Isumaginninnermi Aqutsisoqarfik ilaqutariittut paarsisartunut supervisorissarsiorpoq

Ilaqutariit paarsisartut suliassaq annertoorujuk meeqqanut aamma inuusuttunut suliassaq kivittarpaat, meeqqat angerlarsimaffiup avataannut inissinneqarnikut pitsaanerpaamik isumassuinissaq ikiorsiisarnerlu pissarsiariniassammassuk. Ilaannikkut suliaq ajornakusoortarsinnaavoq, aamma ilaqutariit paarsisartut pisoq illua-tungaanut saatsissallugu pisariaqartissinnaavaat, eqqartorlugulu qanoq iliorlutik paarsinissaq ingerlassinnaallugu. Inissiinerup aallartinnerata nalaani siusissukkut iluatsinnginneq pinngitsoortinniarlugu, ilaqutariit paarsisartut meeqqallu pitsaanerpaamik atugassaqartinniarlugit inissiilluarnissarlu qulakkeerniarlugu, atorfik supervisoritut pilersinneqarpoq kommuneni ilaqutariittut paarsisartunut nakkutilliilluni siunnersiuisartussatut.

Atorfik pillugu

Isumaginninnermi Aqutsisoqarfimmi Ilaqutariit paarsisartut pillugit suleqatigiinni akuulissaatit, tallimanik siunnersiuisoqarpoq, ilaatigut tunngaviusumik - angajoqqaarsiat aamma kommunini ilaqutariittut paarsisartut - pikkorissartarpaat, kiisalu siunnersiuillutik kommuunini angajoqqaarsianut siunnersiuisartut tapersersortarlugit, ilitsersuineq aamma nakkutilliilluni siunnersiuineq kiisalu Ilaqutariinnut paarsisartunut suliassaqarfimmi sulianik suliarinnittarnerup iluani pikkorissaasarlutik.

Nakkutilliilluni siunnersiuisartutut tunngaviusumik suliassatit ukuussapput:

• Ilaqutariittut paarsisartunut ataasiakkaamik aamma -eqimattanut nakkutilliilluni siunnersiuisarneq.

• Nakkutilliilluni ilitsersuinermi siunnersiuinermi neqeroorutit ataqatigiissarnissaat.

• Meeqqat imminni inissinneqarnikuusoq qanoq passunnissaanut imaluunniit ajornartorsiummi inissisimanera siunnersiuiffigalugu aamma ilitsersuiffigalugu, assersuutigalugu angajoqqaavi ilaginerani atatillugu qisuariaatai, sakkortuumik pissusilersortarneq, aliasunneq imaluunniit sakkortuumik misigisaqartarsimanerit.

• Kommuneni angerlarsimaffiup avataanut inissiinikuusoq suleqatigalugu, ilaqutariit paarsisartut, meeraq/inuusuttuaraq iliuusissatut pilersaarutaa iluaqusiullugu qanoq ilillutik passussinnaagaat.

• Siunnersiuineq, ilitsersuineq, angajoqqaarsianut aaqqiagiinnginnermi nalerisaanermi suliaqarnermi tapersersuineq.

• Eqimattani nakkutilliilluni ilitsersuinermi kiisalu nakkutilliilluni saqqummiinermi ilitsersuinermi ilinniartitsissutissanik suliarinninnermik suliaqarneq.

• Ilaqutariinni paarsisartuni angajoqqaarsianik inatsisitigut piumasaqaataasunik pikkorissartitsinissamut pikkorissartitseqqinnissamullu pilersaarusiornermi siunnersiuisut peqatigalugit suleqataaneq.

• Oqaloqateqarluni oqilisaanermik neqeroorutip iluanni kommunini ilaqutariinni paarsisartunut siunnersiuisut peqatigalugit suleqatigiinneq.

• Kommuunini ilaqutariinni paarsisartut siunnersortinut isumassarsioqatigiissitsisarneq imaluunniit angajoqqaarsianut kommunini Imaajaalluni Oqaloqatiginnittartumut isumasioqatigiinneq.

• Suliassat takkussuuttut.

Ilinnut tunngasut

Sulilersinnaasutut tulluarluinnartoq oqaloqateqarluni oqilisaanermik assut misilittagaqarpoq aamma meeqqanik inuusuttuaqqanullu sullissisunut eqimattanngorlugit imaajaalluni oqaloqatigiinnernik ingerlatsinermik, taamaalillunilu perorsaanermut tunngasunik ilitsersuisinnaassalluni taamatullu angajoqqaarsianut siunnersuillunilu ilitsersuisinnaassalluni meeraq atugarisseqqinnissaanut pitsaanerpaamik qanoq iliortoqarsinnaaneranik, soorluttaaq eqqarsartaatikkut misigissutsikkullu paaqqutarinnittunut oqilisaasinnaassalluni siunnersiuisinnaassallunilu.

