Kalaallit Nunaanni Aatsitassanik Suliassaqarfinnut Avatangiisinut Aqutsisoqarfimmut AC-fuldmægtigi / Immikkut siunnersorti

Ujartorneqarpoq: 1-2 sulisut pimoorussisut pikkorissullu, pinngortitamik, avatangiisinut aamma aatsitassanik piiaaffinnut soqutiginnittoq.

Avatangiisinut Aqutsisoqarfik pillugu

Aatsitassanik Suliassaqarfinnut Avatangiisinut Aqutsisoqarfik (Avatangiisinut Aqutsisoqarfik) Namminersorlutik Oqartussani Avatangiisinut, Pinngortitamut, Nukissiutinut Ilisimatusarnermullu Naalakkersuisoqarfiup ataani inissisimavoq tallimanik sulisoqartoq. Avatangiisinut Aqutsisoqarfiup Nunanut allanut, Inuussutissarsiornermut, Aatsitassanullu Naalakkersuisoqarfik peqatigalugu Kalaallit Nunaanni Aatsitassanut Oqartussaqarfimmi suliassat pingaaruteqartut isumagisarpaat.

Avatangiisinut Aqutsisoqarfiup suliassai

Avatangiisinut Aqutsisoqarfiup suliassai tassaapput, Kalaallit Nunaanni aatsitassarsiornissamik pilersaarutit avatangiisinut pinngortitamullu ajornanngitsumik annikinnerpaamik ajortumik sunniuteqannginnissaat qularnaarnissaat. Suliamut ilisimasat pillugit avatangiisinut tunngatillugu politikkikkut aatsitassanut inatsimmut aalajangiussassanut Avatangiisinut Aqutsisoqarfik tapersiisarpoq. Tamatumani Avatangiisinut Aqutsisoqarfik aamma avatangiisit, pinngortitaq aamma silap pissusianut atatillugit aatsitassarsiornermut suliassaqarfik pillugit naliliinerit aamma aalajangiinerit suliarisarpaat.

Avatangiisinut Aqutsisoqarfimmi suliassanut atatillugu sulisunut agguaaneqassapput piginnaasaat soqutigisaallu apeqqutaatillugit.

Atorfik

AC-fuldmægtigimut sapinngisamik piaartumik inuttalerneqartussat pineqarput. Qinnuteqartut piginnaasaat tulluartut orniginartunillu misilittagallit tamakku nalilersuinermi tunuliaqutaralugit, Immikkut siunnersortitut atorfinitsitsinernut neqeroortoqarsinnaapput.

Ulluinnarni Aatsitassanut Oqartussaqarfimmi suleqatit pimoorussisut akisussaassuteqartumik aatsitassarsiornissamut pilersaarutitut atatillugu ineriartortitsinermi suliaqartut suleqatigisassavatit. Avatangiisinut Aqutsisoqarfiup suliassaqarfiini ilaatigut ilaatinneqarput:

• Asimi suliarisassanut- misissuinermut- aamma atuisinnaanerit pillugit qinnuteqaatinik suliaqarnerit;

• Avatangiisinut nalilersuinernik aamma missingiinermi pilersaarusianik ineriartortitsineq aamma pitsaassusianik isumannaarinninneq;

• Akuerisaasuni suliaqarfinni naleqquttuusuni avatangiisinut nakkutilliineq;

• Suliniutinik allaffissornikkut aqutsineq;

• Naalakkersuisut isummernissaannut tunngavissianut aalajangiussassanut aamma siulersuisunut ilisimatitsissutinik suliaqarnerit;

• Aatsitassarsiutileqatigiiffinnut aamma aatsitassarsiorfinni suliassaqarfinnut soqutigisaqartut allat ataavartumik attaveqaqatiginninnissamut suliaqarnerit.

