PAASISSUTISSAT
Atorfiup suussusaa: IT-mut siunnersorti
Suliffeqarfik: Air Greenland
Qinnuteqarfissamut killigititaq: Løbende
Attavissaq: Karsten Munk oqarasuaatikkut 343150 imaluunniit e-mailikkut kmunk@airgreenland.gl.
Air Greenland IT-mut pikkorissumik IT-mullu tunngasunik siammasissumik piginnaasalimmik, Air Greenland-mi IT-mik atuinermik aammalu ineriartortitsinermut peqataarusuttumik siunnersortissarsiorpoq.
Air Greenlandimi IT-mi immikkoortortaqarfimmi IT-mut Siunnersortitut suliaqartut atorfinittussaq ilanngullugu quliupput, Nuummilu qullersaqarfimmi inissisimasuullutik.
Suliassatit pingaarnerit tassaassapput:
- Ipad-inik allanillu ikkussuineq tapersersuinerlu
- IT-mik isumannaalisaanermik aaqqiissutissanillu assigiinngitsunik naliliisarneq, ikkussisarneq, pitsanngorsaanermik ingerlatsineq.
- Microsoft 365-imik pitsanngorsaaneq, tapersersuineq, ingerlatsinerlu
- Microsoft Azure-mik pitsanngorsaaneq, tapersersuineq ingerlatsinerlu
- Isumannaallisaanermi pisunik alapernaarsuineq malinnaanerlu
Tamatuma saniatigut piffissap ilinniarfiusup qaangiunnerani IT-mut pigaartuusarnermi aaqqissuussinermut ilaanissat naatsorsuutigisariaqarpat, taamatullu suliani IT-mut tunngasuni assigiinngitsuni suleqataasoqartarsinnaavoq aqutsisoqartarsinnaallunilu.
Piginnaaneqarfiit
Naatsorsuutigaarput ukununnga piginnaaneqarfeqassasutit:
- IT-mut suliassaanullu attuumassutilimmik ilinniagaqarsimanissaq
- Ajornanngippat atorfimmut assingusumi misilittagaqarsimanissaq
- IT-mi isumannaallisaanermik misilittagaqarsimanissaq
- Microsoft Windows-imik aamma 365 pakke-mik misilittagaqarsimanissaq
- Microsoft Azure-mik misilittagaqarsimanissaq
- Ajornanngippat AirWatch-mik imaluunniit Mobil device Management assigisaanik misilittagaqarsimanissaq
Inuttut namminersorlutit, aaqqissuussamik siulliullutillu sulisinnaassaatit. Ulapaarnermi suliassanik tamakkiisumik takunnissinnaassuseqarlutit suliassanillu tulleriiaarisinnaassatit. Naammagittarsinnaassuseqarlutit, pitsaasumik tapersersuisumik sulillisinnaassuussaatit ammasuussallutillu, aammalu atuisunik attaveqaqateqarnissamut pikkorissuussaatit. Akisussaaffeqarnerit tunniusimanerillu takutissinnaassavatit, aammalu suleqatigiinnerup pingaaruteqarnera paasisinnaassallugu.
Neqeruurutigaarput
Suliat assigiinngissinnaasut suliffeqarfimmi eqaatsumik pissanganartumillu suliaqartoq, inuttut piginnaasat tungaavigalugit ineriartornissamik periarfissaqartitsilluartoq.
Atorfik sulisunut ataasiakkaanut atorfeqarnermi piumasaqaatinut naapertuuttumik akissarsiaqartitsiviuvoq. Taakku saniatigut suliffeqarfiup akiligaanik ilaqutariinnut ukiumut ataasiarluni sulinngiffeqarnermut atatillugu angalanissinnaaneq, kiisalu sillimmasiissutit ataatsimoortut pilerinartut, ilaatigut piffissaq tamakkerlugu ajutoorsinnaanermut, ataatsimut inuunermut kiisalu peqqinnissaqarfimmut akiliunneqarnissamut sillimmasiissutinik ilaqartut neqeroorutigineqarput.
IT-mut pisortaq Karsten Munk oqarasuaat 343150-imut imaluunniit e-mail kmunk@airgreenland.gl aqqutigalugu attaveqarfigalugu paasissutissanik amerlanerusunik pissarsisinnaavutit
Qinnuteqaatit pappiaqqanik attuumassutilinnik ilaqartinneqartoq www.airgreenland.gl nassiuguk. Piukkunnarsinnaasunik oqaluussinerit ataavartumik ingerlanneqassaput.
Atorfik una qinnuteqarfigiuk
