Kalaallit Nunaanni Aatsitassanik Suliassaqarfinnut Avatangiisinut Aqutsisoqarfimmut AC-fuldmægtigi / Immikkut siunnersorti

Ujartorneqartut: Sulisut marluk pimoorussisut pikkorissullu, pinngortitamik, avatangiisinut aamma aatsitassanik piiaaffinnut soqutiginnittut.

Avatangiisinut Aqutsisoqarfik pillugu

Aatsitassanik Suliassaqarfinnut Avatangiisinut Aqutsisoqarfik (Avatangiisinut Aqutsisoqarfik) Namminersorlutik Oqartussani Pinngortitamut Avatangiisinullu Naalakkersuisoqarfiup ataani inissisimavoq tallimanik sulisoqartoq. Kalaallit Nunaanni Aatsitassanut Oqartussaqarfik Aatsitassanut Aqutsisoqarfik Avatangiisinut Aqutsisoqarfiup suleqatigai.

Avatangiisinut Aqutsisoqarfiup suliassai

Avatangiisinut Aqutsisoqarfiup suliassai tassaapput, Kalaallit Nunaanni aatsitassarsiornissamik pilersaarutit avatangiisinut pinngortitamullu ajornanngitsumik annikinnerpaamik ajortumik sunniuteqannginnissaat qularnaarnissaat. Suliamut ilisimasat pillugit avatangiisinut tunngatillugu politikkikkut aatsitassanut inatsimmut aalajangiussassanut Avatangiisinut Aqutsisoqarfik tapersiisarpoq. Tamatumani Avatangiisinut Aqutsisoqarfik aamma avatangiisit, pinngortitaq aamma silap pissusianut atatillugit aatsitassarsiornermut suliassaqarfik pillugit naliliinerit aamma aalajangiinerit suliarisarpaat.

Suliassatit illit soqutigisannut, ilinniakkat tunuliaqutaralugu aamma siusinnerusukkut suliffikunniit misilittakkatit aallaavigalugit sapinngisamik naleqquttuutinneqassapput.

Atorfik

AC-fuldmægtigimut sapinngisamik piaartumik marlunnik inuttalerneqartussat pineqarpoq. Artorfiup aappaa qitornartaarsimalluni sulinngiffeqarallarnermut sinniisi aammalu aappaa atorfeqavinnikkut sulliviusussaq. Qinnuteqartut piginnaasaat tulluartut orniginartunillu misilittagallik tamakku tunuliaqutaralugit nalilersuinermi, Immikkut siunnersortitut atorfinitsitsinermut neqeroortoqarsinnaavoq.

Ulluinnarni Aatsitassanut Oqartussaqarfimmi suleqatit pimoorussisut aatsitassarsiornissamut pilersaarutitut atatillugu ineriartortitsinermi suliaqartut suleqatigisassavatit . Avatangiisinut Aqutsisoqarfiup suliassaqarfiini ilaatigut ilaatinneqarput:

• Asimi suliarisassanut- misissuinermut- aamma atuisinnaanerit pillugit qinnuteqaatinik suliaqarnerit;
• Avatangiisinut nalilersuinernik aamma missingiinermi pilersaarusianik ineriartortitsineq aamma pitsaassusianik isumannaarinninneq;
• Akuerisaasuni suliaqarfinni naleqquttuusuni avatangiisinut nakkutilliineq;
• Suliniutinik allaffissornikkut aqutsineq;
• Naalakkersuisut isummernissaannut tunngavissianut aalajangiussassanut aamma siulersuisunut ilisimatitsissutinik suliaqarnerit;
• Aatsitassarsiutileqatigiiffinnut aamma aatsitassarsiorfinni suliassaqarfinnut soqutigisaqartut allat ataavartumik attaveqaqatiginninnissamut suliaqarnerit.

Pinngortitamut Avatangiisinullu Naalakkersuisoqarfik aamma Aatsitassanut Naalakkersuisoqarfik kiisalu Aatsitassanut Aqutsisoqarfik qanimut suleqatigisassavatit. Taakkua saniatigut Avatangiisinut Aqutsisoqarfiup ilisimatuussutsikkut siunnersortai Nationalt Center for Miljø og Energi-miittut Pinngortitaleriffimmiittullu qanimut suleqatigaagut.

