Issittumi sanaartornermi suliniutinut aqutsisoq akisussaassuseqartoq, soqutiginnittoq pitsaassutsimillu pingaartitsisoq

Sanaartornermi ataatsimoorfimmut nukittuumut ilaarusuppit, tassani akisussaassuseqarneq, unneqqarissuseq ikiuerusussuseqarnerlu pitsaassutsimut tunngaviutillugit? Kalaallit Nunaanni ulluinnarni suliniutinik pissanganartunik suliaqarnissat takorloorpiuk, tassani silap pissusaa nunalu suliannut immikkut ittumik piumasaqaateqartartoq? Taava EMJ-Atcon-imi immaqa illiuvoq suliniutinut aqutsisussaq nutaaq!

Suliniutinut aqutsisutut atuuffiit

EMJ-ATCON-imi suliniutinut aqutsisutut immikkut ittumik periarfissaqassaatit issittumi avatangiisini suliassanik annertuunik suliaqarnissamut. Tassani silap pissusaa aamma logistikki immikkut ittumik suliamik ilinniarsimassutsimut suleriutsimullu piumasaqaateqartumik. Ersarissunik naleqartitaqartumut suliffeqarfimmut peqataalissaatit: Akisussaassuseqarneq, soqutiginninneq, unneqqarissuseqarneq, ikiuerusussuseqarneq aammalu tusarnaarsinnaaneq. Naatsorsuutigineqarpoq ulluinnarni pingaarnertut taakkuninnga malinnittuunissat, taamaalillutit suleqatissatit peqatigalugit pitsaanerpaamik angusaqarsinnaaqqullutit.

Suliniutit 20-100 mio.kr.-nik naleqartut akisussaaffigissavatit, tassani:

Suliniutit isumassarsiamiit naammassivinnissap tungaanut ingerlattassavatit.

Pilersaarusiornermut, neqerooruteqarnermut, suliarinninnermut aamma nakkutilliinermut isumaginnittuussaatit.

Pitsaassuseq qaffasinnerpaaq aamma takussutissanik nalunaarsuinerit qaffasinnerpaaffissamiinniissaat isumagisassavatit.

Aningaasaqarneq, isumaqatigiissutit aammalu aningaasartuutit isumagissavatit.

Soqutiginnittut, peqataasut attaveqaqatigiinnerlu isumagissavatit – Suliffeqarfiup iluani, sanatitsisut suleqatigisanilu.

Sanaartorfimmi isumannaatsumik, pitsaasumik ilinniarfiusumillu atugaqartoqarnissaa akisussaaffigissavatit, tassani kikkut tamarmik tusaaneqartarlutik.

EMJ-Atcon-ip ilinnut naatsorsuutigaa

EMJ-ATCON-imi suliniutinut aqutsisutut pingaaruteqarpoq suliffeqarfiup pingaarnertut naleqartitaasa ilinni takuneqarsinnaanissaat. Najoqqutarput tassaavoq "suleqat ISUMATOOQ pitsaanerpaamik kinguneqartitsisarpoq":

Akisussaassusilik: Suliassannut akisussaaffimmik tigusisarputit. Suliassat eqqortumik piffissamilu naammassineqarnissaat qulakkeerniarlugu sulinerusinnaanerit nuannaarutigisarpat.

Soqutiginnittoq: Periarfissanut, atortussanut teknologiinullu nutaanut ammasuuvutit aammalu arlaannik pitsanngorsaasoqarsinnaappat apeqquteqarnissamut sapiissuseqarlutit. Suleqatigiinnut taamatullu immikkut pikkoriffiinut immikkuullarissunut soqutiginnittuuvutit.

Unneqqarissoq: Pilersaarutit malillugit ingerlasoqanngippat nipilimmik oqaatigisarpat, aammalu suliap ineriartortinneqarneranut suleqatigisallu ineriartortinneqarnerannut iluaqutaasunik oqaasinnguisinnaallutit.

Ikiuerusuttoq: Suleqatigiit tapersersortarpatit ilisimasallu avitseqatigiissutigisarpatit tamarmik ataatsimoorlutik qaffassinnaaqqullugit.

Tusarnaarsinnaasoq: Allat isumaannut ilanngussassaannullu inissaqartitsisarputit aammalu oqaloqatigiinnermi peqataasarlutit.

Tamatuma saniatigut sanaartornermi konstruktøritut imaluunniit ingeniøritut ilinniagaqarsimavutit, sanaartornermilu suliniutinik aqutsinermik misilittagaqarlutit. Ukiutit aamma atorfeqarsimaneq pingaaruteqarnerat annikinneruvoq - pingaarnerpaat tassaapput naleqartitatit, sulerusussutsit aammalu suleqatigiinnermut nukittuumut sunniuteqarnissamik kissaateqarnerit.

Ilinnut neqeroorutaavoq

EMJ-ATCON-imi suliniutinut aqutsisutut Kalaallit Nunaanni piujuartussamik sanaartornermik suliaqarnissamut immikkuullarissumik periarfissaqassaatit. Illit suliffeqarfimmi nukittuumi ilaassaatit, tassani suliassanik pissanganartunik ineriartortitsisinnaavutit akisussaaffimmillu tigusisinnaallutit. Taamaalillutit sanaartornerup, atortussat periutsillu nutarternissaannut sunniuteqarsinnaallutit. Suliffeqarnissamut pissutsinik niuernermi soqutiginartunik neqeroorfigineqassaatit, piginnaasannik misilittakkanillu ersersitsisunik. Inooqatinnut/aappannut suliffissat pillugit ikiorneqarnissamik pisariaqartitsiguit, attaveqarfigisinnaasatsinnik siammasissunik peqarpugut.

EMJ-ATCON Pillugu

EMJ-ATCON ukiut 50-it sinnerlugit Kalaallit Nunaanni misilittagaqarluni, nunatsinni sanaartornermi suliffeqarfiit siuttuisa ilagaat, atortussiassanik suliaqarnerup iluani aammalu nammineq nioqqutissiornerup iluani. Suliniutit ingerlanneqartarput teknologiit nutaaliaasut aamma aaqqiissutissat nutaaliaasut periaatsinik uppernarsarneqarsimasunik, Kalaallit Nunaata silap pissusaa peqqarniissinnaasoq nunalu eqqarsaatigalugit tunngavilersorneqarsimasunik.

Takorluugaq suliffeqarfimmut ingerlatsisoq tassaavoq pitsaassutsimi, sanaartornermi, aqutsinermi, isumannaallisaanermilu nunatsinni maligassiuisutut siuttuulernissarput. Entreprenørit unammillertut, sanasut sulisullu qummut isigisaat.

EMJ-ATCON ilisimaneqarpoq pitsaassutsimut isumannaallisaanermullu malittarisassanik qaffasissunik aalajangersaasarnini aammalu sullitanut sulisunullu tamanut entreprenøritut piumaneqarnerpaasoq. Kalaallit Nunaanni inuiaqatigiinni akisussaaqataasutut suliffeqarfik piujuartussanik sanaartornermut, suliamik ineriartortitsinermut aammalu ataatsimoornermut nukittuumut sunniuteqarpoq, tassani suliffik sulisumut ataasiakkaamut pitsaassutsimik nalunaaqutsiisutut atuuffeqarluni.

Ilinnut naleqquttoorpasippa?

Taava qinnuteqaatit CV-utillu uunga nassiutikkit: dan@emj.gl

Atorfimmut apeqqutissaqaruit Dan Budekimut attaveqarnissannut

tikilluaqqusaavutit, ugguuna: +299 58 88 10.

Tusarfiginissat qilanaaraarput!