Kalaallit Nunaanni Aalisarnermut Piniarnermullu Nakkutilliisoqarfik Konsulent-inik sulisussarsiorpoq.

Kalaallit Nunaanni Aalisarnermut Piniarnermullu Nakkutilliisoqarfiup (KANUAPNA-p) aalisarnermik, piniarnermik aallaaniarnermillu nakkutilliineq alapernaarsuinerlu ingerlatarai. KANUAPNA´p pingaarnertut anguniagaraa Kalaallit Nunaanni Namminersorlutik Oqartussat aalisarnermik inatsisaat, tamatumani ilanngullugit nunanik allanik isumaqatigiissutini malittarisassat atuutilersinneqartut imaluunniit nunat tamat akornanni kattuffinnut Kalaallit Nunaata peqataaffigisai, imaluunniit aalisarnermik ingerlataqarneq pillugu nunat tamat akornanni isumaqatigiissutinik atuutsitsilerneq eqqortinneqarnissaat qularnaassallugu.

Atorfik pillugu

Konsulent-itut atorfimmi ullut ilaanni ulapinneq ullullu ilaanni suliassat ikinnerusut misigisassavatit.

Konsulent-itut atorfik aqutsinermut pilersaarusiornermullu tunngassutilinnik kiisalu attaveqaqatigiinnissamut piginnaasaqarluarnissamik piumasaqaateqarpoq.

Atorfik pingaarnertut suliassanik makkunannga imaqarpoq

• Tunitsivinnut pisiortortunut umiarsuaatileqatigiiffinnullu attaveqarneq

• Tunisiviit nalunaarutaat qarasaasiamut nuussorneri

• Sinerissap qanittuani aammalu avataasiortut aalisarnermi umiarsuup allattaaviinik aamma tunisinermi paasissutissanik suliaqarneq qarasaasiamullu immiussineq

• Qarasaasiamut immiunneqartut pitsaassusaannik paasissutissallu tatiginassusaannik misissuineq

• Kilisaatit Atlantikup avannaanni nunani tamani aalisakkanik tulaassinerminni misissuineq

• Sinerissap qanittuani aalisarnermi pisarisat inissisimanerannik suliaqarneq

• Sapaatip akunneranut nalunaarusiamik suliaqarneq

Piginnaasat

• Atorfimmut inuttassarsiukkamut ilinniagaq naleqquttumik ilinniarsimanissaq, ilinniagarluunniit alla naleqqiunneqarsinnaasoq imal. aamma allaffissornermik suliffimmik misilittagaqarnissaq.

• Tamanik takunnissinnaassaatit, aamma pisut sukkagaangata ajornakusooraangatalu.

• Kalaallisut danskisullu oqalussinnaassaatit aammalu allaganngorlugu oqaluinnarluni ersarissumik oqalussinnaassallutit. Aaammattaaq erseqqissuliullaqqissuusutit.

• Tuluttullu paasisinnaaneq iluaqutaassaaq.

Naatsorsuutigaarput illit:

• Kisitsisitalinnik suliaqallaqqittuusutit, ilusilersuillaqqittuusutillu

• Naqiterinissamut peqqissaartuusutit

• Misissueqqissaarsinnaasutit aaqqissuussillaqqittuusutillu

• IT atorlugu sulerususseqarsinnaassutit paasissutissanut katersuivinnut (database) atuisinnaasuseqartuusutit

• Attaveqaqatigiinnermut suleqatigiinnermullu piginnaasaqarluartutit

• Iluaqutaassaaq pisortaqarfimmi allaffissornermik misilittagaqartutit.

Neqeroorutigisinnaavagut:

• Suliffik ulapaarfiusoq ineriartorfiusorlu

• Suleqatit pimoorussisut kajumissuseqartullu

• Suliffeqarfik aqutsisut sulisullu akornanni attaveqaqatigiilluarfiusoq

• Allaffeqarfik nuannersoq, sulisunut peqataatitsisoq, ajunngitsumik atugassaqartitsinissamut suleqatigiilluarnissamillu pingaartitsisoq

Illit pillutit

Sullissisinnaanissat, ikiuussinnaanissat ulluinnarnilu nuannaartuunissat aamma pingaartippagut. Aaqqissuussamik sulisinnaassuseqassaatit suliassanillu pitsaasunik piffissaritinneqartullu iluani tunniussisinnaassaatit naammassinnissinnaallutillu. Aamma pisariaqartillugu immikkut suliaqarususseqarnissat pingaartipparput. Kalaallit Nunaanni inuiaqatigiinnik ilisimasaqarnissat inuiaqatigiinnilu pissutsinik paasinnissinnaanissat kissaatigaarput.

Kalaallit Nunaanni Aalisarnermut Piniarnermullu Nakkutilliisoqarfiup soqatiginnittunut kaammattuivoq, qanorluunniit tunuliaqutaqaraluarlutit qinnuteqarnissannut.

Qinnuteqarfissaq kingulleq: Marts-ip 25-t 2026

Atorfininnissaq

Sapinngisamik piaartumik inuttaleerusuppugut imaluunniit isumaqatigiissuteqarneq tunngavigalugu.

Qinnuteqartunik piukkunnaatilinnik oqaloqatiginninnerit ataavartumik ingerlanneqassapput.

Saqqummiussaq pillugu paasissutissanik annertunerusunik pissarsisoqarsinnaavoq Teamlederiugallartoq Rosa-Marie H. Lorentzen oqarasuaat +299 34 51 52-mut, e-mail: roma@nanoq.gl saaffigalugu.

KANUAPNA pillugu

KANUAPNA Nuummi qullersaqarfeqarpoq nunallu immikkoortuini pingasuni Sisimiuni, Ilulissani Nuummilu allaffeqarluni.

Qullersaqarfimmi sulisut 17-iupput taakkunanilu immikkoortortaqarfiit ukunani agguagaallutik: Aningaasaqarnermut Allaffissornermullu immikkoortortaqarfik, It-mut nunat tamanut suleqatigiinnissamut immikkoortortaqarfik, Sulisoqarnermut immikkoortortaqarfik taavalu Nakkutilliinermut immikkoortortaqarfik, aalisarnermik alapernaarsuisunik sulisoqarluni, nunap immikkoortuini pingasuni allaffeqarluni, aalisarnermik piniarnermillu nakkutilliisunik piniarnermillu nakkutilliisunik sulisullit.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.