Nunatsinni Peqqinnissaqarfik aningaasaqarnermut siunnersortimik pissarsiorpoq

Nunatsinni Peqqinnissaqarfik ineriartupiloorpoq, nukissanik peqqinnissakkut sullissinermut eqaallisaanernullu atuagassanik pilersitsisoqassaaq. Taamaammat piffissami aggersumi nukiit sumut atorneqarnerannik kingunerisaanillu misissueqqissaarnernik ukkassinerulissaagut.

Tamatumani suleqatissatsinnik marlunnik, qullersarfimmut qullersanullu siunnersuisarfinnut paasissutissanik eqqortunik ikorfartuisinnaasunik, tamatumunngalu atatillugu suleriaatsinik ukkassanillu pitsanngorsaanissami iliuusissanut pilersaarusiorsinnaasunik pisariaqartitsivugut.

Aningaasaqarnermut immikkoortortaq Peqqinnissaqarfimmi pisortanut siunnersuisarfinnut ilaasoq, qulinik pimoorussisunik nammineersinnaassusilinnillu sulisoqarpoq. Immikkoortortaq Nuummi inissisimavoq, nunarpulli tamakkerlugu qitiusumik napparsimmavinnik peqqissaavinnillu sullissisuullunissaaq.Aningaasaqarnermut immikkoortortap saniatigut pisortanut siunnersuisarfipput pisiniarnermut isumaqatigiissusiornermullu immikkoortortaqarpoq.

Atorfimmi matumani suleqatigiligassat marluk, aningaasaqarnermut tunngatillugu misissueqqissaanermut piginnaasaqarluartut aaqqisuussaanikkullu inerisaanermut pilersaarusiornermullu piginnaasaqarluartut ujartorpagut.

Naapertuuttunik misilittagaqaruit, immikkut siunnersortitut atorfinitsinneqarsinnaavutit. Ilinniarnerminnik naammassinnerlaanit qinnuteqaatinik aamma tigusaqarusuppugut.

Suliassat makkuupput:

• Peqqinnissaqarfimmi nalunaarusianik, aqutsinermi atortussanik, inerisaaneq.
• Peqqinnissaqarfiup pingaarnertut aningaasartuutaanik misissueqqissaarneq malitseqartitsinerlu.
• Pisortanut immikkoortortanilu nakorsaavinni aqutsisunut aningaasaqarnikkut siunnersuineq.
• Suliniutinik akimuisunik, ass. aaqqiissutissanik paasissutissanik ikorfartorneqartunik ingerlatsineq ataqatigiissaarinerlu.
• Iliuusissatut siunniussani sulianilu allatut iliuusissaasinnaasunik saqqummiussineq.

Tamatuma saniatigut Peqqinnissaqarfimmi aningaasanik aqutsinermi unammilleeqataanissat inerisaaqataanissallu anguniagaraarput. Naatsumik oqaatigalugu aaqqissuussamik suleriaasilik, peqqinnissakkut sullissisunik kinguneqarluartussamik ilinniagaqassutsimik qaffasissumik tunngaveqarluni suleqataasinnaasoq pisarsiariniarparput.

Tamatuma saniatigut pingaartipparpput:

• Qaffasissumik, ajornanngippat aningasaqarnermut tunngasumik ilinniagaqarnissaq
• Misissueqqissaarneq piginnaaneqarfigilluarneqassasoq
• Ataatsimut isiginninnermik siumukartitsinermillu attassisinnaaneq, sulianik qaffasissumik pitsaassusilimmik ingerlatsisinnaaneq
• Suleqatigiissitsisinnaaneq paasinnittumik ataqqinnittumillu angusaqartarneq
• Allannguinissamut piareersimaneq suleqatigisatsinnut kiffartuussiumaneq
• Qiimaneq suliffiullu pitsaasuunissaanut suleqataaneq

Suliffik ulapaarfik eqaatsumilli periuseqarfik, aaqqissuussaanikkullu pisariitsumik aalajangiisinnaaneq neqeroorutigaagut.

Qinnuteqaat

Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.

Sulilerfissaq: 1. april 2026 immikkulluunniit isumaqatigiissuteqarnikkut

Qinnuteqarfissaq kingulleq: 22. februar 2026

Qinnuteqartunik oqaloqateqarnerit ataavartumik ingerlanneqassapput 

Attavissaq/at: Atorfik/iit pillugu/it paasissutissat: Aningaasaqarnermi qullersaq Maria Rasmussen oqarasuaatikkut: +299 248958 imal. mailikkut: MRSS@PEQQIK.GL attavigalugu pissarsiarineqarsinnaapput

Ineqarneq

Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.

Innuttaassuseq

Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.

Akissarsiat atorfininnermilu atugassarititaasut

Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut

pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq

Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.

Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.

Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit. 

Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen

Kalaallit Nunaanni Peqqinnissaqarfik suliffittut pujortarfiunngilaq.

Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.

Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.

Atorfik una qinnuteqarfigiuk