Isumaginninnermut Aqutsisoqarfik pimoorussisumik Sullissisunik siunnersuisarfimmi immikkoortortami aqutsisussarsiorpoq

Sullissisunik siunnersuisarfimmi immikkoortortaqarfimmi, Isumaginninnermut Aqutsisoqarfiup ataani inissisimasoq, kommuninik siunnersuineq ilitsersuinerlu pingaarnertut suliaraa, aamma pitsaaliuinermik isumaginninnikkullu sulianik ineriartortsitsinermik suliaqarput.

Atorfik pillugu:

Sullissisunik siunnersuisarfimmi immikkoortortaqarfimmi aqutsisumik, aqutsinernik misilittagalimmik aamma isumaginninnikkut suliassat ajornartunik sulianik naammassisaqarnissamik pitsaaliuinermillu kajumissuseqartumik, pissarsiorpoq.

Sullissisunik siunnersuisarfimmi immikkoortoqarfimmi sulisunik aammalu suliassanik suliarinnittarnermut iliuuseqartarnermullu suliassaqarfimmi aqutsisunik piginnaanngorsaanermut atatillugu ingerlatsinermi ineriartortitsinermilu suliassat isumagineqarput. Immikkoortortaqarfimmi suliassat pingaarnerit tassaapput, meeqqanut inuusuttunullu suliassaqarfinni aamma inunnut innarluutilinnut suliassaqarfimmi, suliassaqarfinni marlunni taakkunani inatsisilerinikkut isumaginninnikkullu ilisimasat suleriaatsillu nukittorsarneqarnissaat siunertaralugu, kommuninut siunnersuinissaq ilitsersuinissarlu. Immikkoortortaqarfiup suliassaqarfiiniipput suliassat ingerlatsinermut suliniutinullu attuumassuteqartut, ilaatigut tassaallutik inatsisinik atuutsitsilernerit, ilaatigullu periusissiat iliuusissanullu pilersaarutit politikkikkut akuerisaasut tassani pineqarlutik.

Immikkoortortaqarfimmi aqutsisumik inuttut misilittagartuumik suliassallu eqqarsaatigalugit sunniuteqarluarsinnaasumik suleqatissarsiorpugut. Atorfik pissanganartoq suliat eqqarsaatigalugit akisussaallutit pitsaasumik isumannaatsumillu ingerlatsinissamut inerisaanissamullu akisussaaffeqassaatit iluatigalugulu anguniakkat pingaarnerit naalakkersuinermilu suliallit siunertaat immikkut ittumik malinnaavigissavatit. Immikkoortortami aqutsisutut immikkoortortami sulisut aqunneqarnissaannut akisussaaffeqassaatit, soorlu aamma Aqutsisoqarfimmi pisortaq immikkoortortallu allat suliat aallaavigalugit qanimut isumasioqatigisassagitit. Taamaammat atituujuvutit, sulilluarsinnaasoq sulinissamullu piareeqqasoq, soorlu aamma atorfiup sinaakkutissaanik pilersitseqataanissamut inerisaanissamullu periarfissanik takusaqarsinnaassuseqartuusutit.

Naatsorsuutigaarput illit:

• Isumaginninnermut siunnersortitut ilinniagalik, misilittagartooq aqutsinermillu misilittagalik

• Pisortat aqutaannik politikkikkut suliaqarnermik misilittagalik

• Inunnik isumaginninnikkut tunngasunik ilisimasaqarlunilu inatsisinik soqutigisalik

• Aqutsinermik misilittagalik

• Suliassanik ineriartorfiusunik misilittagalik

• Kalaallit Nunaanni inuiaqatigiinni pissutsinut kulturimullu ilisimasaqarneq, pingaartumik isumaginninnerup suliassaqarfiup iluani 

• Immikkoortortaqarfimmi sulisut ineriartornerat pitsaasumillu atugaqarnissaat pingaartikkitit.

• Suleriaatsinik suliaqarnermik misilittagaqarneq

• Inuttut eqeersimaartuusutit, tunniussimasuusutit ineriartorusussuseqartuullutillu.

• Allallutit oqalullutillu attaveqarnissamut tunngaveqarluartutit, kalaallisut aamma danskisut

Sullissisunik siunnersuisarfimmi immikkoortortaqarfimmi aqutsisutut Isumaginninnermi Aqutsisoqarfimmi pisortaq qaninnertut pisortarissavat aamma aqutsisooqatigiit arfinilinnik inuttallit peqataaffigissavatit. Immikkoortortaqarfimmi sulisut 28-t toqqaannartumik aqutsisutut akisussaaffigissavatit.

Sulininni suliassatit ilaatigut makkuussapput:

• Pingaarnetut Sullissisunik Siunnersuisarfimmi Immikkoortortaqarfimmi aqutsineq ataqatigiissaarinerlu.

