IPPS – Inuit Pisinnaatitaaffii pillugit Siunnersuisoqatigiinnut AC-fuldmægtigi

IPPS – Inuit Pisinnaatitaaffii pillugit Siunnersuisoqatigiit AC-fuldmægtigimik  tunniusimasumik ingerlatitseqqiinermik aamma suliniutinik aqutsinermik piginnaasaqarluartumik, Kalaallit Nunaanni inuit pisinnaatitaaffiinik siuarsaalluta illersuillutalu suliaqarnitsinnut ikiuukkusuttumik ujaasipput. 

Atorfimmi ulluinnarsiutigissavatit imarisat aamma suliassat assigiinngitsorpassuit, Siunnersuisoqatigiinnut allatseqarfimmi sullissinermit aamma ataatsimiisitsinernik, FN-imutaamma tusarniaanernik suliaqarnermi ikiuunnermut, suliniutinik aqutsinermut kiisalu nittartakkatsinni aamma Facebookimi quppernitsinni attaveqatigiinnikkut sullissinermik suliaqartassallutit. 

Pingaartumik kalaallisut imarisanik ineriartortitsinermi, suliaqarnermi aamma pitsaassutsimik qulakkeerinninnermi qitiusumik inissisimassaatit.

Uatsinni allatseqarfimmut minnerusumut ilanngutissaatit, maani katillugit AC-mik suliaqartut marluupput kiisalu allatseqarfimmi pisortaq ataaseq, suliat aamma akisussaaffeqarfiit akimorlugit qanimut suleqatigiittut.

Illit piffissavit kiisalu suliassavit aaqqissuunnissaannut periarfissaqarluassaatit, taamaasillutik suleqatigiit sinnerinut aamma illit nammineq ulluinnarni kissaatinnut pisariaqartitannullu tulluarnerpaassammata. 

Neqeroorutigaarput

• Inuit pisinnaatitaaffii pillugit sunniuteqarnissamut periarfissaq immikkuullarissoq

• Ulluinnaat, sinaakkutit tunniunneqartut iluanni annertuumik qanoq iliornissamut kiffaanngissuseqarfitit

• Atorfik, inuit pisinnaatitaaffii pillugit suliassaqarfimmi malinnaanissamut, nutaanik ilikkagaqarnissamut aamma attaveqaatinik pilersitsinissamut periarfissaqarfigisuaannakkat

• Piffissaq suliffiusoq nal. 8 – 16

• Ilinniaqqinnissamut periarfissatsialaat

Inuit pisinnaatitaaffii pillugit paasissutissiinermut atatillugu sineriammut imaluunniit Danmarkimut ukiumoortumik sulinermut atatillugu angalasarneq

Suliassat:

• Nittartakkatsinni aamma inuit attaveqatigiittarfiini attaveqarnermut ikiuunneq, tassani immikkut akisussaaffigissavat kalaallisut aamma danskisut suliaqarneq aamma pitsaassutsimik qulakkeerinninneq

• Suliniummik aqutsineq

• Siunnersuisoqatigiinnut allatseqarfimmi sullissinermi ikiuunneq aamma siunnersuisoqatigiinnik ataatsimiisitsineq

• Soqutigisaqartunik, matuma ataani oqartussaasunik, inuiaqatigiinnik aamma nunani tamalaani peqatigiiffinnik ataqatigiissaarineq aamma suleqateqarneq

• Kalaallit Nunaanni inuit pisinnaatitaaffiisa inissisimaffiannik nakkutiginninnermut peqataaneq, aamma suliassaqarfimmi pitsanngorsagassanik nassaarneq, kiisalu suliassaqarfimmi misissueqqissaarnernik aamma nalunaarutinik suliaqarnermutikiuunneq

Piginnaasat:

• Ilinniagaq attuumassuteqartoq

• Namminersorluni aamma suleqateqarluni sulisinnaaneq

• Kalaallisut aamma danskisut allattariarsornikkut oqaluttariarsornikkullu attaveqatiginnilluarsinnaaneq

• Suliniutinik aqutsinermik kiisalu sammisanik ataqatigiissaarinermik misilittagaqarneq iluaqutaassaaq

• Inuit pisinnaatitaaffiinik ilisimasaqarneq – imaluunniit soqutigisaqarneq 

Atorfininnermi atugassarititaasut

Atorfik piffissaq tamakkerlugu suliffiuvoq Nuummilu inissisimalluni. Atorfinitsitsineq ataasiakkaatut isumaqatigiissut naapertorlugu pissaaq.

Atorfimmut atatillugu inissamik innersuussisoqarsinnaanngilaq.

Atorfimmut qinnuteqarit

Qinnuteqaatit, CV kiisalu uppernarsaatit attuumassuteqarsinnaasut nassiutikkit Allatseqarfimmi pisortamut Sofia Rossen, e-mail: sofia@ipps.gl kingusinnerpaamik 26. februar 2026.

Qinnuteqarnissamut killiliussaasup kinguninngua oqaloqatiginninnerit ingerlanneqassapput. 

Paasissutissat allat: 

Atorfik pillugu apeqqutissaqaruit, allatseqarfimmi pisortamut Sofia Rossen attaveqarnissannut tikilluaqqusaavutit– uunga sms-ersinnaavutit +299 22 95 00.

Uagut pilluta

IPPS – Inuit Pisinnaatitaaffii pillugit Siunnersuisoqatigiit suliniaqatigiiffiuvoq arlaannaanulluunniit attuumassuteqanngitsoq, Kalaallit Nunaanni inuit pisinnaatitaaffii pillugit ilisimasaqarnermik aamma atulersitsinermik nukittorsaanissamik suliaqartoq. 

Siunnersuisoqatigiit 13-inik ilaasortaqarput, taakku allatseqarfimmik sullinneqarput, ataatsimullu suliassaraarput ilaatigut inuiaqatigiinni inuit pisinnaatitaaffii pillugit unammillernartut paasiniarlugillu inissinnissaat, pisortani oqartussaasut aamma suliaqartutnamminersortut siunnersornissaat, kiisalu inuiaqatigiit akornanni inuit pisinnaatitaaffii pillugit ilisimasat aamma soqutigisaqarnerup annertusarnissaat.

Uagut suliagullu pillugit uani paasisaqarnerugit www.ipps.gl 

INUIT PISINNAATITAAFFII PILLUGIT SIUNNERSUISOQATIGIIT

Rådet for Menneskerettigheder

Issortarfimmut 7, 102 – 3900 Nuuk

Mobil (+299) 22 95 00