Isumaginninnermut, Suliffeqarnermut Nunamullu Namminermut Naalakkersuisoqarfimmut naalakkersuisoqarfimmi pisortassarsiorpugut

Namminersorlutik Oqartussat Isumaginninnermut, Suliffeqarnermut Nunamullu Namminermut Naalakkersuisoqarfimmi naalakkersuisoqarfimmi pisortatut atorfimmut aqutsisumik misilittagartuumik, siunissamut takorluuisinnaasumik nutaaliorsinnaasumillu pissarsiorput.

Naalakkersuisoqarfimmi pisortatut suliniutit pissanganartorpassuit siuttuuffigissavatit. Taamaattumik piffissaq qaninnerusoq ungasinnerusorlu eqqarsaatigalugit ineriartortitsinissamik sungiusimasaqarnissat pingaaruteqarpoq. Inuttut alapernaatsuussaatit, naapitsiniaasuullutit naalakkersuisoqarfiullu iluani avataanilu qanittumik suleqatigiinnissap qanoq pingaaruteqartiginera ilisimassallugu. 

Naalakkersuisoqarfimmi pisortap pingaarnertut suliassai tassaapput naalakkersuisoqarfiup pingaarnertut suliassai aallaavigalugit naalakkersuisoqarfimmik ulluinnarni aqutsineq, aammalu naalakkersuisoqarfiup suliassaqarfiisa iluanni Naalakkersuisumut siunnersuineq. Naalakkersuisoqarfimmi pisortap naalakkersuinikkut iliuutsit atulersinneqarnissaannik qulakkeerinnittussaavoq, aammalu naalakkersuisoqarfiup akisussaaffeqarfiisa iluanni ineriartortitsinissaq pisariillisaanissarlu suleqataaffigissallugit.

Naalakkersuisoqarfimmi pisortatut makkuninnga naatsorsuuteqarfigineqassaatit:

• Naalakkersuinikkut ingerlatsisarnermik misilittagaqarluarneq inuiaqatigiinnullu tunngatillugu tamakkiisumik paasisimasaqarneq

• Naalakkersuinikkut sullissinermik siunnersuinermillu misilittagaqarneq, tamatumunnga ilanngullugit naalakkersuinikkut periusissiatigut sammisat pillugit

• Naalakkersuisut akimorlugit periusissiatigut pingaarnersiuisinnaaneq angusaqarsinnaanerlu

• Naalakkersuinikkut aqutsisunut aalajangiiffigisassatut tunngavissianik suliaqarneq naalakkersuinikkullu aalajangikkanik atulersitsineq anguniakkanik naammassisassanillu angusaqarnissaq ukkataralugu

• Naalakkersuisoqarfinnut allanut, aqutsisoqarfinnut, immikkoortortanut attuumassutilinnut, suliffeqarfinnut, kommuninut ingerlataqartunullu allanut tunngatillugu Naalakkersuisoqarfimmi suliassat ingerlanneqarnissaannik ataqatigiissaarineq, aammalu taakkununnga suleqatigiinnikkut atassuteqarnerit pitsaasuunissaannut maligassiuinissaq

• Allaffissornikkut najoqqutassanik, suleriaasissanik pitsaassutsimullu piumasaqaatinik nalinginnaasunik atulersitsineq

• Iliuuseqarsinnaassuseqarneq, erseqqissumik aqutseriaaseqarneq aammalu aaqqissuussaanermik ingerlalluartumik, nutaaliorfiusumik ingerlatsinermillu isumannaatsumik inerisaaneq

• Inuttut malunnartuuneq suliatigullu innarligassaannginneq

• Kalaallisut, danskisut tuluttullu attaveqaqateqallaqqissuuneq iluaqutaassaaq

• Suleqatiginnillaqqissuuneq sunniussinnaalluarnerlu.

Tamatuma saniatigut pingaartipparput makkununnga piginnaasaqassasutit:

• Suliffeqarfimmi naalakkersuinikkut aqunneqartumi aqutsinermik qaffasissumik misilittagaqarneq

• Naleqquttumik ingerlaqqiffiusumik ilinniagaqarneq, aammalu naalakkersuisoqarfiup akisussaaffeqarfianut tamarmut imaluunniit ilaanut suliatigut naleqquttumik ilisimasaqarneq

• Inuiaqatigiit ilisimasaqarfigilluarlugillu paasisimasaqarfiginissaat, kalaallit oqaasii ilanngullugit

• Naalakkersuisut, Inatsisartut kommunillu akornanni sunniiveqatigiittoqartarneranik ilisimasaqarluarneq

• Pingaarnersiuinissamut siunnerfeqartumillu suliaqarnissamut, sunniuteqarnissamut angusaqartarnissamullu tunngatillugu piginnaasaqarluarneq

• Naalakkersuisoqarfiup qitiusutut suliassaasa sunniuteqarluartumik naammassineqarnissaannut tunngatillugu suliffeqarfiup iluani avataanilu suliaqartartunik peqataatitsisinnaassuseqarneq

• Aqutsisinnaanermut ataqatigiissaarisinnaanermullu piginnaasaqarneq, aammalu pilersaarutinik annertunerusunik sunniuteqarluartumik ingerlatsinissamik qulakkeerinnissinnaaneq

• Attaveqaqateqallaqqissuuneq suleqatiginnillaqqissuunerlu

• Inuttut angusaqarusussuseqartuullutillu ajornartorsiutinut aaqqiissutissarsiniartuuvutit najukkamilu toqqammaveqarnissaq aaqqiissutissanillu atasinnaassuseqartunik pingaartitsilluarlutik

• Suleqatiginninniartuuvutit, naalaarniartoq, nukissaqartoq aaqqissuussaanermilu naalakkersuinikkut aqunneqartumi sulineq piginnaasaqarfigalugu

• Aaqqissuulluakkamik suleriaaseqarputit inatsisiliornikkut ingerlatsisarnerit ilisimasaqarfigalugit

• Pisinnaasaqarnerit misilittagaqarnerillu atorlugit ullormit siullermit suliassamik isumaginnissinnaavutit

• Aqutsisutut angusat uppernarsaatissartallit, tamatumunnga ilanngullugu aaqqissuussaanermik inerisaanermut misilittagaqarneq

• Suliatigut apeqqutit pisariusut pillugit isumaginninnissamut siunnersuinissamullu ineriartortilluakkamik piginnaasaqarneq

Aaqqissuussaaneq

Naalakkersuisoqarfik 45-t missaannik sulisoqarpoq immikkoortortaqarfinnut arfinilinnut agguataarsimasunik suliffeqarfiullunilu inuiaqatigiinni unammilligassanik soqutiginartorpassuarnik pingaarutilerujussuarnillu suliaqarfiusoq, inuiaqatigiinnik suliniaqatigiiffinnillu avatangiiserisanik paaseqatigiinnissap tunngaviginissaa, aammalu tunniussimanissaq, atugarissaarluarnissamut sulinerullu nuannersuunissaanut pisariaqartinneqarlutik. Naalakkersuisoqarfik periusissianik aamma isumaginninnermut, suliffeqarnermut nunamullu namminermut suliassaqarfimmi immikkoortunut politikkinik suliaqarneq isumagisaraa suliassaqarfinnullu tunngasunik inatsisissanut, nalunaarutissanut peqqussutissanullu siunnersuusiortarpoq taakkununngalu aqutsisuulluni.

Naalakkersuisoqarfiup assigiinngitsunik kultureqarfiulluni marluinnillu oqaaseqarfiulluni sulinermilu pitsaasunik avatangiiseqarfiulluni suleqatigiinnikkullu atassuteqarfiulluarluni suliffeqarfiunissaa pingaartipparput. Aammattaaq naalakkersuisoqarfiup avammut ammasutut sullissinermillu pingaartitsisutut saqquminissaa pingaaruteqarpoq.

Naalakkersuisoqarfiup ataaniipput aamma immikkoortortat nammineertitat, tassani oqartussaanerusumut naammagittaalliortoqarsinnaanani: 1) Utoqqaat oqaaseqartartuat, 2) Tilsynsenheden/Nakkutilliinermik Ingerlatsivik kommuninik aamma ulloq unnuarlu angerlarsimaffinnik isumaginninnikkut nakkutilliisuusoq. 3) Kommuninik Nakkutilliisoqarfik.

Naalakkersuisoqarfiuttaaq Kommunit Majoriaqarfii Suliatigullu atuarfiit angusat tunngavigalugit isumaqatigiissutit aqqutigalugit aqunneqartut qanittumik suleqatigai.

Naalakkersuisut aamma Inatsisartut naalakkersuinikkut anguniagaannik nalinginnaasunik aalajangigaannillu tigussaasunik suliassaqarfiit iluanni atortussanngortitsinissap ikorfartornissaanut qulakkeernissaannullu Naalakkersuisoqarfimmi pisortatut qitiusumik inissisimassaatit.

Naalakkersuisut sulinerannut naalakkersuinikkut pingaarnertut sinaakkusiussat naalakkersuisoqatigiinnissamik isumaqatigiissummi atuarneqarsinnaapput. Piffissani Naalakkersuisut naalakkersuisoqatigiinneq tunngavigalugu ingerlatsiffigisaanni naalakkersuisoqatigiinnissamik isumaqatigiissut qaqugukkulluunniit atuuttoq Naalakkersuisut nittartagaanni pissarsiarineqarsinnaavoq www.naalakkersuisut.gl.

Qinnuteqarfissap killinga: 12. aggusti

Atorfeqarnermi atugassarititaasut

Atorfik ukiuni sisamani piffissalikkamik inuttassarsiuunneqarpoq, piaartumik isumaqatigiissuteqarnikkulluunniit.

Atorfik akissaateqarfimmi LR 39-mi maanna inissisimavoq. 1. april 2025 LR 39-mi akissarsiat imak isumaqagitiissutigineqarnikuupput qaamammut Kr. 81.659 ukiumullu Kr. 979.908.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq: Qinnuteqartorlu tjenestemanditut ataavartumik atorfeqareersimaguni Kalaallit Nunaanni pisortani tjenestemandit pillugit inatsit malillugu tjenestemanditut atugassarititaasut naapertorlugit atorfinitsitaasoqarsinnaavoq.

Naalagaaffimmi tjenestemandit aamma AC-mik isumaqatigiissutit arlallit tunngavigalugit atorfeqartut, ilaatigut DJØF-ip aamma Finansministereqarfiup akornanni isumaqatigiissut, Namminersorlutik Oqartussat ataanni atorfeqarnerminnut atatillugu akissarsiaqaratik sulinngiffeqarsinnaatitaapput.

Danmarkimi nunami namminermi pissutsinut ministereqarfiup aammattaaq innersuussutigivaa Namminersorlutik Oqartussat ataanni atorfinikkumallutik qinnuteqartut sapinngisamik akimisaarfigineqassanngitsut akissarsiaqarnatik sulinngiffeqarniarlutik qinnuteqarpata. Sulinngiffeqarnissamut aalajangersakkat qinnuteqartup aapparisaanut/inooqataanut aamma atuutsinneqarput.

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat. Piffissaq suliffiusussaq tunngaviatigut sapaatit akunnerannut nalunaaquttap akunnerinik 40-nik sivisussuseqarpoq.

Ineqarneq

Atorfimmut atatillugu inissamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini atorfimmut atatillugu ineqartinneqareersimaguni atorfimmut atatillugu ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Soqutiginartippiuk?

Atorfik pillugu apeqqutissaqaruit Flies HR-imeersup Partner Dorthe Fliesip oqarasuaatikkut +299 583117-imut imaluunniit e-mailikkut dorthe@flieshr.dk-mut attaveqarfiginissaanut tikilluaqqusaavutit

Flies HR sulisussarsiornermik isumaginnittuuvoq, taamaammat saaffiginnissutit tamaasa tassunga ingerlateqquneqarput. Qinnuteqartunik piukkunnartunik oqaloqatiginninnissamut ingerlaavartumik aggersaasassaagut.

Atorfik pillugu allanik apeqqutissaqaruit pisortaq Simigaq Broberg sbro@nanoq.gl-imut allaffigalugu saaffiginninnissamut tikilluaqqusaavutit.

Tusarfiginissat qilanaaraarput.

Naalakkersuisut.gl

Naalakkersuisut/ Isumaginninnermut, Suliffeqarnermut Nunamullu Namminermut Naalakkersuisoqarfik pillugu paasissutissat amerlanerusut uani pissarsiarineqarsinnaapput www.Naalakkersuisut.gl

Qinnuteqaat nassiuguk