Inulerivik meeqqanut inuusuttunullu aliasuutilinnut, aliasunnermilu kingunerluuteqarsimasunut psykoterapeut-mik pissarsiorpoq

Meeqqanut inuusuttunullu toqusoorsimanermit kingunerlutitsimasunut ikiuinissannut misigittartuuit aammalu soqutiginnilluartuullutit? Assersuutigalugu imaassinnaavoq meeqqat inuusuttut annaasaqarsimasut qanigisaminnik, taamalu aliasuuteqarnertik pillugu paasiuminaalliartorsinnaasumik qisuariaateqartuusut.

Paasiuminaalliartortumik aliasunnermik qisuariaateqarneq pilersarpoq, qanigisamik annaasaqarnerup kingorna aliasuummik aniguinngitsoorneq, sivitsuuttumillu aliasunnermik nalaataqarneq. Tamanna peqquteqarsinnaavoq, tassanngaannaq kingunerlutsitsisumik annaasaqarsimanermit, tassa qimagaasup tarnikkut annaasaq pillugu eqqugaanera. Taamatut qisuariarneq tarnikkut timikkullu peqqissutsimut unamminartumik sunniussinnaavoq.

Toqusoornerup kinguneranik aliasuuteqarneq pillugu paasiuminaalliartortumik qisuariaateqartut imminoratarsinnaasut akornanniittuupput. Ajornartorsiutip tamatuma aaqqiiviginissaanut tiguartisimassuseqaruit, imaassiinnaavoq illiusoq katsorsaasoq ujartugarput.

Atorfik pillugu:

Suleqatigiikkuutaat immikkut illuinnartut peqatiginissaannut periarfissaavoq, meeqqat, inuusuttullu toqusoornerup kingorna paatsiveerusimaartumik kingunerlutsitsisut sullisissavatit, tamannalu pillugu Inulerivik-mi sulininni qitiussallutit.

Tarnikkut katsorsaanermut ilinniarsimasatit atorlugit meeqqat inuusuttullu peqqissiartuaarneranni ikorfartorlugillu siunnersortassavatit. Sulininnilu meeqqat, inuusuttut ilaqutaasullu toqusoorsimasut immikkut ilisimasaqarfigissallugit.

Atorfiup pineqartup Danmarkimiittoq Nationale Sorgcenter qanimut suleqatigaa, taamalu suliniutit aliasunneq pillugu immikkut ilisimasaqarnermik imallit, periutsimillu ineriartortitsinerit aammalu nalilersuinerit tamannalu pillugu ilinniagaqarneq supervisionimillu ingerlatsinernut tunuliaqutsiisuupput aammalu aliasuuteqarnermikkut kingunerlutsitsinermik, aliasuuteqarnermillu qisuariaateqartarneq pillugu inunnut qitiutitaasunut marlunnut ineriartortitsisuullutik.

Suliassarissavatit:

• Meeqqat inuusuttullu inuttut ataasiakkaatut aamma gruppitut katsorsarneri.

• Katsorsarneqartut ataasiakkaat pisariaqartitaat misilittagaallu aallaavigalugit periutsimik ineriartortitsineq aammalu katsorsaanissamut pilersaarummut naleqqussarneq.

• Suliniutip ineriartortinnera aammalu nalilersuinermi oqaloqataaneq.

• Katsorsaaneq pitsaaneerpaaq anguniarlugu ilinniartitaanermut, supervisionertitsinermut, oqalugiarnernut, ineriartortitsinernullu ingerlaartuartunut peqataanissaq. 

Ilinni naatsorsuutigaarput:

• Tarnip pissusaa pillugu ilinniakkamut, tarnikkut katsorsaanermut, kingunerlutsitsinermik katsorsaanermut imaluunniit immikkut ajornartorsiornermi / ajutuulernermi katsorsaanermut misilittagaqarlutilluunniit naleqquttumik ilinniagaqarnissat.

• Aliasuuteqarneq pillugu – ajornartorsiornermi nalaataqartunik – kingunerlutsitsisunik suliaqarnermik misilittagaqassaatit.

• Meeqqanut inuusuttunulluunniit sakkortuumik nalaataqarnermikkut kingunerlutsitsisimasunik sullissininni ataqatigiinnerup tatigeqatigiiffiunissaanik piginnaasaqartuussaatit.

• Sammisaq pillugu allaneersunik suleqatinik suleqateqarusussuseqassaatit.

• Paasinnillaqqissuussaatit tusarnaarsinnaasuullutit aammalu pisunut oqimaatsunut tapersersuisinnaasuussallutit.

• Meeqqat inuusuttullu sakkortuumik misigisaqarsimasut kingunerlutsitsisimasullu sullinneranni periutsit akuliussinnaanerlu atorlugit ikiorsinnaassavatit.

• Kalaallit Nunaat, kalaallillu kulturiat pillugu ilisimasaqassaatit. Kalaallisut danskisullu oqalussinnaassaatit.

• IT-mut piginnaaneqassaatit, onlinekkullu oqaloqateqarsinnaanermik misilittagaqassallutit

Neqeroorutigaagut:

• Suliffik ikorfartuisumik ilinniarsimassutsikkullu ittannerussuseqartumik ineriartorfiusoq.

• Suliffik inissaqarluartoq, sulisut atugarissaarnissaannik pingaartitsilluartoq.

• Qitiusoqarfimmi peqataassaatit ineriartorfiungaatsiartumi.

• Suleqatit ilinniarsimanermikkut nukittuut siunnersiueqatigisinnaasat suleqatigissavatit.

• Atorfik inuttut ineriartoqqinnissamut periarfissaqarluartoq.

• Meeqqat, inuusuttullu qajannartumik inissisimasut inuunermi allaanerusumik takutitsiviginissaat periarfissarissavat.

• Kingunerlutsitsineq aammalu ajornartoornermi katsorsaanerup iluani ataavartumik supervision-ertitsinerit pikkorissarnerit aammalu ilinniaqqinnerit. 

Atorfik Inulerivimmut atasuuvoq, Inulerivik-mi atorfeqartutut Meeqqat Inersimasullu pillugit sullississaatit taamaattumillu aamma Inulerivimmi Tarnip pissusaa pillugu pisortaq Qitiusoqarfimmilu pisortaq qanimut suleqatigissallugit.

Pisariaqartut / Paasissutissat annertunerusut

Atorfik suliniutit pillugit atorfiuvoq, piffissaq tamaat suliffiusoq (sap ak akunnerit 40-t) Nuummilu inissisimaffeqarpoq. Atorfimmut atatillugu angalangaatsiartoqartassaaq.

Qinnuleqarfissap killinga marlunngorneq 2. marts 2026 nal. 12:00

Atorfimmut soqutinnikkuit apeqqutissaqaruilluunniit uunga attaveqarsinnaavutit:

Inulerivimmi aqutsisoq Naja Lund Kielsen, mail: nalk@nanoq.gl imaluunniit Oq. +299 56 26 27

Tusarfiginissat qilanaaraarput!

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk