Fakta
Atorfiup suussusaa: Nunatsinni Kigutigissaaneq nunap immikkoortuinut arlalinnut klinikassistentinik / ikiortinik arlalinnik inuttassarsiorpoq
Suliffeqarfik: Kalaallit Nunaanni Peqqinnissaqarfik
Qinnuteqarfissamut killigititaq: 27. februaari
Attavissaq: Aviana Reimer mailikkut AVRE@PEQQIK.GL, oqarasuaat 00299 34 40 16, imaluunniit Arinnguaq Filskov mailikkut AOLS@PEQQIK.GL, oqarasuaat 00299 34 43 94
Kalaallit Nunaanni kigutileriffitsinnut klinikassistentit / ikiortit pimoorussisut inuttassarsiugaraagut. Ilaatigut nunap immikkoortuini makkunani inuttassarsiorpugut; Sisimiut, Paamiut, Upernavik aamma Ilulissat.
Neqeroorutigaagut
- Atorfik isumaqarluartoq, sulianut tunngasunik suliarisat isumassuinerillu allaassutsimik pilersitsillutik.
- Sullivinni avatangiisitsialanni ullut atukkat savitullutillu allanngorartuartut.
- Piginnaanngorsarnissamut periarfissaqarneq – sulianut tunngasunut inuttullu.
Ima ittutit ujarpatsigit
- Suliartortuarlutillu akisussaaffigisamik sianiginnittuuvutit. Piareeqqallutillu suleqatiginnikkusuttuuvutit, tassami kigutileriffimmi atuuffiit arlallit isumagisassavatit.
- Oqalunnikkut allannikkullu kalaallit danskillu oqaasiinik piginnaasaqarputit, kigutilerisunummi akuttunngitsukkut nutserussisassaatit, aamma nalunaarsuisarfimmi Cosmic’imi allattugaqartassallutit. Qarasaasialerinermik ilisimasaqarnissat iluaqutaassaaq.
- Isumassuisuullutillu attaveqaqatiginnillaqqissuuvutit – meeqqat inersimasullu katsorsagaraagut, ilanngullugit nappaatillit annilaangasut.
Uagut pilluta
- Kigutileriffiit nutaaliaapput atortorissaarlutillu, sulisunut atortorissaarutitsialannik pillit.
- Sullivimmi isumannaatsuutitsilluarneq pingaartipparput, ilanngullugu pissanganartunik suliassaqartutut aalaakkaasuusutut suliffeqarfiuneq.
- Qanorluunniit ukiulinnik – naalungiarsunnit utoqqaanernut – napparsimasunik suliaqarnermi siamasissumik misilittakkanik pissarsissaatit.
Qinnuteqaat
Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.
Sulilerfissaq: Ull. 1. april 2026, imaluunniit isumaqatigiissutigisaq malillugu
Qinnuteqarfissaq kingulleq: Ull. 27. februar 2026
Qinnuteqartunik oqaloqateqarnerit ataavartumik ingerlanneqassapput
Attavissaq/at: Atorfik/iit pillugu/it paasissutissat: Kigutilerinermut siunnersortimi, Aviana Reimerimi pissarsiarineqarsinnaapput, ukunatigut: mail AVRE@PEQQIK.GL, oq. 00299 34 40 16, imaluunniit Kigutit nakorsaasa pisortarigallagaanni Arinnguaq Filskovimi: mail AOLS@PEQQIK.GL, oq. 00299 34 43 94
Ineqarneq
Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.
Innuttaassuseq
Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.
Akissarsiat atorfininnermilu atugassarititaasut
Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut
pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.
Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq
Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.
Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.
Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit.
Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen
Kalaallit Nunaanni Peqqinnissaqarfik suliffittut pujortarfiunngilaq.
Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.
Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.
Atorfik una qinnuteqarfigiuk