Piginnaasat

Avatangiisinut Aqutsisoqarfik aqutsisoqarfiuvoq mikisoq suliassaqarfimmik annertuumik akisussaaffilik. Taamaammat ulapaarfinni, arlalitsigut kajumissuseqarnissat aamma unammilligassanut tamatigoortuunissat, isumatusaartuunissat aamma piffinni isumagissaartuunissat, tamakkerlugu isiginninnissat aamma ukkatarinninnissat nalileeqataassapput. Suliassaqarfimmi misilittagaqartuusinnaavutit aamma suleqatinnut aqutsisoqarfimmilu suleqatigisanut kiinneraartuunissat iluaqutaassaaq. Pisussaassutsiminik ilaginnaajumanngitsuuvutit tatiginartorlu aamma ataqqinartumik suliassatit naammassisarpatit aamma politikkikkut aalajangiinissanut sapinngisamik pitsaanerpaamik tapersersuisarlutit.

Naatsorsuutigaarput:

• Naleqquttumik ilinniagaqarsimanissat, pinngortitamik ilisimatusarnermut tunngasunik, naalagaaffiit pissusiinik ilisimatusarnermi tunngasunik, avatangiisinik ingerlatsinermi tunngasunik imaluunniit assingusunik.
• Ukiuni amerlasuuni allaffissornikkut aaqqissuussaanermi tulluartumik imminut imaluunniit politikkikkut aqunneqartumi sulinermik misilittagaqartutit
• Avatangiisinut suliassaqarfinni tamatuma saniatigut aatsitassanik piiaanernut soqutigisaqartuunissat misilittagaqartuunissallu.
• Avatangiisinut naliliinernut aamma avatangiisinut missingiinernut ilisimasaqarnissat misilittagaqarnissallu.
• Pilersaarusianut ingerlatsinermik misilittagaqartuunissat
•  Pisortat missingiinerannut pisortallu pisussaaffiannut soqutigisaqartuunissat misilittagaqartuunissallu.
• Danskisut, tuluttut ajornanngippallu kalaallisut oqaatitigut piginnaaneqassasutit
• Suliassannut akisussaaffeqarluarneq aamma angusaqarusunneq aamma aaqqissuussilluartartoq.
• IT-inut piginnasaqartoq aamma ajornanngippat F2-mut GIS-mut ilisimasalik Excelimullu.
• Akuusoq oqaloqatikkuminartoq kiisalu isumagissaartoq.

Neqoroorutigaarput

 Atorfik tamatigoortoq aamma unammillernartoq illit ilinniakkannut aamma inuttut piginnaasannut ineriartortitsinissaannut periarfissiilluartoq. Inussiarnersumik ataqqinninnerlu siulliuttarpagut aamma atugarissaarnissaq anguniarlugu suliaqartuulluta. Ingerlalluarneq, angusaqarusulluassuseq akisussaasuseqassusermillu – namminermut aamma ataatsimut pigivagut.

Angalasarnissamut tunngasoq

Kalaallit Nunaata iluani avataanilu nakkutilliinernut aamma ataatsimeersuarnernut innuttaasunillu ataatsimiititsinernut peqataanissanut angalalaartarnissat naatsorsuutigissavat.

Paasissutissat sukumiinerusut

Atorfik pillugu paasisaqarnerorusukkuit aqutsisoqarfimmi pisortaq Steen Christensen telefon +299 345187, e-mail: chrs@nanoq.gl aqqutigalugit attaveqarfigisinnaavat.

Qinnuteqaat

Qinnuteqaatit, CV, ilinniakkanut pikkorissarsimanernullu uppernarsaatit kiisalu uppernarsaatit allat naleqquttut nassiutikkit toorlugu “qinnuteqaat nassiuguk”. Qinnuteqaatinik e-mail-ikkut tigusisanngilagut.

Piffissaq qinnuteqarfissamut killigitinneqarpoq 31.10.2025.

Ingerlaavartumik atorfinititsinissamut oqaloqateqartarpugut. 

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk