiit assigiinngitsut, taamaasilluni nuna tamakkerlugu katsorsaanermi- pinaveersartitsinermilu pingaaruteqarluinnartumik qitiulluinnarlunilu inissisimavoq.

Atorfik pillugu

Allaffissornikkut immikkut siunnersortitut akisussaaffigilissavat meeqqani inuusuttuaqqani inersimasullu susassaqarfianni kiisalu Killiliisa-mi pitsaalluinnartumik ataqatigiissaarinikkut allaffissornikkullu sammisassaqartitsiniutinillu tapersersornissaannik, qulakkiissallugit. Inulerivimmi aqutsisut allaffimmiullu qanimut suleqatigissavatit, pilersaarusiornermi ataqatigiissaarinermi aamma ingerlaavartumik nalunaarusiortarneq, pingaarutilimmik inissisimaffigissavat. Tamatuma avataatigut kommunit aamma avataani susassaqartut pingaarutillit qitiusumik inissisimaffigilissavatit, suleqatigiinnikkut.

Suliassatit pingaarnerit tassaapput:

• Pilersaarusiorneq angalanernut ataqatigiissaarineq, katsorsaasut aamma kommunit suleqatiginerisigut ilinniartitsinissanik pikkorissartitsinissanillu isumaginninneq. 

• Meeqqat aamma inuusuttut pillugit, inersimasut suliassaqarfiini, Klinik Killiisa-milu suleqatigiinnissamut isumaqatigiissutit malinnaaviginissaat

• Immikkoortup isumalluutaannik ingerlataanillu nakkutiginninneq nalunaarusiortarnerlu.

• Periusissanik ineriartortitsinermut peqataaneq kiisalu immikkoortunut naliliinermut atortussani.

• Inulerivimmi assigiinngitsuni ineriartortitsinermi suliniutinik peqataaneq

• Allaffissornikkut suliassat suliassaagallartullu aalajangersimasut assigiinngitsut iliuuseqarfiginissaat

Uagut neqeroorutigaavut:

• Sullissivik nutaaq ineriartortoq sunniuteqaqataanissannut periarfissaqarluartoq

• Suliffeqarfik annertuumik qaffasissumik suliaqartut aamma susassaqarfiit akimorlugit suleqatigiiffik

• Suliatigut inuttullu ineriartornissamut sinaakkutissat pitsaasut - tamatuma ataani oqaloqatigiinnikkut oqilisaanermi periarfissalik

• Suliffik tamatigoortumik kulturilik, tatiginninneq aamma sulisut ingerlalluarnissaanik pingaartitsisoq

Naatsorsuutigaarput illit:

• Naleqquttunik ingerlaqqiffiusumik ilinniagaqarsimassasutit

• Allaffissorneq suliniutinillu suliaqarneq misilittagaqarfigigit aamma suliffeqarfimmi naalakkersuinermik suliallit aqutaanni sulinermik misilittagaqartutit

• Aaqqissuussaasumik suleriaaseqartutit sulinermilu namminersullaqqittuusutit, ingerlatsisarnerit suleriaatsillu ataatsimut isiginnissinnaassuseqarfigigitit

• Suliaqaqatigiit assigiinngitsut akimorlugit, suleqatigiinnissamut aamma attaveqaqatigiinnissamut pitsaasumik piginnaasaqarputit

• Kalaallit kulturikkut inuiaqatigiinnilu pissutsinik ilisimasaqarluartutit sungiussimalluarlugillu

• Ineriartortitsiviusut aaqqissugaanermikkullu ineriartortinneqartut iluini sulilluarsinnaasutit aamma naalakkersuinermik suliallit aalajangernerinik aallaaveqartumik sulisinnaasutit

• Kalaallit danskisullu oqalussinnaaguit, Namminersorlutik Oqartussat kiisalu Kalaallit Nunaanni ilinniartitaanermut tunngasut pillugit ilisimasaqaruit iluaqutaassaaq, piumasaqaataanngillalli.

Atorfik pillugu paasissutissat

Atorfik tamakkiisuuvoq (sapaatip akunneranut akunnerit 40-t) Nuummilu katsorsaavitsinni inissisimalluni. Atorfimmut atatillugu angalangaatsiartarnissaq naatsorsuutigineqassaaq.

Paasissutissat amerlanerit

Atorfik pillugu paasissutissanik amerlanerusunik pisarserusukkuit Inulerivimmi pisortaagallartoq Naja Lund Kielsen attaveqarfigisinnaavat oqarasuaammut uunga sianerlutit: +299 34 60 54 imaluunniit mailimut uunga allallutit nalk@nanoq.gl

Atorfik 1. septembarip 2025 imaluunniit isumaqatigiissuteqarnikkut inuttalerneqarnissaa kissaatigineqarpoq.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk