Kalaallit Nunaanni Brugsenimut niuernermut pisortaq – Annertuumik allanngoriartorfiusumi atorfik pingaarutilik

Atorfik – siunertaq naatsorsuutigisallu

Niuernermut pisortatut pingaarnertut akisussaaffigissavat Brugsenip niuernernikkut angusaasa pitsanngortinnissai. Iluanaarutinik nukittorsaassaatit, pisiassanik piniartarneq pitsanngorsarnissaanik qulakkeerinnissaatit, najoqqutassiisuussaatillu pisiassaqartitsinerup qajannaallisarneqarnissaanut, pisiassanik toqqagassaqarnermi, akit eqqortuunissaanik pisiassat immikkoortut ineriartortinnissaannik. Atorfiup niuernermi sunnerneqaatigivai sivisuumik assartuinerit, isorartumiinneq pisiniarfiillu angissutsimigut assigiinngitsut, taamaattumik pilersaarusiorsinnaanerit timitaliisinnaanerillu ataatsimoortinneqarluassapput.

Kulturi

Nunatsinni niuernermik inuutissarsiorneq inoqarfinnut attuumassuteqarluinnarpoq. Amerlasoorpassuartigut Brugseni naapiffiusarpoq, tassanilu susassareqatigiinneq tatiginninnerlu qitiulluinnartumik pingaaruteqarput. Aqutsisutut ersarissuussaatit, ataqqinnittoq naammassisaqarusuttuullutillu, pilersaarusiat tunngavingalugit iliuusissatut aalajangiunneqarsimasut pisiniarfinni atorneqarsinnaasunngortissinnaassavatit. Kulturimut paasinnnissinnaassuseqarneq niuernermillu samminnissinnaaneq oqimaaqatigiisinniarsinnaassavatit.

Akisussaaffiit

Pisiassanik piniartarnerup aamma pisiassat immikkoortut ineriartortinnerinut pilersaarusiorneq tamaat akisussaaffigissavat – pisiortortarfinnik suleqateqarnerit, nittarsaassinissamut pilersaarusiornerit, pisiassat qanoq immikkoortitserneqarnissai aammalu pitsaanerpaamik pisiassanik toqqagassaqartitsineq:

• Nittarsaassinissat pilersaarusiorneri, piviusunngortinneri aammalu uuttortaavigineqarneri (nittarsaassinerit iluanaarutai, akinik naleqqussaasinnaaneq)
• Pisiassat immikkoortunut pilersaarusiornernik ineriartortitsineq (aalajangersimasumik inissititserineq, toqqagassat qanoq siammasitsigissappat-assigiinngitsigissappat, qanoq akit aalajangersarneqassappat aamma qanoq immikkoortitserisoqassava)
• Pisiortortarfinnut akinik, akiliinissamut nassiussinissamullu atugassarititanik isumaqatiginninniartarneq attaveqatigiinnerillu aalajaallisarneqarnissaat.
• Pisiassanik pisiortortarnermut (nammineq pissarititanik imlt. tikisitanik) pilersaarusiap atuutilersinneqarnissaa, nalorninartuni aqutsinissaq sivisuumik pisiassanik pisiortortoqartillugu silalu peqqutigalugu kinguaattoornerit
• Nammineq pisiassaliat meqqiinik aqutsineq iluanaaruteqarnerusinnaanermillu iliuutsit
• Immikkoortortaqarfimmi sulisunik aqutsineq ineriartortitsinerlu. Aqutsisutut siuttuunissaq ersarissuunissarlu. Aqutsisooqatigiinnut peqataaneq

Iluatsiffissatut tunngaviit

Atorfimmi iluatsinneq nalilersorneqassaaq imminut akilersinnaasumik siuariartornikkut aamma iluanaarutillu pitsanngoriaateqarnerisigut, sivikinnerusumik pisiassat uninngatinneqartarnerisigut, aalajaatsumik pisiassaqartitsinikkut aammalu nittarsaassinerit sunniuteqarluarnerisigut. Ilanngullugu aamma naatsorsuutigineqarpoq pisiassat immikkoortitserneqarnerinik nukittorsaanissat aammalu pisiniarfiit pisiniallu qaffasinnerusumik pitsaanerusumillu naammagisimaarinnilernissaannut. Qaavatigullu aamma sulisut annertunerusumik naammagisimaarinninnissaannut.

Immikkut unammilligassat

Atorfimmi pisariaqartinneqarpoq killilimmik assartuinikkut periarfissalimmi, sivisuumik pisiassanik piniarfiusartumi aamma akit tungaatigut allanngorarfiusumi aqutsisuusinnaaneq. Suliffeqarfimmi aaqqissuussissaatit erseqqarissaallutillu, saniatigullu aamma sumiiffimmi sulinermi ileqqut suleriaatsillu ataqqissallugit. Atorfik pilersaarusiornernut aamma ingerlatseriaatsinut tunngasunik suliassaqarfiuvoq.

Atorfiup suna immikkuullarissutigivaa?

Atorfik qaqutigoortumik pilersaarusiornermi qitiusumik inissisimanissamut periarfissiivoq toqqaannartumik pisortaanermut attaveqarfiulluni annertuumillu Brugsenip ingerlavissaanut sunniuteqarfiulluarsinnaalluni. Iliuutsivit sunniutai sukkasuumik P&L-ini (iluanaarutit annaasallu) takuneqarsinnaapput pisiniallu naliliisarnerini.

Niuerfimmi immikkuullarissumik sulinissannut periarfissaqassaatit sumiiffinni ataatsimoorfiulluartuni, assartuinikkut unammilligassaqarfiusumi aammalu suliffeqarfimmut ilinnullu annertuumik ineriartortitsinissamut periarfissaqarfiusumi.

Sulinermi piginnaasat

Niuernermik qaffasissumik ilinniagaqarsimanissat naatsorsuutigaarput aammalu pisiortortarnermut imaluunniit pisiassanik immikkoortitserinermut ineriartortitsinermik misilittagaqarluarnissat, ajornanngippat ulluinnarni atortussanik pisinarfinniit. Paasissutissanik tunngavilersuillutit ingerlatsisuuvutit, isumaqatiginninniarnermut nukittuvutit, ERP-, SAP-systeminik Navision-imilluunniit sulinermi sungiusisimaneq, aamma siulittuisinnaanermi misissueqqissaanermillu aalajaatsumik ingerlatsisinnaaneq. Danskisut tuluttullu oqallorinneq; kalaallisoorsinnaagaanni iluaqutaassaaq.

Inuttut piginnaasat

Misilittagartuumik aalajangersinnaalluartumillu aqutsisussarsiorpugut, avatangiisini allanngorarfiusuni erseqqissumik pingaarnersiuisinnaasumik aalajangersinnaasumillu.

• Angusaqarusuttoq, misissueqqissaarsinnaasoq paasissutissanillu tunngavilersuisinnaasoq: Pingaarnersiuinermi peqqissaarussilluni KPI-nik, A/B-testinik paasissutissanillu sulisinnaaneq
• Qajannaatsuuneq uippallernermullu akiuussinnaassuseqarneq: Piffissap sivikitsup ingerlanerani piumasanut naatsorsuutinullu qaffasissunut atatillugu tamaviaavilluni sulisinnaaneq
• Niuernerpalaartumik ingerlatsinermut paasisimasaqarneq: Akit, iluanaarutit, annertussutsit pisiniallu pissusilersuutaasa imminut ataqatigiinnerinut paasinnissinnaaneq. Niuertuulluarneq. Takunnissinnaaneq iliuuseqarsinnaanerlu. Pisariaqarfiatigut ingerlatsinerup suliassartaanut pulasinnaaneq suli pilersaarusiortutut eqqarsarsinnaassuseq pigiinnaraluarlugu.
• Allanngoriartorfimmi aqutsisoq: Piffinni allanngoriartorfiusuni immikkoortortat akornanni suleqatigiinnut pisiniarfinnilu sulisunut peqataatitsinermut kajumissititsilersinnaanermullu piginnaasaqarneq.
• Atassuteqaatinik pilersitsisinnaaneq isumaqatiginninniallaqqissuunerlu: Avataaneersunik suleqatinillu suleqatigiiffinnik pilersitsilluarsinnaasoq; attaveqatigiinnikkut ersarissuliorsinnaaneq kinguneqartitsilluarsinnaanerlu
• Kulturimut malussarinneq: Sumiiffinni pissutsinut ataqqinninneq, nunatsinni inuiaqatigiinni niuernikkullu pissutsinut naleqqussarsinnaaneq. Kulturinik allanik paasisaqarnissamut alapernaattuuneq nuannersunillu pisigisaqarnissamut piareersimaneq! 

Soqutiginarpa? Paasisaqarnerorusuppit?

Taava tikilluaqqusaavutit Hudson Nordicimi Partner Søren Bentsen uunga attaveqarfigissallugu oqa. + 45 22 44 36 40 aamma mailikkut sbe@hudsonnordic.com imaluunniit Head of Research Annette Timmermann mailikkut at@hudsonnordic.com.

Brugseni pillugu paasisaqarnerorusukkuit uunga alakkarterisinnaavutit: https://brugseni.gl

Ansøg