Fakta
Atorfiup suussusaa: ERP Drifts- og Udviklingskonsulentit
Suliffeqarfik: Inussuk IT
Qinnuteqarfissamut killigititaq: februaarip 13.-at, 2026
Attavissaq: Klaus Møller +299 34 54 87 Mail: klm@nanoq.gl
ERP-mut immikkoortortaqarfitsinni Drifts- og Udviklingskonsulentinik sulisussarsiorpugut.
Nunatsinni ERP-mik ineriartortitseqataarusuppit, aningaasanik ingerlatsinermik økonomisysteminillu suliaqarnermik misilittagaqareerlutillu? Taava immaqa illiuvutit suleqatissarput!
Inunnik marlunnik Drifts- og Udviklingskonsulentinik ERP-mut immikkoortortaqarfitsinnut sulisussarsiorpugut. Piffissami aggersumi ullumikkut ERP atortorissaarut atungarput nutaaliaasumik taarsersorneqalissaaq.
Pingaarnertut suliassaapput atuisutta sullinneqarnissaat, atortorissaarutip massakkut atukkatta ulluinnarni ingerlallugulu ineriartortinneratigut, taamatuttaaq suliaqarfitsinni ataqatigiissaarineq attaveqaqatigiinnerlu suliassanut ilaallutik, atuisut leverandørillu suleqatigineranni.
ERP-mi suleqatigiinnut ilanngutissaatit, tassani ingerlatsinermi suliarineqarlutik akisussaaffigineqarput ulluinnarni ikiorsiineq, ingerlatsineq, ineriartortitsinerlu, tassani atuisuullutik nunatsinni pisortani ingerlatsiviit, kommunit tallimat. Namminersorlutik Oqartussat kiisalu Skattestyrelsen.
Suleqatitit peqatigalugit qitiusumik inissisimassaatit ulluinnarni atortorissaarutit ingerlanneqarneranni ineriartoqqitsinneqarnerannilu suliaqarnermi.
Illit akisussaaffitit
Kontorchefimut innersuussisarlutit uku suliassarissavatit:
- Inussuk IT 1. line-supportimiik suliassat ingerlateqqinneqartunik suliaqarneq
- ERP Systemimi Iluarsisassanik, allannguutissanik- kiisalu ineriartortitassanik
suliaqarneq
- Regnskabinut sullitatsinnut allannguutinik nutaanik ikkussuineq
- Regnskabini sullitaqarfitsinni qitiusumik ingerlatsisunik ikorfartuineq
- Qitiusumik inissisimallutit ERP-systemini iluarsiissutinik ikkussuussisarneq
- Sullitanut attaveqarnermi ataqatigiissaarisutut inissisimassaatit
- Leverandørinut attaveqartarnermi peqataassaatit
- Suliat suliaqarfiillu naqitanngorlutit nalunaarsortarnerannut peqataassaatit
- Suliassat allat susassaqarfitta iluaniittut ulluinnarni ingerlanneqarneranut peqataassaatit
Illit tunuliaquttat
Uku piginnaasaqarfigissagitut pingaartipparput:
- naatsorsuutinik suleriaatsinik ilisimasaqarluarneq aammalu økonomisysteminik suliaqarsimanissaq, taamatuttaaq AX-Prismemi ilisimasaqarneq iluaqutaassalluni
- Iluaqutaassaq tunngaviusumik IT systeminut ilisimasaqarui
- Sulianik tamakkiisumik naammassisaqarluarsinnaanissaq
- Ersarittumik paasissutissiisinnaassuseqarnissaq kiisalu ataqatigiissaarinermik pikkoriffeqarnissaq
- Inuttut uku piginnaasat naatsorsuutigaagut: Suliat assigiinngiiaartut suliallu arlallit ataatsikkut ingerlassinnaanissaiNammineerlutit utaqqisaqarnak suliassanik tingooraallutillu ingerlatsisinnaassuseqassaatitInuttut qajannaatsuussaatit
Ilinniagaqarsimanerit
Suliamut tunngasumik naapertuuttumik ilinniagaqarsimavutit.
Uagut pilluta
Naalakkersuisut anguniagaraat IT-mik digitaliseriinermillu annertunerusumik atuinikkut Kalaallit Nunaanni inuiaqatigiit digitalikkut ineriartornerisa siuarsarnissaa, tassunga
ilanngullugu pisortat allaffissorneranni pisariillisaaneq.Tamanna Inussuk IT-miik annertuumik peqataaffigaarput. Inussuk IT siulersuisoqarluni ingerlavoq, siulersuisut Kommuneneersuullutillu Namminersorlutik Oqartussaneersuupput. Sulisut Namminersorlutik Oqartussani atorfeqarput.
Neqeroorutigaagut
Atorfik assigiinngitsunik suliaqarfiusoq, namminersorfiusoq unammisassaqarfiusorlu neqeroorutigaarput, suliamik ingerlatsinermi inuttullu ineriartornissamik periarfissiisoq. Suleqatit pikkorissut tunniusimasullu peqatigalugit persuarsiorani suliffimmi avatangiiseqarfiusumi peqataassaatit.
ERP-p immikkoortortaqarfiani ulluinnarni inissisimallutit sulissaatit.
Atorfik pillugu annertunerusunik paasisaqarusukkuit allaffimmi pisortaq Klaus Møller attaveqarfigisinnaavat, oqarasuaatikkut +299 34 54 87 / klml@nanoq.gl
Ulloq qinnuteqarfissaq kingulleq 09. februar 2026
Atorfinitsitsiniarnermut oqaloqateqarnerit ataavartumik ingerlanneqassapput.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput. Qinnuteqartoq special- imaluunniit chefkonsulentitut atorfinitsinneqarsinnaavoq atorfimmut piginnaasat naleqquttut pigigunigit takussutissartalimmillu uppernarsarsinnaallugit.
Inigisaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job
Qinnuteqaat nassiuguk
