Fakta
Atorfiup suussusaa: Junior Account Manager
Suliffeqarfik: Royal Arctic Line
Qinnuteqarfissamut killigititaq: 15. apriili 2026
Attavissaq: John Aage Nielsen oqarasuaatikkut +299 34 91 13 imaluunniit emailikkut johni@ral.gl
Nuummi suleqatigiinnut Junior Account Manageritut erninermut atatillugu sulinngiffeqarnerup nalaani paarlattaagallartussamik pissarsiorpugut - sullitanik oqaloqateqarnissamut, sullissinissamut ineriartornissamullu kajumissusilimmik. Atorfik qaammatinut tallimanut killiligaavoq.
Uagut pilluta
Royal Arctic Linemi sullitatta qitiusut pitsaasumik siunissarlu ungasinnerusoq eqqarsaatigalugu atassuteqarfiginissaat ullut tamaasa sulissutigisarparput. Junior Account Manageritullu sulileruit KAM-imi suleqatigiit peqatigilissavatit, taakkunanilu ilinniartilluarneqarnissannut, siunersiueqateqarnissannut atorfimmilu ineriartornissannut periarfissaqarluassaatit.
Suliassatit
Ulluinnarni suliarisartakkatit allanngorartuussapput sullitanut attaveqartarlutit suliffeqarfillu akimorlugu aamma suleqateqartassallutit. Suliassatit ilaatigut tassaapput:
- Suleqatigiinnissamik isumaqatigiinniarnerit peqataaffigineri
- Apeqquteqaatinik suliarinninneq, isumaqatigiissutinik suliaqarneq, neqeroorutinut anguniakkatullu aalajangersakkanut malitseqartitsinerit
- Sullitat nassiussanik assartugassaataannik piffissamut qaninnerusumut ungasinnerusumullu pilersaarusiorneq
- Ukiumut ingerlatassanik pilersaarusiorneq, tassunga ilanngullugit KAM-imi suleqatigiit peqatigalugit ataatsimiinnerit ilusilernissaat, nalunaarusiat il.il.
- Isumaqatigiissutinik isumaginninneq
- Ingerlatsinermut immikkoortortaqarfik peqatigalugu usisaqarsinnaassutsimik pilersaarusiorneq
- Neqeroorutinik tuniniaanermillu suliaqarneq
Suleqatissatut ujartugarput tassaavoq:
- Sullitanik sullissinermik, tuniniaanermik imaluunniit assartukkanik pilersaarusiornermut aqutsinermullu piumasaqaatinik misilittagaqareersoq imaluunniit soqutigisaqartoq
- Attaveqaqateqallaqqissoq atassuteqalersitsillaqqissorlu
- Aaqqissuulluakkamik suleriaaseqartoq immikkuualuttunullu tappissoq
- IT-mut piginnaasaqarluartoq
- Kalaallisut danskisullu oqalussinnaasoq – tuluttoorsinnaagaannilu iluaqutaassaaq
- Kalaallit Nunaat pillugu nunatsinnilu pissutsinik paasisimasaqarluartoq
Neqeroorutigisagut
Royal Arctic Linemi pissanganartumik atorfeqalissaatit suliarisartakkavit allanngueqataanerat malugineqarsinnaasarluni – suleqatitsinni aammalu inuiaqatigiinnut atassuteqarnitsinnut.
Neqeroorutigisagut:
- Aaqqissuussaaneq allanngorarfiusoq, suleqatit tunniusimasut unammilligassallu pissanganartut
- Akissarsiat unammillersinnaassuteqartut, piginnaaneqarfigisannut naapertuuttut
- Inuttut suliatigullu ineriartornissamut periarfissat pitsaasut
Suleqatigilernissatsinnut piareersimavit?
Atorfik pillugu paasisaqarnerorusukkuit CCO John Aage Nielsen attaveqarfigisinnaavat oqarasuaatikkut +299 34 91 13-imut imaluunniit mailikkut johni@ral.gl-imut
Atorfininneq: Piaarnerpaamik – eqqortulli atorfinitsinnissaa salliutinneqassaaq
Atorfeqarnerup sivisussusia: Erninermut atatillugu sulinngiffeqarnerup nalaani qaammatini tallimani paarlattaagallarneq
Qinnuteqarfissaq kingulleq: Apriilip 15-iani 2026
Qinnuteqaatit: Ingerlaavartumik suliarineqassapput
Oqaloqatiginninnerit: Ingerlaavartumik oqaloqatiginnittoqassaaq
