Kalaallit Nunaanni Aalisarnermut Piniarnermullu Nakkutilliisoqarfik Nakkutilliinermi Pisortassarsiorpoq

Kalaallit Nunaanni Aalisarnermut Piniarnermullu Nakkutilliisoqarfik (KANUAPNA) Nakkutilliinermi pisortassarsiorpoq, KANUAPNA-mi nutarsaanermi ingerlaartumi pingaarutilittut inissimimasussamik.

Suliassat

Nakkutilliinermi Pisortassaq immikkoortortaqarfinni pingasuusuni.

Kalaallit Nunaat tamakkerlugu aalisarnermik, piniarnermik aallaaniarnermillu nakkutilliinermi akisussaasoq.

Nunap immikkoortuini pingasuusuni aqutsisut suleqatigalugit nakkutilliinermik pilersaarusiornermut akisussaasoq.

Aalisarnermik alapernaarsuisoqarnermut aammalu Aalisarnermut Piniarnermullu nakkutilliisunut akisussaasoq.

HR-imi Pisortaq suleqatigalugu Aalisarnermik Piniarnermillu Nakkutilliisutut ilinniarneq ingerlannissaa.

Aalisarnermik paasissutissanik misissueqqissaarnermi peqataaneq aamma aalisarnermi, piniarnermi aallaaniarnermilu inatsisit unioqqutinneqarnerinik malitseqartitsineq.

Aalisarnermi nakkutilliineq inatsisillu pillugit malittarisassiornermi allannguutissatut siunnersuusiornermut peqataaneq, nunat tamat akornanni pisussaaffinnik suliaqarneq nunanilu allani aalisarnermik killilersuinerup ineriartorneranik malitseqartitsineq.

Nunat tamat akornanni ataatsimiinnerni isumaqatiginninniarnernilu peqataaneq.

Aalisarnermut Piniarnermullu Nakkutilliisut Pisortaanut attaveqassaaq.

Nakkutilliinermi pisortaq aqutsisoqatigiinnut ilaavoq, Aalisarnermut Piniarnermullu Nakkutilliisut Pisortaanut taartaasassalluni.

Piginnaasat

Inummik tulluuttumik ilinniagalimmik ujaasivugut, ilaatigut:

• Takussutissalimmik aqutsinermik misilittagalik

• Kalaallit Nunaanni Namminersorlutik Oqartussat iluanni aqutsinermik misilittagaqarneq iluaqutaassaaq.

• Aalisarnermik nakkutilliineq pillugu ilisimasaqarluarneq pingaaruteqarluinnarpoq.

• Piniarnermik aallaaniarnermillu nakkutilliinermik ilisimasaqarneq iluaqutaassaaq.

• Aalisarnermik atortuinillu il.il. ilisimasaqarneq iluaqutaassaaq.

• Aaqqissuulluakkamik sulinissamut, misissueqqissaarnissamut pilersaarusiornissamullu annertuumik piginnaasaqarnissaq.

• Paasissutissanik suliareqqiinermi atortunik ilisimaarinninneq, ingammik Excel, Word aamma Power point.

• Kalaallisut danskisut tuluttullu oqaatsitigut allattariarsornikkullu piginnaasaqarluarneq.

Suleqatikkuminarnermut piginnaasaqarneq piumasaqaataavoq, suliassammi suliassaqarfiit akimorlugit suliffiup iluani, avataani nunallu tamat akornanni aalisarnermik sammisaqartut peqatigalugit ingerlanneqartarmata.

Naatsorsuutigaarput, illit:

• Pasinnittuullutit tusarnaarsinnaallutillu aqutsisinnaasutit.

• Aaqqiagiinngissutinik paasiniaasinnaasutit iluarsiisinnaasutillu.

• Akisussaassuseqartutit, sulilluarsinnaasutit, ikiuisinnaasutit sullissisinnaasutillu.

• Tatiginartumik kinguneqarluartumillu sulianik ingerlatsisinnaasutit.

• Politikkikkut aqunneqartumi sulinissamut piareersimasutit.

Aamma kissaatigaarput illit:

• Kalaallit Nunaanni inuiaqatigiilerinermut ilisimasaqartutit inuiaqatigiinnilu pissutsinut paasisimasaqartutit.

• Persuarsiorani tutsuiginartumili sulinissamik kissaateqartutit.

• Qinnuteqaatinnut ilanngullugu pinerlussimannginnermut uppernarsaammik nassiussissasutit

Qinnuteqarnissamut piffissaliussaq:

Aprilip 8.-t 2026

Sukumiinerusumik atorfik inuttassarsiugaq pillugu paasisaqarnerorusukkuvit, tikilluaqquatsigit saaffiginninnissat Aalisarnermut Piniarnermullu Nakkutilliisunut Pisortaq Claus Nielsen-imut, mail: cnie@nanoq.gl telefon: +299 345377

KANUAPNA pillugu

Kalaallit Nunaanni Aalisarnermut Piniarnermullu Nakkutilliisoqarfik (KANUAPNA) kalaallit nunaanni aalisarnermut, piniarnermut aallaaniarnermullu alapernaarsuinermi, nakkutilliinermi misissuinernilu isumaginnittuuvoq.

KANUAPNA-p pingaarnertut anguniagaraa Kalaallit Nunaanni Namminersorlutik Oqartussat aalisarneq piniarnerlu pillugit inatsisaat eqquutsinneqarnissaa qulakkiissallugu, tassani ilanngullugit illugiilluni aalisarneq pillugu isumaqatigiissutit naapertorlugit malittarisassat atulersinneqartut imaluunniit Kalaallit Nunaata nunat tamat akornanni kattuffinnut peqataanera naapertorlugu imaluunniit aalisarneq pillugu nunat tamat akornanni isumaqatigiissutit akuersissutigineqarnissaat. Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik qanimut suleqatigalugu sulineq ingerlanneqarpoq.

KANUAPNA Nuummi qitiusumik allaffeqarpoq kiisalu Sisimiuni, Ilulissani Nuummilu nunap immikkoortuini allaffeqarluni.

Qitiusumik allaffik 18-inik sulisoqarpoq, ukunani immikkoortortani agguagaasumi;

• Nakkutilliinermut immikkoortortaqarfik, tassanilu inissisimapput;

• nakkutilliisooqatigiit tassaapput aalisarnermik alapernaarsuisut 11-it kiisalu nunap immikkoortuini allaffinni pingasuni katillugit aalisarnermik piniarnermillu nakkutilliisut 21-it.

• IT-mut Nunallu Tamalaat Akornanni Suleqatigiinnermut immikkoortortaqarfik

• HR (Sulisoqarnermik immikkoortortaqarfik)

• Aningaasaqarnikkut allafeqarnermullu immikkoortortaqarfik

Akissarsiat atorfeqartitaanermilu atugassarititaasut:

Atorfik akissaateqarfimmi LR 36-mi maanna inissisimavoq. 1. april 2025 LR 36-mi tunngaviusumik akissarsiaq tapiillu aalajangersimasut soraarnerusutissianullu illuartittagaq ilanngullu antterussuseqarput qaamammut Kr. 57.102 ukiumullu Kr. 685.224.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.