Kalaallit Nunaanni Sullivinnik Nakkutilliisoqarfimmut pisortaq

Suleqatigiinni suleqataasunut suliat pillugit assigiinngitsunik ilisimasanik tunuliaqutalinnut siuttoorusuppit, tigussaasunik angusaminnik tunniussisinnaasussanut? Kalaallit Nunaanni Sullivinnik Nakkutilliisoqarfeqarneq siuarsaaqataaffigerusuppiuk? Taava Kalaallit Nunaanni Sullivinnik Nakkutilliisoqarfimmut pisortatut atorfik immaqa ilinnut naleqquppoq.

Eqinnaattumik ingerlatseriaaseqarneq pingaartippiuk sulisunillu siulersuineq soqutigisaralugu?

Kalaallit Nunaanni Sullivinnik Nakkutilliisoqarfimmi pisortanngussaatit. Nakkutilliisut pimoorussisut tallimaapput assigiinngitsunik suliamut atatillugu tunuliaqutallit, allaffissornikkullu suleqat ataaseq. Kalaalllit Nunaanni sullivimmi avatangiisit pillugit suliniarneq politikkikkut eqeersimaarfigineqarpoq, suliniuteqarnermilu periusissiornerup sammiviata sunniuteqarfiginissaanut annertuumik periarfissaqassaatit.

Kalaallit Nunaanni Sulllivinnik Nakkutilliisoqarfiup suliassai pillugit pilersaarusiornermut, ataqatigiissaarinermut imarisaanullu akisussaasuussaatit. Danmarkimi Sullivinnik Nakkutilliisoqarfik ikiuuttarpoq ilaatigut inatsisinut tunngassuteqartuni, sullivimmi avatangiisit pillugit suliassat siunersioqatigiissutiginerini, ilinniartitsineq piginnaanngorsaanerlu, kiisalu inatsisiliornerup tungaatigut ineriartortitsinerni il.il.

Kalaallit Nunaanni Sullivinnik Nakkutilliisoqarfik aaqqissuussaanikkut Sullivinnik Nakkutilliisoqarfiup Kangiani (København) Nakkutilliisoqarfianut ataaniippoq, tassanilu attavigilissavatit aqutsisoqatigiit pisortat qulit nakkutilliinermilu pisortaq (tilsynsdirektør). Ulluinnarni tilsynschef Flemming Bentzen-imut Nakkutilliisoqarfimmi Kangia-niittoq attavigisassavat.

Ulluinnarni Sullivinnik Nakkutilliisoqarfiup allaffiani Nuummiittumi sulisassaatit, tassani ataatsimiinnerit, ilisimasanik avitseqatigiinnerit il.il. ingerlanneqartarput. Nakkutilliisut Kalaallit Nunaata tamakkerlugu suliffeqarfinnik nakkutilliinermik ingerlataqartarput, taamaattumillu piffissap ingerlanerani Nuuk qimallugu sulisarlutik. Tamanna ulluinnarni aqutsisutut suliassanik immikkuullarittuutitsisinnaasarpoq. 

Suliassatit ilaatigut makkuninnga ilaqarput:

• Kalaallit Nunaanni sullivinnik nakkutilliineq pilersaarusiorlugulu ineriartortissallugu, nakkutilliisarnerlu pillugu tigussaasumik siunersioqatiginnittassallutit
• sullivimmi avatangiisit pillugit ilinniartitaaneq pilersaarusiorlugu – aamma ineriartortissallugu, Qallunaat Nunaanni Sullivinnik Nakkutilliisoqarfik suleqatigalugu. 
• Kalaallit Nunaanni suliffigissaasut allaffissornikkut sullinneqarnerannut akisussaasuussallutit
• Namminersorlutik Oqartussat, politiit attavigisassallu allat ataavartumik suleqatigissallugit
• isumaqatigiissutinik missingersuutinillu malitseqartitsineq
• tusagassiorfinnut attaveqassallutit, assersuutigalugu nakkutilliinerit aalajangersimasut, aalajangiinerit imaluunniit Kalaallit Nunaanni pissutsit allat, pillugit

Tamatuma saniatigut sulisorisanut sulianullu pingaarutilimmik aqutsisuusussaavutit, allaffimmi suleqataasunut arfineq marluusunut, piumassusermik, naammassisaqarnermik sullivimmilu qiimanermik pilersitsiniarlutit. Illup iluani ungataanilu assigiinngitsut pillugit attavissarpassuaqassaait, taamaattumillu suulluunniit akimorlugit suleqatigiilluartoqarnissaa pilersitseqataaffigisussaavat. 

Suleqatitaarisigut 

Aqutsinermik misilittagaqarputit soqutigisaqarlutilluunniit aammalu Sullivinnik Nakkutilliisoqarfiup anguniagaanik periusissiaanillu tigussaasunngortitsisinnaallutillu angusaqartitsisinnaassuseqarputit. Naatsorsuutigaarput aqutseriaaseq akuerisaq atorlugu, sulisut sullivimmi atugarissaarnissaannik kajumissuseqarluarnissaannillu, pilersitsisinnaasutit. Oqartussani oqaatsit atorneqartut tassaapput qallunaat oqaasii. Iluaqutaassaaq kalaallit oqaasiinik ilisimasaqaruit, tamannali piumasaqaataanngilaq.

Tamatuma saniatigut illit pillutit makku naatsorsuutigivagut: 

• sunniuteqarluarsinnaasutit aamma anguniakkat, naatsorsuutiginninnerit aalajangikkallu pillugit paasinartumik ersarissumillu oqariartuuteqarsinnaasutit - oqalunnikkut allannikkullu
• ilusilersuilluarlutit namminersorlutillu sulisinnaassuseqartutit 
• naleqquttumik misilittagaqartutit - soorlu sullivinni politikkikkut aqunneqartuni aamma/imaluunniit politikkikkut eqqummaariffigineqartuni
• sullivinni avatangiisit pillugit ajornartorsiutinik soqutigisaqartutit

Akissarsiat atorfeqarnermilu atugassarititaasut 

Atorfik piffissaq tamakkerlugu atorfiuvoq. Kissaatigaarput 1. januar 2026 aallartissinnaanissat.

Atorfinitsinneqassaatit isumaqatigiissutit atuuttut tunngavigalugit, tamatumani ilinniagaqarnerup tungaatigut qanoq inissisimanerit najoqqutaralugu. Pikkorissutsimut tapisiaqarnissaq isumaqatigiinniutigineqarsinnaavoq.

Atorfinitsinneqarnissaamut piumasaqaataavoq isumannaallisaanerup tungaatigut akuerineqarsinnaanissat, atorfeqarnerpillu nalaani piffissaq tamakkerlugu isumannaallisaanerup tungaatigut akuersissummik attassiinnarsinnaanissat.

Atorfeqarnermut atatillugu Nuummi inissaqartitsisoqarsinnaavoq maleruagassat atuuttut tunngavigalugit akilersorneqartussamik.

Immikkoortortaqarfik aaqqissuussaanikkut Københavnip Kangiani Nakkutilliisoqarfimmut atavoq, taamaattumillu piffissap ilaani Danmarkimut annikinnerusumik angalasarnissaq pisariaqassalluni.

Apeqqutit qinnuteqaallu 

Apeqqutigiumasinnaasatit tamakkerlugit akissutissarsinngitsoorpigit? Taava tikilluaqquneqarputit tilsynschef Flemming Bentzen +45 7220 9106-imut attavigeqqullugu.

Akissarsiat atorfeqarnermilu atugassarititaasut pillugit apeqqutissaqaruit, taava tikilluaqquatsigit Sulisoqarnermut ministeriaqarfimmi HR-partner Lone Clausen attaviginissaanut, oqarasuaat +45 72 20 52 75.

Sullivimmi assigiinngiiaartunik tunuliaqutaqarneq nukittussutsitut isigaarput soqutiginnittullu tamaasa kaammattorpagut atorfik qinnutigeqqullugu, apeqqutaatinnagu inuttut qanoq tunuliaqutaqarneq. 

Qinnuteqaat, cv ilinniarsimanermullu uppernarsaatit ilanngullugit nassiutikkit, kingusinnerpaamik marlunngornermi 28. oktober 2025, qallunaat nalunaaqutaat najoqqutaralugu unnuap qeqqartinnagu.

Naatsorsuutigaarput sapaatip akunnerani 44-47-mi atorfinitsitsiniarluni oqaloqatigiinnerit ingerlannissaat. Atorfinitsitsiniarnerup ingerlanerani misilitsinneq ingerlanneqarumaarpoq.

Ugguuna qinnuteqarit: