Kalaallit Nunaanni pissanganartumik suliffeqartussamik VVS-montørissarsiorneq

Unammillernartunik nutaanik, suleqatinik nukittuunik kiisalu ulluinnarnik akisussaaffeqarlutillu kiffaanngissuseqarfiusumik takorluuivit?

Work in Greenlandip sullitani sinnerlugu VVS-montørinik pikkorissunik, sullissinermut, aserfallatsaaliinermut teknikkeqarnikkullu ikkussuussinernut soqutigisalinnik sulisussarsiorpoq.

Miligartaatilerinermik, uuliaqarflerinermik imaluunniit teknikkikkut kukkunernik ujarlernermik misilittagaqaruit iluaqutaassaaq. VVS-montøritut ilinniakkamik naammasserlaaguit isiginnittaaseqarluartuullutillu ineriartornissamut piumassuseqaruit aamma tusarfigerusuppatsigit.

Kalaallit Nunaanni suliitigaluni najugaqarnerup suliatigut ineriartornerullu ataatsimoortinnissaamut matumani immikkuullarissumik periarfissaqarputit.

Suliffeqarfik pillugu

Suliffeqarfimmi nutaaliaallunilu ingerlanneqarluartumi, suliani tamani pitsaassusermik, sulianik aallussinermik pikkorissuunermillu tunngaveqartumi sulilissaatit.

Suliffeqarfik sullivimmi avatangiisinik pissanganartunik assigiinngisitaartunillu neqerooruteqarmat suliassat nikerarlutillu, ineriartornermut periarfissaqarluarlunilu suleqatigiinni ataatsimooqatigiilluartoqarpoq. Maani isumassarsinermiit iliuuseqarnissamut aqqut naatsuullunilu sulisut atugarissaarnissaat pingaartinneqarpoq.

Suliassatit

Makku ilaatigut suliarisassavatit:

• Miligartaatinik misissuineq aserfallatsaaliinerlu

• Kissarsuutinik uuliatortunik ikkussuineq, misissuineq aserfallatsaaliinerlu

• VVS-ilerinermi ikkussukkat ajoqutaannik ujaasineq aaqqissuinerlu

• Teknikkeqarnikkut atortut ajortinnginnissaat siunertaralugu aserfallatsaaliineq pitsanngorsaanerlu

• Sullissinermi suliassanik nammineerluni pilersaarusiorneq suliaqarnerlu

Piginnaasatit makkuussapput

• VVS-montøritut maskiinalerisutulluunniit ilinniarsimasoq imaluunniit teknikkeqarnikkut suliaqarnermik assingusumik misilittagalik

• Miligartaatinik, kissarsuutinik kissarsuutinilluunniit uuliartortunik suliaqarnermi misilittagalik - imaluunniit suliaqarfimmi immikkut ilisimasaqalerumasoq

• Namminersorluni, aaqqissuussamik akisussaassusilimmillu sulisartoq

• Biilernermut allagartalik (kategori B)

• Danskisut kalaallisulluunniit, ajornanngippallu tuluttut oqalussinnaasoq

• Torersoq pitsaalluinnartumillu sullissiumasoq

Neqeroorutigaagut

• Aningaasarsiat naleqqulluinnartut, piginnaasatit misilittakkatillu naapertorlugit isumaqatiginninniutaasussat

• Suliffimmit biileqarsinnaatitaaneq

• Sulinermi aningaasarsiatigullu pitsaasunik atugassaqarluni atorfininneq

• Inissamik pigisallu nuutinnerannik ikiorneqarneq

• Isumaqatigiissuteqarnikkut sulilerneq – ajornanngippat piaartumik

Unammilligassanut nutaanut piareersimavit?

Taava qinnuteqaatit ullumikkut nassiuguk. Qinnuteqaatit ataavartumik suliarisarlugillu sulisussaq naleqqussorisarput nassaarigutsigu atorfinitsitsissaagut. Paasisaqarnerorusukkuit Peter Nordahl saaffigiuk: +299 26 00 52, +45 70 22 22 17 imaluunniit pno@workingreenland.gl

Work in Greenland – sulisut pikkorissut Kalaallillu Nunaanni suliffissat pissanganartut atassuteqalersittarpagut