Isumaginninnermut sullissivimmi Siunnersuisuni siunnersorti

Kommuneqarfik Sermersooq Isumaginninnermut sullissivimmi Siunnersuinermut immikkoortortami sullarissumik pikkorissumillu, nammineerluinnarluni pisortanit ikiorsiissutinik suliaqarnermi sulianik ingerlatsisinnaasumik, aammalu ulluinnarni sulinermi ineriartortitsinermilu peqataalluarsinnaasumik, siunnersortissarsiorpoq, 1. Juli 2025 tamatumaluunniit kinguninngua piaartumik atorfinittussamik.

Siunnersuisuni sulisut maanna arfineq pingasuupput, tassani pisortanit ikiorsiissutit, saaffiginnittarfimmi saaffiginnittunik siunnersuineq siusinaartumillu pensionisianik qinnuteqartut sullinneqartarput, aammalu suliani ataasiakkaani innuttaasut ataasiakkaat pisariaqartitaanik nalilersuinermi aallaavigineqartut malillugit sullissineq ingerlanneqartarluni.

Siunnersuinermut immikkoortortaq Isumaginninnermut sullissiviup ataani inissisimavoq, taannalu arlalissuarnik suliassaqartarpoq, aammalu kommunip iluaniittunik avataaniittunillu arlalinnik suleqateqartarluni.

Nuummi Isumaginninnermut sullissivik 30-t missaannik sulisoqarpoq, taakkulu assigiingitsunut sisamanut agguataakkanik suleqatigiiaaqarpoq – pensionisialinnut, isumaginninnermi siunnersuisut, pisartagalerisut aammalu angerlarsimaffeqanngitsunut sullissisut.

Atorfik piffissaq tamakkerlugu suliffiuvoq, suliassaqarfimmi qaninnertut immikkoortortami aqutsisoq aqutsisorissavat.

Atorfiup imaa:

Qinnuteqartoq pisortanit ikiorsiissutilerinermut tunngasunik suliaqassaaq – misilittagaqarluarnissaq kissaataavoq – ulluinnarnilu sulinermik aamma suliassanik arlalinnik uku ataani suliaqarsinnaassalluni:

·Siunnersuinermik ilitsersuinermillu sullissinerit ukunani:

·Qinnuteqaatinik suliarinninneq, aalajangiinernillu allakkianngortitsineq

·Allakkanik isertunik suliarinninneq

·Isumaginninnermi naammagittaalliuuteqartarfimmeersunik suliaqarneq

·Malitseqartitsineq / Tusarniaaneq

·Journal-inik allattuineq

·Oqarasuaatilerineq

·Akiligassaliorneq

·Kommunimi illoqarfiit nunaqarfiillu suleqatigineri

·Suliassat Isumaginninnermut sullissivimmi sulisut allat qanimut suleqatigalugit aamma ingerlanneqartussat, taamatuttaaq suleqatit avataaniittut suleqatigalugit

Qinnuteqartumut naatsorsuutigisat:

Naatsorsuutigaarput TNI-mut assigisaanulluunniit ilinniarsimasuusutit. Pitsaassaaq suliassaqarfimmi sullissinermik misilittagaqartutit aammalu IT (GetOrganized aamma AX prisme) misilittagaqarfigigitit.

Tamatuma saniatigut pingaartipparput, illit:

·Ineriartortitsinermik sullissilluarnermillu pingaartitsisuusutit

·Sulianik tulleriissaarluarlugit immikkoortitaarineq pikkoriffigissagit

·Suleqatikkuminartuusutit

·Isumalluartuullutillu ilakkuminartuusutit 

·Aalajaatsuusutit, pitsaassutsimik ilisimasaqarluartoq ataasiakkaanullu maluginiaasinnaasoq

·Allattariarsornermi oqaluttariarsornermilu ersarissumik paatsuugassaanngitsumillu attaveqartartuusutit

·Namminersorlutit sulineq akisussaassutsinillu ilisimaarinnilluartuusutit

·Sulianut atatillugu sungiussilluarsimasuusutit, ataavartumillu suliat agguataarneqartarnerannik nalimmassaalluarsinnaasuusutit

·Ulloq ulapaarfiugaluarpalluunniit ukkatarinnilluarsinnaasuutit ataqatigiissitsilluarsinnaasutillu

·Arlalissuarnik suleqateqallaqqissuusutit

·Marluinik oqaaseqartuusutit (kalaallisut qallunaatullu)

·Suliassat tassanngaannaq takkuttartut suleqataaffigisassallugit ammaffigisuugitit

Neqeroorutigaavut:

Suliffik unammillernartoq, imarisaanut sunniuteqarnissaq periarfissaqarpoq suliffeqarfimmilu ineriartortumi allanngoriartorfiusumilu immikkut akisussaaffik angisooq pineqassaaq. Pingaartilluinnarparput pitsaasumik suliassanut suliffimmullu pulatikkiartuaartitsineq, suleqatigiinnermilu atugassat pitsaasuunissaat qanimut siunnersuinikkut qulakkeerneqassasoq anguniagaraarput kiisalu suliniuteqarnissaq nutaaliornerlu inissaqartillugit.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami Aqutsisoq Margrethe Møller, oqarasuaat +299 36 75 17 imaluunniit e-mail: mars@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 579-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juulip 1.-at, 2025

Atorfik una qinnuteqarfigiuk