Suliannut inunnullu ataatsimut isiginnillutit pullaveqarsinnaassuseqarputit aamma assersuutigalugu isumassuinermik, killiliinernik, suleqatigiinnermik, qanorlu meeraq inuusuttuararluunniit erloqinartumik pisoqartillugu qaangerniarnissaannut ilitsersuisinnaallutillu siunnersiuisinnaassasutit.

Naatsorsuutigaarput illit:

• Isumaginninnerup tunngasut iluanni naleqquttumik ilinniagaqarsimasuusutit soorlu perorsaasutut, isumaginninnermi siunnersortitut, eqqarsartaatsip pissusiinik ilinniarsimasoq imaluunniit assigisaannik.

• Ilinniaqqinnermi ilinniagaqarsimassasutit assersuutigalugu imaajaalluni oqaloqatigiittarnermi, ajunngilaq aaqqiiniarluni oqaloqateqartarnermut aamma eqqarsartaatsimik tunngaveqarluni eqqartuisarnerit aallaavigalugit inuttut pissusilersornermi, ilisimasaqaruit.

• isumaginninnermut inatsisinik ilisimasaqartutit

• Angerlarsimaffiup avataanut inissiisarneq ilisimasaqarfigissagit, meeqqanik inuusuttuaqqanillu angerlarsimaffiup avataanut inissiisarnernut misilittagaqartutit.

• Meeqqat inuusuttullu atugarliortut qisuariaataanullu ilinniarsimasutut annertuumik ilisimasaqarfigissagitit.

• Ilaqutariinnut paarsisartunut suliassaqarfimmi sulianik suliarinnittarnermut ilisimasalik, ajunngilaq ilaqutariinni paarsisartuni siunnersortitut misilittagaqaruit.

• Sunniuteqarsinnaalluarluni sulilluartuusoq, suleqateqaqqillaqqissoq, naleqartitanik najoqqutallu aallaavigalugit tunniusimalluni sulilluni aamma nammineersinnaasoq.

• Ulluinnaat ilaanni ulappuffioqisuni paasiuminaatsunillu suliassarpassualimmi ataatsimoortumik takunnissinnaasoq ataqatigiissitsisinnaasorlu aamma pinartuni pisoqartillugu naleqqussarsinnaasoq.

• Nammineq suliassat ammaffigissagitit aamma tapersuinissaq ilinniarnissarlu siunertaralugu ujartuisoq.

• Attaveqatigiinnermi pitsaasunik piginnaasaqarneq.

• Eqaattumik suliaqallaqqissoq.

• Marluinnik kalaallisut danskisullu oqaaseqartuusoq.

Uagut pilluta

Isumaginninnermut Aqutsisoqarfik immikkoortortaqarfinnut tallimanut agguataagaavoq: Pitsaaliuinermut Immikkoortortaqarfik Paarisa, Ulloq Unnuarlu Inissitsiterinermullu Immikkoortortaqarfik, Sullissisunut Siunnersuisarfik, Aningaasaqarnermut immikkoortortaqarfik, Allatseqarfillu. Atorfik Sullissisunik Siunnersuisarfimmi Immikkoortoqarfimmi inissisimavoq, assigiinngittukkaanik suleqatigiittoqarpoq, kommunini suliassanik suliaqarnermi meeqqanut inuusuttuaqqanullu susassaqarfinni kiisalu ilaqutariittut paarsisartut susassaqarfiinut, tapersersuisarlutik. Tamatuma avataatigut Meeqqanut aamma Ilaqutariinnut Sullissiviit, Ilaqutariit Illui tapersersortarpagut, aamma ilaqutariinni aqqutissioqatigiitsitinermi ilinniartitsisarpugut, kiisalu angajoqqaarsianut pikkorissaasarluta.

Ulloq atorfiniffissaq

Apriilip 1.-iani 2026 isumaqatigiissuteqarnikkulluunniit.

Qinnuteqarnissamut periarfissaq kingulleq tassaavoq ulloq februaarip 16.-iat 2026.

Atorfinitsitsinissamut oqaloqatiginninnerit taassuma kingorna pinissaat naatsorsuutigineqarpoq.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat amerlanerit

Atorfik pillugu itinerusumik paasisaqarusukkuit, immikkoortortaqarfimmi pisortaq Ole Christiansen oqarasuaammut +299 53 87 99 imaluunniit mail-imut uunga allaffigalu ochn@nanoq.gl

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk