Kalaallit Nunaanni siunissami ilinniartitaaneq ilusilersuiffigeqataaffigerusuppiuk?

Ilinniartitaanermut Aqutsisoqarfik anguniagalimmik suleriallaqqissumillu immikkoortortami pilersinneqaqqammersumi ilinniartitaanerup iluani ikaarsaariarfinnik, misilitsinnernik paasissutissanillu katersinermik sammisaqartussami immikkoortortami pisortassarsiorpoq.

Sulianik GUX-imut, Attammut NUIKI-mullu tunngasunik tigusinerup kingorna Ilinniartitaanermut Aqutsisoqarfimmi aaqqissuussaanikkut allannguilaarnerup ilagisaatut immikkoortortamik nutaamik pilersitsiniarpugut, illit naqqaniit sanarfisassallugu periarfissaqarfigisassannik. Tassani siunnerfiliissaatit, akimuisumik suleqatigiinnermik nukittorsaassaatit aammalu paasissutissat pingaarutillit naliliinerillu ilinniartitaanermik nukittuumik ataqatigiissumillu ikorfartuinissaat qulakkiissallugu.

 Suliassatit pingaarnerit ukuussapput:

• Immikkoortortaqarfiup nutaap aqunnissaa pilersikkiartortinnissaalu – ilinniagaqarnikkut allaffissornikkullu.
• Ikaarsaarnerit, misilitsinnerit paasissutissanillu katersinerit pilersaarusiornikkut allaffissornikkullu ataqatigiinnissaannik qulakkeerinninneq.
• Ilinniartitaanermut Aqutsisoqarfiup takorluugaanik naammasserusutaanillu eqqummaarillutit suleqataanissat.
• Immikkoortortaqarfimmi teams-it siulersornissaat aammalu aqutsisoqarfiup pisortaanut attaveqaataallutillu taakkunani peqataanissat.

Ukua akisussaaffigissavatit:

• Meeqqat atuarfiata GUX-illu iluini inatsisinik atuuttunngortitsiniaanerit ineriartortitsinerillu.
• Sulisunik aqutsineq, aningaasaqarnermik aqutsineq ingerlatsinermullu akisussaasuuneq.
• Aqutsisoqarfiup immikkoortortaqarfiisa pingasut akornanni projektinik aqutsineq ataqatigiissaarinerlu.
• Fagteamsit immikkoortortaqarfiillu akornanni suleqatigiinnerup pitsaasup qulakkeernissaa.
• Team-imik 10–25-inik sulisoqartumut aqutsisuuneq, taakkua suleqatigiikkuutaanut minnernut immikkullu ilisimasaqartunit ilaasortaaffiusunut agguagaapput.

Illit ujarpatsigit:

• Kalaallinik inuiaqatigiinnik, kulturiannik ilinniartitaanikkullu aaqqissugaanerannik itisuumik ilisimasaqartoq.
• Akademiskiusumik ilinniagaqartoq – kissaatiginarpoq meeqqat atuarfiannut imaluunniit ilinniartitaaneq pillugu misilittagaqassasutit.
• Aqutsinermik misilittagaqarluartoq – pisortat ingerlatsiviiniit misilittagaqarnissat kissaatiginarpoq.
• Attaveqaqatigiillaqqissoq, ingerlatannik sunniisinnaallutit angusaqarsinnaassallutit suleqateqallaqqillutillu.
• Inunnik, suliffeqarfimmik ilinniakkatigullu ineriartortitsinermik pilersitserusuttoq.

Aqutsisoqarfiup pisortaa taassumalu tullersortaa toqqaannartumik qullersarissavatit aqutsisoqarfimmilu immikkoortortaqarfiit allat qanittumik tatigeqatigiittumillu suleqatigissallugit.

Ilinniagallit suleqatigiilluarnermik pingaartitaqartut ilagilikkit

Ilinniartitaanermut Aqutsisoqarfimmi ilinniagaqarfinni tamani qaffasissumik pitsaassuseqarnissaq qularnaarniarlugu suliniuteqartuuvugut – meeqqat atuarfiiniit inuusuttut ilinniagaqarfiinut – illillu suliffeqarfimmi allanngoriartorfiusumi pingaaruteqartumik inissisimassaatit ineriartorneq annertuumik sunniuteqarfigissallugu periarfissaqassallutit.

Ilinniartitaanermut Aqutsisoqarfik pillugu

Ilinniartitaanermut Aqutsisoqarfik tassaavoq suliffeqarfik politikkikkut aqunneqartoq, Naalakkersuisoqarfimmik politikkerinillu sullissisoq kiisalu inerisaanermik saqqummersitsinernillu suliaqartoq. Ilinniartitaanermut Aqutsisoqarfik maannakkut suliaminik suleriaatsiminillu nutarsaavoq – peqataaffigiumaagassannik.

Suliffeqarfiuvugut amerlasuunik assigiinngitsorpassuarnillu suliaqartuulluta, aqutsisoqarfiit atuutereersut suliaasa nalinginnaasut saniatigut ilaatigut aamma saqqummersitsiveqarpugut, naqiteriveqarpugut, aammalu paasititsiniaanermut atorniartarfimmullu tunngasunik katersugaateqarluta. Aqutsisoqarfiup annerusumik meeqqat atuarfiat, efterskolit højskolillu suliassaqarfigivai, nutaatullu GUX-imut, Attammut NUIKI-mullu tunngassuteqartut suliassaqarfigilerlugit. Suleqatigiit 50-it missaanniippugut, suliffeqarfimmi pingaartorsiorpallaanngitsumi suliat pitsaasuunissaannik pingaartitsisuulluta.

Akissarsiat atorfeqarnermilu atukkat

1. april 2024 LR 38-mi akissarsiat imak isumaqagitiissutigineqarnikuupput qaamammut Kr. 59.010 ukiumullu Kr. 708.118

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq. Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Akissarsianut atorfeqartitaanermullu atugassarititaasut, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Atorfininnerup aallartiffia

1. decembari 2025 imaluunniit isumaqatigiissuteqarnikut.

Qinnuteqarneq

Qinnuteqaatit, CV-it nutartigaq, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

Ulloq qinnuteqarfissaq kingulleq tassaavoq 3. movembari 2025

Atorfimmut atatillugu paasissutissat annertunerusut uunga saaffiginninnikkut pissarsiarineqarsinnaapput: Aqutsisoqarfimmi pisortaq Kaali Olsen, oqarasuaat +299 34 61 58 e-mail: kaol@nanoq.gl, imaluunniit pisortap tullia Brita Toft Hyldgaard, oqarasuaat +299 34 62 18, e-mail:  brth@nanoq.gl

Kalaallit Nunaat Namminersorlutillu Oqartussat pillugit annertunerusumik paasisaqarusukkuit Naalakkersuisut nittartagaanni taakkua ujartorsinnaavatit - Atorfiit  ataanni. Ilinniartitaanermut Aqutsisoqarfik mail-ikkut qinnuteqaatinik tigusineq ajorpoq.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk