Isumaginninnermut sullissivimmi Siunnersuisuni isumaginninnermut siunnersortimik pissarsiorpoq

Kommuneqarfik Sermersooq Isumaginninnermut sullissivimmi Siunnersuisunut pikkorissumik kajumissuseqarluartumillu ulloq 1. september 2025 tamatumaluunniit kinguninngua piaartumik atorfinittussanik Isumaginninnermi siunnersortimik sullissisumilluunniit pissarsiorpoq.

Isumaginninnermut sullissivimmi suliassaqarfimmi suliassat innuttaasunut inersimasunut tapersersortariaqartunut tunngasut isumagineqartarput.

Siunnersuisuni pisortanik ikiorsiissutinik sullissinerit tamatigut inatsisit atuuttuut naapertorlugit aammalu innuttaasut ataasiakkaat pisariaqartitaat nalilersuinermi aallaavigalugit sullissineq pisarpoq.

Siunnersuisuni sulineq arlalissuarnik suliassaqartarpoq aammalu kommunip iluaniittunik avataaniittunillu suleqateqartarluni.

Nuummi Isumaginninnermut sullissivik tamakkerluni 30-t missaannik sulisoqarpoq, sisamanullu agguataakkanik suleqatigiiaaqarpoq – Soraarnerit, Pisartakkat, Siunnersuisut aamma Angerlarsimaffeqanngitsut.

Atorfik piffissaq tamakkerlugu suliffiuvoq, suliaqarfimmi aqutsisuusoq qaninnertut aqutsisoralugu.

Atorfiup imarisaa:

Sullissisumik/isumaginninnermut siunnersortimik – misilittagaqarluarsinnaasumik – ulluinnarnilu sulinermik aamma suliassanik arlalinnik uku ataanni suliaqartussamik pissarsiorpugut:

Siunnersuinermik ilitsersuinermillu sullissinerit makkunani:

∙Pisortanik Ikiorsiissutit, inatsisit, peqqussutit kaajallaasitat nalunaarutillu naapertorlugit pisarput.

∙Suliassat takkussuuttut

Suliassat immikkoortortaqarfiup sinnerani avataanilu sulisut allat qanimut suleqatigalugit pisarput, kiisalu avataaniittut aamma suleqatigineqartarlutik.

Qinnuteqartunut naatsorsuutigisat:

Naatsorsuutigaarput isumaginninnermut siunnersortaasutit assigusumilluunniit ilinniagaqartutit.

Pitsaassaaq suliassaqarfimmi sullissinermik misilittagaqaruit aammalu IT (Getorganized og AX prisme) misilittagaqarfigalugit, piumasaqaataanngilarli.

Tamatuma saniatigut pingaartipparput, illit:

∙Ineriartortitsinermik sullissilluarnermillu pingaartitsisuussasutit

∙Suleqatikkuminartoq

∙Isumalluartuullutillu ilakkuminartuusutit 

∙Aalajaatsuussaaq, pitsaassutsimik ilisimasaqarluartuussaaq ataasiakkaanullu maluginiaasinnaassaaq

∙Allattariarsornermi oqaluttariarsornermilu ersarissumik paatsuugassaanngitsumillu attaveqartartuusutit

∙Namminersorluni sulineq akisussaassutsinillu ilisimaarinnilluartuusutit

∙Tatituujusutit arlalinnillu suliaqarsinnaasutit

∙Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq

∙Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.

∙Arlalissuarnik suleqateqallaqqissuussaaq.

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

∙Suliassat takkuttartut assigiinngitsut suleqataaffigisassallugit piarfeersimasuusutit.

Neqeroorutigaavut:

Suliffik unammillernartoq, imarisaanut sunniuteqarnissaq periarfissaqarpoq suliffeqarfimmilu ineriartortumi allanngoriartorfiusumilu immikkut akisussaaffik angisooq pineqassaaq. Pingaartilluinnarparput pitsaasumik suliassanut suliffimmullu pulatikkiartuaartitsineq, suleqatigiinnermilu atugassat pitsaasuunissaat qanimut siunnersuinikkut qulakkeerneqassasoq anguniagaraarput kiisalu suliniuteqarnissaq nutaaliornerlu inissaqartillugit.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Suleqatigiinnik aqutsisuugallartoq, oqarasuaat +299 36 75 17 imaluunniit e-mail: marm@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 667-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juulip 10.-at, 2025

Atorfik una qinnuteqarfigiuk