Aatsitassanut Aqutsisoqarfik qanimut suliassaqarfinni Naalakkersuisoqarfinni pinngortitamut, avatangiisinut aamma atortussiassatut aatsitassat suleqatigisarpaat. Taakkua saniatigut Avatangiisinut Aqutsisoqarfiup ilisimatuussutsikkut siunnersortai Nationalt Center for Miljø og Energi-miittut Pinngortitaleriffimmiittullu qanimut suleqatigaagut.

Piginnaasat

Avatangiisinut Aqutsisoqarfik aqutsisoqarfiuvoq mikisoq suliassaqarfimmik annertuumik akisussaaffilik, suliassat assigiinngitsorpassuusinnaapput piffinnilu ulapaarfiusuni suliamik allussisinnaagaanni tamanna pingaaruteqartorujussuussaaq. Suliassaqarfimmi misilittagaqartuusinnaavutit aamma suleqatinnut aqutsisoqarfimmilu suleqatigisanut kiinneraartuunissat iluaqutaassaaq. Atorfiit akisussaaffimmik, tatiginninnermik aamma sulianut ersarissuunissamik naatsorsuuteqarfiuvoq kiisalu sulianik naammassinnissinnaanissaq, politikkikkut aalajangiinissanut sapinngisamik pitsaanerpaamik tapersiisussamik.

Naatsorsuutigaarput:

• Naleqquttumik ilinniagaqarsimanissat, pinngortitamik ilisimatusarnermut tunngasunik, avatangiisinik ingerlatsinermi tunngasunik imaluunniit assingusunik.

• Ukiuni amerlasuuni allaffissornikkut aaqqissuussaanermi tulluartumik imminut imaluunniit politikkikkut aqunneqartumi sulinermik misilittagaqartutit

• Avatangiisinut suliassaqarfinni tamatuma saniatigut aatsitassanik piiaanernut soqutigisaqartuunissat misilittagaqartuunissallu.

• Avatangiisinut naliliinernut aamma avatangiisinut missingiinernut ilisimasaqarnissat misilittagaqarnissallu.

• Pilersaarusianut ingerlatsinermik misilittagaqartuunissat

•  Pisortat missingiinerannut pisortallu pisussaaffiannut soqutigisaqartuunissat misilittagaqartuunissallu.

• Danskisut, tuluttut ajornanngippallu kalaallisut oqaatitigut piginnaaneqassasutit

• Suliassannut akisussaaffeqarluarneq aamma angusaqarusunneq aamma aaqqissuussilluartartoq.

• IT-inut piginnasaqartoq aamma ajornanngippat F2-mut GIS-mut ilisimasalik Excelimullu.

• Akuusoq oqaloqatikkuminartoq kiisalu isumagissaartoq.

Neqoroorutigaarput

Atorfik tamatigoortoq aamma unammillernartoq ilissi ilinniakkassinnut aamma inuttut piginnaasassinnut ineriartortitsinissaassinnut periarfissiilluartoq. Inussiarnersuuneq ataqqinninnerlu pingaartitaraavut aamma atugarissaarnissaq anguniarlugu suliaqartuulluta. Ingerlalluarneq, angusaqarusulluassuseq akisussaasuseqassusermillu – namminermut aamma ataatsimut pigivagut.

Angalasarnissamut tunngasoq

Kalaallit Nunaata iluani avataanilu nakkutilliinernut aamma ataatsimeersuarnernut innuttaasunillu ataatsimiititsinernut peqataanissanut angalalaartarnissat naatsorsuutigissavat.

Paasissutissat sukumiinerusut

Atorfik pillugu paasisaqarnerorusukkuit aqutsisoqarfimmi pisortaq Steen Christensen telefon +299 345187, e-mail: chrs@nanoq.gl aqqutigalugit attaveqarfigisinnaavat.

Piffissaq qinnuteqarfissamut killigitinneqarpoq 31.05.2026.

Ingerlaavartumik atorfinititsinissamut oqaloqateqartarpugut. 

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.