• Sulisunik aqutsineq

• Sulisut ineriartornerat pitsaasumillu atugaqarnissaannik qulakkeerinninneq

• Ilinniagaq aallaavigalugu aqutsisut qanimut suleqatigalugit immikkoortortaqarfiup suliassaanik agguartaarinninneq aamma pingaarnersiuineq

• Aqutsiveqarfiup aaqqissugaaneranik aamma pingaarnertut suliassaanik periusissiorluni inerisaanermut peqataaneq

• Immikkoortortaqarfiup suliffittut ingerlanneqarneranik aamma ineriartortinneqarnissaanik qulakkeerinninneq

• Ilinniagaq aallaavigalugu suliat piffissaq eqqorlugu tunniunneqartarnissaannik aamma pitsaassuseqarluarnissaannik qulakkerinninneq

• Suliniutit inerisarneqarnissaannut pitsaassuseqarnissaannullu siuttuuneq

• Suliaqarfiup iluani missingersuutinut akisussaaneq

• Immikkortut assigiinngitsut suleqatigiinnissaannik qulakkeerinninneq aamma suliffeqarfiup iluani avataanilu pinaveersaartitsinermik suliallit qanimut suleqatigiinnissaanik pilersitsineq.

Ilaannikkooriarluni atorfimmut atatillugu angalasarnissaq naatsorsuutigineqassaaq.

Isumaginninnermut Aqutsisoqarfik pillugu

Isumaginninnermut Aqutsisoqarfik Meeqqanut, Inuusuttunut Ilaqutariinnermullu Naalakkersuisoqarfiup ataanni aqutsisoqarfiuvoq arfinilinnik immikkoortortalik: Paarisa, ulloq unnuarlu meeqqat inuusuttullu paaqqinnittarfiinik, sullissisunik siunnersuisarfik, innuttaasunik toqqaannartumik sullissivik, aningaasaqarnermut immikkoortortaq aamma allattoqarfik. Immikkoortortaqarfiit qanimut suleqatigiittarput aamma ilinniagaq aallaavigalugu suliat amerlasuut suliffimmi tassani unammillernartorpassuaqartarput.

Akissarsiat atorfeqartitaanermilu atugassarititaasut:

Atorfik akissarsiat sinaakkutaannut 38-mut massakkut akissaateqartinneqarpoq/ aalajangersimasumik akissaateqartinneqarpoq.

Akissarsiat sinaakkutaannut 38-mi akissaatit immikkoortui aalajangersimasut ilanngullugit akissarsititsisoqartassaaq, 1. april 2025-mi qaammammut 63.550 koruuniupput ukiumullu 762.601 koruniullutik. Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemanditut atorfeqareersimaguni nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.

Naalagaaffimmi tjenestemandit aamma AC-mi isumaqatigiissutit arlallit, ilaatigut DJØF-ip Finansministeeriaqarfiullu akornanni isumaqatigiissutit malillugit sulisut Namminersorlutik Oqartussani atorfinitsinneqarnerminnut atatillugu aningaasarsiaqaratik sulinngiffeqarsinnaatitaapput. Aammattaaq Nunamullu namminermut Ministeriaqarfiup Kalaallit Nunaanni Namminersorlutik Oqartussani atorfinitsitaanerminnut atatillugu akissarsiaqaratik sulinngiffeqarallarnissamik qinnuteqaateqartunut akuersaartumik pissusilersortoqassasoq kommuninut nunallu immikkoortortaanut innnersuussutigisimavaa. Sulinngiffeqarallarnissaq pillugu aalajangersakkat Kalaallit Nunaanni Namminersorlutik Oqartussani inuit atorfinitsinneqartut uiinut nuliaannut/ aappaannut aamma atuupput.

Atorfimmut atatillugu piffissap suliffiusussap sivisunerpaaffissaa aalajangersagaanngilaq, aamma qaangiuttoornermi ajunngitsorsiassaqarneq pillugu aalajangersakkat kiisalu ullunik sulinngiffiusussanik annaasaqarnermi ajunngitsorsiassat pillugit aalajangersakkat atuutinngillat, aallaaviatigut sap. akunneranut 40 tiimit sulisoqassaaq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Piffissaq atorfiniffik:

 1. juli 2025 isumaqatigiissuteqarnikkulluunniit.

Qinnuteqaat

Qinnuteqarfissaq kingulleq tassaavoq 12. juni 2025 nal. 12:00

Atorfinitsitsiniarnermi oqaloqatiginninnerit tamatuma kinguninngua ingerlanneqassasut naatsorsuutigineqarpoq.

Paasissutissat allat

Atorfik pillugu paasissutissanik perusukkuit saaffigisinnavat Isumaginninnermut Aqutsisoqarfimmi pisortaq Tina Evaldsen, tlf.: +299 56 55 09, mail tiev@nanoq.gl

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk