Fakta
Atorfiup suussusaa: Kalaallit Nunaanni Pinngortitaleriffik postdocimik misilittagalimmik dronit atorlugit immap timmissaanik nakkutiginninnermut pissarsiorpoq
Suliffeqarfik: Kalaallit Nunaanni Pinngortitaleriffik
Qinnuteqarfissamut killigititaq: marsip 13.-at
Attavissaq: Fernando Ugarte, feug@natur.gl, +299 361200 imaluunniit Flemming Ravn Merkel, flme@natur.gl, +45 3078 3173.
Pinngortitaleriffik Miluumasunut Timmissanullu Immikkoortortami ilisimatusartutut / ilisimatusartuunertut (seniorforsker) piffissami killilimmi ilisimatusartussarsiorpoq. Atorfinittussap dronet atorlugit malinnaaviginnittarnermik misilittagaqartuunissaa piumasaqaataavoq kiisalu 1. maaji 2026-mi imaluunniit tamatuma kingornatigut piaarnerpaamik inuttalernissaa kissaatigineqarluni.
Pinngortitaleriffiuk ilisimatusarnermik suliaqarfiuvoq Namminersorlutik Oqartussat ataanni inissisimasoq. Suliffeqarfiup suliai tassaapput malinnaaviginninnerit, ilisimatusarneq, ilisimatuussutsimik tunngaveqarluni pisuussutinik uumassusilinnik piujuaannartitsineq tunngavigalugu atuinissaq pillugu siunnersuisarneq kiisalu Kalaallit Nunaanni eqqaanilu avatangiisinik uumaassusillillu assigiinngisitaartuunerannik illersuineq.
Miluumasunut Timmissanullu Immikkoortortami suliat pingaarnerit tassaapput timmissanik imarmiunik miluumasunillu piniarneqartartunik malinnaaviginninnerit kiisalu taakku pillugit siunnersuisarneq.
Atorfimmi suliassat pingaarnerit tassaapput dronet atorlugit Kalaallit Nunaanni timmissat imarmiut ineqarfiinik malinnaaviginnittarnermik ineriartortitsineq, pilersaarusiorneq suliaqartarnerlu. Atorfinittussap suliassarissavai Kalaallit Nunaanni innanik timmissat ineqarfiinik nalinginnaasumik malinnaaviginninnermi dronet atorlugit malinnaaviginneriaatsinik pilersitsineq, timmissat ineqarfiini misissuinernut peqataaneq, assinik qaffasissumik ersarissusilinnik katersineq kingornalu assilisanik ersarissaaneq timmissanillu innami ineqarfinniittunik amerlassusiliisarneq. Periaatsinik ineriartortitsinermi paasissutissaatinillu misissueqqissaarnermi suliassat ilagaat dronet atorlugit kisitseriaatsit pitsaassusaannik dronellu piginnaasaannik nalilersuisarnerit – malinnaaviginnittarnermi paasissutissaatinullu atatillugu periaatsinut maannakkut atuuttunut sanilliussisarneq, ukiut arlallit ingerlanerini ataavartumik misissuisarnerit qulakkeerumallugit.
Suliat tamakku saniatigut annikinnerusumik suliassat ilagissavaat Pinngortitaleriffiup
Aatsitassanut Immikkoortortaata kiisalu Aarhus Universitetimi Institut for Ecosciencep sumiiffinnik aatsitassarsiornermik suliaqarfiusunik misissuisarnerinik ineriartortitsinermut suleqataasarneq.
Atorfik aamma ilisimatusarnermi, siunnersuinermilu tunniussaqaqataanissamut ilinniartitaanermilu suliaqarfinnik allanik suleqateqarnissamut periarfissiivoq.
Atorfinittussap pinngortitamik ilisimatusarnerup iluani kandidatinngorsimasuunissaa kiisalu Ph.d-nngorsimanissaa assigisaannilluunniit qaffasissusilimmik tunuliaqutaqarnissaa kissaataavoq.
Piginnaasatigut misilittagaqassutsikku soqutiginaatit:
Nammineerluni pilersaarusiornermik, periaatsinik ineriartortitsinermik suliaqarfinnillu allanik suleqarnermik misilittagaqarneq
Sumiiffinni misissuiffiusuni dronemik atuinermik, dronenik automaskiusunik atuinissamut pilersaarusiornermik misilittagaqarneq kiisalu dronenik atuinermut inatsisinik ilisimasaqarneq
Assilisat atorlugit uumasunik amerlassusiliiniartarnermi programminik atorneqartartunik R-imik aamma Python-imik atuisinnaaneq
Assilisat atorlugit peqassutsinik annertussusiliiniartarnermik misilittagaqarneq kiisalu AI iluaqutigalugu ilisarinninniartarneq
Timmissanik imarmiunik innamilu ineqarfnni ivasunik malinnaaviginninermik ilisimasaqarneq
Misileraatigalugu ilusilianik ilisimasaqarneq aamma periaatsinik nalimmassaaneq assigiissaagaasumik malinnaaviginninnermi najoqqutarisanik ineriartortitsineq
Issittumi pinngortitami misissuiffigisami annertuumillu sillimaniarnikkut piginnaasatigullu piumasaqaateqarfiusuni sulinermik misilittagaqarneq
Kalaallit oqaasiinik inuiaqatigiinnillu ilisimasaqarneq iluaqutaaginnassapput
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Atorfik Nuummi inissisimaffeqarpoq, atorfeqarnermullu atatillugu assersuutigalugu sumiiffinnut misissuiffiusunut angalasarnissaq naatsorsuutigineqassaaq.
Ulloq atorfiniffik 1. maaji 2026 imaluunniit tamatuma kingornatigut piaarnerpaamik. Atorfeqartitaaneq ukiunik marlunnik sivisussuseqarpoq.
Sapaatip-akunneranut akunnerni 40-ni sulineq.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Atorfimmut atatillugu inissaqartitsisoqanngilaq, Pinngortitaleriffilli maleruagassat naapertorlugit ineqarnermut tunngatillugu ikiuussinnaavoq.
Annertunerusumik paasissutissat
Atorfik pillugu annertunerusumik paasisaqarusunnermi attavigineqassaaq immikkoortortami pisortaq Fernando Ugarte, feug@natur.gl, +299 361200 imaluunniit Seniorforsker Flemming Ravn Merkel, flme@natur.gl, +45 3078 3173.
Ulloq qinnuteqarfissaq kingulleq: 13. marts 2026
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
