Ittoqqortoormiini Minihalimi ulluinnarni aqutsisumik

Kommuneqarfik Sermersooq Ittoqqortoormiini Minihalimi ulluinnarni aqutsisussarsiorpoq.

Atorfik tamakkiisumik suliffiuvoq, Peqqinneq Susassaqartitsivimmilu immikkoortortami pisortap ataani inissisimalluni. Immikkoortoq marlunnik sulisoqarpoq.

Aqutsisup pingaarnertut suliassarivai Minihalip ulluinnarni ingerlanneqarnera aammalu Minihalip najoqqutassatut malitassat malillugit ingerlanneqarnissaanik qulakkeerinninnissaq.

Atorfiup imarisai:

Pissarsiorpugut ulluinnarni suliassanik aqutsisinnaasumik aamma suliassat assigiinngitsut ataani taaneqartut ingerlanneqarnissaat ilanngullugit:

∙Timersornermut tunngasunik misilittagaqarlunilu ilisimasaqarneq

∙Annertuumik tunniusimasuuneq sulianullu aallussilluarsinnaaneq

∙Ammasumik pitsaasumillu timersortarfimmik atuisunut kiffartuussinissaq

∙PC-mut atuisinnaaneq pitsaaqutaassaaq, kisianni piumasaqaataanani

∙Nammineersinnaassuseqarnissaq

∙Tamanut aaqqissuussanik ingerlatsineq

∙Sulisut sulinermut nalunaarsugaannik suliaqarneq kiisalu naatsorsuinerit

∙Minihalip sukkulluunniit pitsaasuunissaa

∙Pigisat eqqiaanermut atortut, timersornermut atortut il.il. peqatigitigitillugit nalunaarsorneqarnissaat aamma iluarsisassanik ataqitigiissaarineq

∙Suliassat assigiinngitsut takkussuuttut isumaginissai

Suliassat aqutsisoq qaninnerpaaq suleqatigalugu naammassineqartassapput.

Qinnuteqartumut naatsorsuutigisavut:

∙Aalajaatsuuneq, pitsaassutsimik ilisimasaqarneq immikkuualuttunullu tappissuuneq

∙Allattariarsornikkut oqaluttariarsornillu ersarissumik attaveqarsinnaaneq

∙Namminersorluni, akisussaassusilimmik aammalu sullisserusussusermik peqarluni sulisinnaaneq

∙Suliassat eqqarsaatigalugit aamma suliassat ingerlaavartumik agguataarlugit iluarsineqartarneranni tamatigoortuuneq

∙Aallussilluni aamma aaqqissugaasumik sulisinnaassuseqarneq

∙Tatituujunermik, sulerusussusermik, nukissaqarnermik iliuuseqarsinnaanermilllu pigisalik

∙Sulianik aaqqiissuteqartarnermi ingerlaavartumik ineriartortitsinermut peqataaneq pitsanngorsaaqataanerlu

∙Siammasissumik suleqatiginnilluarsinnaaneq

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Neqeroorutigaavut:

Suliffik unamminartoq namminerlu imaanik sunneeqataaffigineqarsinnaasoq aamma suliffeqarfimmi ineriartorfiusumi nammineq akisussaaffeqarfigilersinnaasaq. Pingaartipparput suliffiup suliffeqarfiullu patajaatsumik iserfigineqarnissaa aammalu suliffiup pitsaasuunissaa angujumallugu aqutsinermut tunngasuni qanimut suleqatigiinnikkut tamassuma qulakkeerneqarnissaa kiisalu suliniutinut pinngorartitsinermullu tunngasunut inissaqartitsineq.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Inissaq:Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Ingeborg Pike, oqarasuaat +299 36 78 67 imaluunniit e-mail: igpe@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1006-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: oktobarip 14.-at, 2025

Atorfik una qinnuteqarfigiuk