Kalaallit Nunaanni, Qeqertarsuup Tunuani, Arktisk Stationimi, ulluinnarni ilisimatusarnermik ataqatigiissaarisoq

Arktisk Station Kalaallit Nunaanni, Qeqertarsuarmi inissisimavoq. Københavnimi Universiteti Issittumi ilisimatusarneq siuarsarniarlugu aammalu avatangiisinut ilisimatusarnermi sammiviit tamarmik iluanni Universitetimi ilinniartitsineq aqqutissiuunniarlugu, Arctic Stationimik ingerlatsivoq aningaasaliisuullunilu. Stationi ukioq kaajallallugu ingerlatsisarpoq, ilisimatusartunullu ilinniartunullu assigiinngitsunut nunarsuarmi tamarmeersunut ammasuulluni.

Stationimi ilisimatusarnermik ilinniartitaanermillu suliassat tamaasa ulluinnarni ataqatigiissaarisutut stationimi suleqatigiit iluani sulisinnaasumik piumassuseqarluartumik sulisussarsiorpugut. Ulluinnarni ataqatigiissaarisoq stationimi pulaartut najugaqarnerat pitsanngorsarniarlugu aqutsinermi tapersersorneqarnermilu pingaarutilimmik inissisimavoq. Ataatsimut isigalugu ulluinnarni ataqatigiissaarisoq Arktisk Stationip, Københavnimi Universitetimi immikkoortortaqarfittut, ilisimatusarnerup iluani nikerartumik ingerlasinnaanissaanik, nakkutilliinermik ilinniartitsinermillu anguniakkanik suliaqartuussaaq. Ulluinnarni ataqatigiissaarisutut aaqqissuussinermik piginnaasaqarluarnissaq, immikkoortunut eqqumaffiginninnissaq, ammasuunissaq kiffartuussisinnaanissaq, ilisimatusarnermik periaatsinik paasinninnissaq aammalu eqimattat akornanni ataqatigiissaarisinnaanissaq pisariaqarpoq.

Atorfik tamakkiisumik atorfiuvoq, ukiullu ingerlanerani suliassat assigiinngisitaartuupput. Piffissaq suliassaqarnerpaaffiusartoq tassaavoq apriilimiit septembarimut. Ukiup sinnera suliassaqanngiffiuneruvoq. Ukiuni 1-3-ni atorfinitsitsisoqassaaq, sivitsorneqarsinnaallunilu. Atorfeqarnermut atatillugu ineqarpoq pisatsersukkamik attartorneqarsinnaasumik, taannalu stationimut qanippoq. Illu ilisimatusartut (ilaqutaasullu) atorsinnaasaat tallimanik initaqarpoq, igaffeqarpoq, uffarfeqarluni.

Ulluinnarni ataqatigiissaarisoq, Stationimi aqutsisoq, siulersuisunit toqqagaasimasoq, stationimi sulisut allat allattoqarfillu qanimut suleqatigalugit sulisarpoq.

Arktisk Station pillugu paasissutissat annertunerusut www.arktiskstation.ku.dk -mi takuneqarsinnaapput. Atorfik pillugu saaffiginnittoqarsinnaavoq uunga Stationleder Kirsten Seestern Christoffersen kchristoffersen@bio.ku.dk imaluunniit Arctic Stationimi siulersuisuni aqutsisoq Bo Elberling be@ign.ku.dk.

Atorfik 1. Marsi 2026, piaartumilluunniit, inuttalerniarneqarpoq.

Universitetip anguniarpaa inuiaqatigiinni assigiinngisitaarneq eqqarsaatigalugu inuit qanorluunniit tunuliaqutaqaraluartut soqutiginnissinnaasut qinnuteqarnissaannik kaammattorpai.

Suliassat nassuiarneqarneri 

'Pingaarnertut suliassat

Ulluinnarni ataqatigiissaarisup akisussaaffigaa:

• Pulaartut inissiaataat, taakku misissuiffissamut aamma laboratoriami atortunut pissarsisinnaanerat aaqqissuuttassavaat, aammalu pulaartut najugaqarnerat tamakkerlugu ilisimatusarnermik attaveqarfigisinnaasussaallugit.

• Sumiiffinni, laboratoriami atortunik, ilisimatusarnermut atortunik aamma atuagaarniarfimmi atortunik nakkutilliineq aammalu aserfallatsaaliineq.

