Isumaqatigiissutinik aamma pisiortorfinnik aqutsinermut isumaqatigiissutinut akisussaasoq

GrønlandsBANKEN isumaqatigiissutinik aamma pisiortorfinnik aqutsinermut isumaqatigiissutinut akisussaasussarsiorpoq.

GrønlandsBANKEN-ip isumaqatigiissutaanik aamma pisiortorfiinik sunniuteqarluartumik, isumannaatsumik aamma malittarisassanik malinnittumik aqutsinermik qulakkeerinnissinnaavit? GrønlandsBANKEN-ip pisariaqartippaatit, illit aningaaseriviup pingajuusunit it-kkut sullissinernik nakkutiginninneranik (DORA) aamma GDPR-imi piumasaqaatinik malinninnersugut qulakkeerinninnermik suliaqarnerani ikiuutaasinnaasoq. Aningaaseriviup IT-mut immikkoortortaa, DPO aamma Aarlerinaatinik Isumaginninnermut Pisortaq qanimut suleqatigissavatit.

Isumaqatigiissutinut akisussaasutut ilaatigut makku akisussaaffigissavatit:

Isumaqatigiissutinik aqutsineq:

• Isumaqatigiissutinut allattorsimaffimmik (House of Control) suliarinninneq, attassineq aamma nutarsaaneq.

• Isumaqatigiissutinut akuersinissamut sulinermik eqqortumik qulakkeerinninneq.

• Isumaqatigiissutit aamma allannguutit annertuut pillugit aqutsisunut nalunaarusiorneq.

Pisiortorfinnik aqutsineq:

• Due diligence-nik naammassinninneq aamma pisiortorfiit aarlerinaataanik nalilersuineq.

• Pisiortorfiit naammassinninnerannik (perfomance) aamma illup iluani aamma avataani piumasaqaatit malittarisassanik malinninnerannik (compliance) nakkutiginninneq.

• Pisiortorfiit atassuteqarfiinut ingerlaavartumik malittareqqiinermik aamma uppernarsaanermik qulakkeerinninneq.

Pingajuusunit IT-kkut sullissinernik aqutsineq:

• Outsourcing-imut isumaqatigiissutinik nakkutiginninneq aamma piumasaqaatinik malittareqqusanik eqqortitsinermik qulakkeerinninneq (DORA).

• Atoruminartuuneq, innarligassaannginneq, isertuussineq aamma isumannaallisaanikkut iliuutsit pillugit isumaqatigiissummi aalajangersakkanik qulakkeerinninneq.

GDPR aamma malittarisassanik malinninneq (Compliance):

• GDPR-imut akisussaasuuneq aamma inummut paasissutissanik eqqortumik suliarinninnermik qulakkeerinninneq.

• Sulinerit ingerlanerini tamani paasissutissanik illersuinermik qulakkeerinninniarluni illup iluani immikkoortunik ataqatigiissaarineq.

• Inatsisit atuuttut amma illup iluani politikkit malillugit malittarisassanik malinninnermik nakkutilliineq uppernarsaanerlu.

Takorloorparput illit:

• Inatsisilerituutut assigisaanilluunniit ilinniarsimasutit.

• Isumaqatigiissutit pillugit inatsisinut, pisiortorfinnik aqutsinermut aamma piumasaqaatinut malittareqqusanut ilisimasaqarluartutit.

• GDPR-imik misilittagaqaruit aamma DORA-mut peqqussutinik ilisimaarinnikkuit iluaqutaassapput.

• Aarlerinaatinik naliliinermik aamma malittarisassanik malinninnermik, iluassaaq aningaasaqarnikkut ingerlataqarfimmiit misilittagaqartutit.

• Attaveqatigiilluarsinnaasutit aamma pisortanik aamma siulersuisunik, kiisalu aqutsisunik aamma suleqatinik suleqateqarsinnaasutit.

• Misissuinikkut piginnaasaqartutit aamma uppernarsaanermut nalunaarusiornermullu aaqqissuussamik suleriuseqartutit.

GrønlandsBANKEN aamma immikkoortortaqarfik pillugit:

GrønlandsBANKEN Kalaallit Nunaanni arfinilinnik immikkoortortaqarpoq, qullersaqarfik Nuummi inissisimavoq.GrønlandsBANKEN-ip aaqqissuussinermut immikkoortortaani qullersaqarfimmi atorfinissaatit, Aqutsisoqarfimmi pisortaq qullersarissallugu.Immikkoortortaqarfik matuma saniatigut sullissinermi ikiortinik pingasunik aamma illumi aqutsisumik sulisoqarpoq.

Ulluinnarni sulinerput persuarsiorfiunngilaq, pingaartitatsinnik sisamanik aallaaveqarpoq; tunniusimaneq, sullitanik pingaartitsineq, peqqissaartuuneq, aamma ineriartornermik pingaartitsineq.

Neqeroorutigaarput:

• Atorfik pilerinartoq akissarsiarissaarfiusoq sunniuteqarfiulluartoq aamma ineriartornissamut periarfissaqartoq.

• Ataqatigiinneq nukittooq suliat tunniusimanerlu qaffasissut.

• Atorfininnermi atugassarititaasut isumaqatigiissutit atuuttut naapertorlugit, ilanngullugit angalaneq aamma pequtit assartorneri.

• Atorfininneq sapinngisamik piaarnerpaamik – oqaloqatiginninnerit ingerlaavartumik ingerlanneqassapput.

Allat:

Atorfininneq Grønlands Erhverv aamma Finansforbundet akornanni isumaqatigiissut naapertorlugu pissaaq.Atorfik pillugu apeqqutissaqaruit aqutsisoqarfimmi pisortaq Carsten Th. Pedersen saaffigisinnaavat.

Apeqqutit nalinginnaanerusut pillugit HR-imi pisortaq Patricia Lund Olsen imaluunniit HR-partner Louise Bro Kaae saaffigisinnaavatit.

Tusarfiginissat qilanaaraarput!

Qinnuteqaat nassiutiguk