Kalaallit Nunaanni Naalagaaffiup Sinniisoqarfiani oqalutsitut
atorfik 1. august 2026-minngaanniit imaluunniit isumaqatigiissuteqarnikkut
inuttalerneqassaaq.
Fakta
Atorfiup suussusaa: Tolk
Suliffeqarfik: Rigsombudsmandi
Qinnuteqarfissamut killigititaq: 15. juni 2026 nal. 12.00
Attavissaq: Sorlannguaq Petersen, oqarasuaat +299 34 36 05.
Suliassat
Oqalutsitut ilaqutariit inatsiseqartitaanerannut
danskit oqartussaqarfiininngaanniillu nutsigassat naammassillugit
suliarineqartarnissaat akisussaaffigissavatit.
Sinniisoqarfimmi oqaluttaaneq kiisalu nutserisut
avataaneersut sinniisoqarfiup suleqatigisai qanimut suleqatigissavatit aammalu
suliat pitsaasumik naammassineqartarnissaat isumagissallugu.
Aammattaaq sinniisoqarfiup suliaqarfiisa allat iluini
suliassat allat ingerlattarnissaannut periarfissaqassallutit.
Atorfik namminersorfiusoq assigiinngiiaartunillu
suliaqarfiusoq neqeroorutigaarput, ilaatigut danskit aamma kalaallit
oqartussaqarfiinut attaveqartarnermik imaqartoq aammalu inuttut suliatigullu
ineriartornissamut periarfissaqarluartoq.
Piginnaasat
Piumasaqaataavoq
oqalutsitut ilinniarnerup naammassisimanissaa imaluunniit assigisaanik
piginnaasaqarnissaq. Allatanik pisariusunik nutserinermik misilittagaqarnissaq, tamatumani inatsisinik nutserinermik misilittagaqarneq iluaqutaassalluni.
Naatsorsuutigaarput
Office-pakkemik atuineq sungiusimagit. Aammattaaq iluaqutaassaaq
namminersorlutit aammalu pissusissanik malinnilluarnikkut ESDH-systemimik atuinermik misilittagaqarnissat. Atorfininnerup aallartinnerani sinniisoqarfiup ESDH-systemianik atuinermut ilinniartitsineq ingerlanneqarumaarpoq.
Suliffeqarfiugatta 16-nik
sulisoqartoq, sinniisoqarfiup ingerlanneqarnerani aammalu sinniisoqarfiup atuuffiinut tunngatillugu aalajaallutit takkuttarnissat kiisalu suliassanik allanik tigusisinnaanissamut tunuarsimaannginnissat pingaaruteqarpoq.
Atorfinitsitsinermut attuumassuteqartut
Aningaasarsiat atorfimmullu
tunngassuteqartut aaliangerneqassapput Naalakkkersuisut, Medarbejder- og
Kompetencestyrelsen-ip aamma Sulinermik Inuussutissarsiuteqartut Kattuffiata
akornanni oqalutsit pillugit isumaqatigiissutaat atuuttut naapertorlugit. Atorfinitsinneqarnissannili
isumannaatsuunissamik piumasaqaatit misissuiffigineqaqqaassapput.
Kalaallit Nunaanni Namminersorlutik
Oqartussat inissiaataani inissamik innersuussisoqarsinnaavoq malittarisassat
atuuttut malillugit akilerneqartartussamik. Atorfinikkiartornermut
soraarnermullu atatillugu atorfinitsinneqartup ilaqutaasalu angalanissaannut
akiliussisoqassaaq pigisallu nassiunneri aamma isumaqatigiissuteqarnermi
tunngavigineqartuni aaliangersakkat naapertorlugit akiliunneqassallutik.
Paasissutissat sukumiinerusut
Atorfimmut tunngatillugu
paasiniaasoqarsinnaavoq oqaluttaaneq Sorlannguaq Petersen attavigalugu
oqarasuaatikkut (+ 299) 34 36 05.
Allagaqarluni qinnuteqaat CV ilanngullugu
aamma soraarummeersimanermut uppernarsaatip assilinera kingusinnerpaamik 15.
juni 2026, nal. 12.00 Naalagaaffiup Sinniisoqarfianut tunniunneqassapput.
Qinnuteqaat e-post aqqutigalugu ro@gl.stm.dk -mut nassiunneqassaaq. Qinnuteqaat aamma
Kalaallit Nunaanni Naalagaaffiup Sinniisoqarfianut A-postitut
nassiunneqarsinnaavoq, Postboks 1030, 3900 Nuuk.
Sinniisoqarfik pillugu
Kalaallit Nunaanni Naalagaaffiup Sinniisoqarfia
Statsministeriap ataani suliffeqarfiuvoq aammalu Namminersorlutik Oqartussat
naalagaaffiullu oqartussaqarfiisa akornanni attaveqaataalluni. Naalagaaffiup
Sinniisua tassaavoq naalagaaffiup oqartussaqarfiisa Kalaallit Nunaanni
sinniisaasa qullersaat. Naalagaaffiup Sinniisoqarfiata aammattaaq suliat
iluqatariit inatsiseqartitaanerannut tunngasut kiisalu nammineq
aningaasartuutiginagu eqqartuussisulersuussisinnaanerit isumagisarivai.
Annertunerusumik paasisaqarumagaanni Naalagaaffiup Sinniisoqrfiata nittartagaa
takuneqarsinnaavoq – www.rigsombudsmanden.gl.