• Arktisk Stationip iluani nakkutilliinermik misissuinermillu suliassanik ingerlaavartumik misissuineq aamma ingerlatsineq kiisalu ilisimatusarnermik ilinniartitsinernut tapersersuineq.

• Kalaallit Nunaanni Ecosystem Monitoring-imi suliassanik stationimi ingerlanneqartussani logistikkikkut ataqatigiissaarineq.

• Ilisimatuut pulaartut, ilinniartut aamma pulaartut allat stationimi najugaqarnertik iluaqutaasinnaaqqullugu atorsinnaasaannik ikiuineq.

• Pingaarnertut atortussani qulakkeerinninnissaq anguniarlugu neriartortitsineq, nutarterineq, aammalu ilisimatusarnermik ingerlatsineq (assersuutigalugu, misissuiffinni database, najoqqutassat, isumannaallisaanermut aammalu pissarsiarineqarsinnaasunut periaatsit.

• Arktisk Stationimi aqutsisoq aamma sulisut suleqatigalugit isumannaallisaanermut malittarisassat malinneqarnissaat aammalu sulisut pulaartullu nuannersumik sulisinnaanissaannut qulakkeerinninneq.

• Allattoqarfiup avammut suliarisartagaanut tunngasunik ikiuunneq kiisalu Arktisk Stationip siammarterineranut tunngatillugu suliaqaqataaneq. 

Piginnaasassatut naatsorsuutigineqartut

Ilisimasaqassuseq:

• Paasissutissanik aamma suliniutinik aqutsineq

• Pinngortitalerinermi laboratoriamilu periaatsit

• Microsoft Office Suite (Word, Excel, PowerPoint), GIS-imik atortulersuutit aamma paasissutissanik aqutsinermut systemit piginnaanngorsarnissaat

Piginnaasat:

• Biologip, geosciencep imaluunniit assingusunik pinngortitaleriffimmi ataatsimi arlalinniluunniit MSc-mik ilinniagaqarsimaneq • Misissuinermik, atuartitsinermik aamma nakkutilliinermik suliassanik aqutsinermik misilittagaqarneq • Suliniummik aqutsinermik, sulinermi periaatsinik aamma logistikkimik pitsanngorsaanermik misilittagaqarluarneq • Ataqatigiissaakkamik sulisinnaasoq aammalu immikkoortunut eqqumaffiginninneq • Allattariarsornikkut oqalunnikkullu attaveqallaqqissoq • Suleqatigiinni sulisinnaaneq

Oqaatsit: danskisut tuluttullu oqalunnermik allannermillu piginnaasaqarluartoq. Kalaallit oqaasiinik ilisimasaqarneq pingaartinneqassaaq.

Atorfininnermi atugassarititaasut

Atorfik akademikerisut ilinniarsimasut isumaqatigiissutaat malillugit inissinneqarsimavoq.

Atorfinitsitsinermi akissarsiaqarnermilu piumasaqaatit Aningaasaqarnermut Naalakkersuisoqarfiup aamma Naalagaaffimmi Akademikerit pillugit Danmarkimi Suliffeqarfiit Kattuffiata isumaqatigiissutaannut naapertuupput.

Akissarsianut tunngatillugu isumaqatigiinniarneq periarfissaavoq.

Apeqqutit

Atorfik pillugu paasisaqarnerorusukkuit Stationleder Kirsten Seestern Christoffersen kchristoffersen@bio.ku.dk imaluunniit Arctic Stationimi siulersuisuni siulittaasoq Bo Elberling be@ign.ku.dk attaveqarfigisinnaavat.

Qinnuteqaat

Qinnuteqaat, tuluttut allassimasoq, elektroniskimik nassiunneqartariaqarpoq, ataani APPLY NOW toorlugu.

Ilanngussassat

- Curriculum vitae - Ilinniarsimanermut uppernarsaatit (BSc aamma MSc) - Saqqummersitat allattorsimaffiat

 Qinnuteqarnissamut killigititaq tassaavoq 17. Decembari 2025, 23:59 GMT +1.

Qinnuteqarnissamut piffissarititaq qaangiuppat atorfinitsitsinermi aqutsisussaasutut akuerisaasoq qinnuteqartut akornanni oqaloqatigisassanik toqqaassaaq. 

Atorfinitsitsisarneq pillugu uani atuarsinnaavutit http://employment.ku.dk/fakultet/rekrutteringsprocess/.

Januaarip qeqqata missaani apersuinerit ingerlanneqassapput.