Kalaallit Nunaanni UNICEF-imi suliniutinut ataqatigiissaarisoq

Kalaallit Nunaanni meeqqanut allanngueqataasinnaasumik peqataarusuppit?

Illit nammineerlutit aamma isumannaatsumik suliniutip naammassinissaanut aqutsisinnaavit? Suleqatigisannut pitsaasumik aamma angusaqarfiulluartumik attaveqarsinnaavit? Attaveqaqatigiittarnissaq pikkoriffigilluarpiuk? Meeqqat aamma inuusuttut pisinnaatitaaffiinik, atugarissaarnissaannik aamma siunissaannik suliaqarusulluinnarpit? Suliniutinut maannakkut ingerlanneqartunut ilanngukkusullutillu nutaanik aallarniutissanik ineriartortitseqataarusuppit? Taava tassa immaqa illit uagut UNICEF-imi Kalaallit Nunaanni allaffitsinni suleqatigiligassarput!

UNICEF Kalaallit Nunaanni 2010-mit meeqqat aamma inuusuttut pisinnaatitaaffii NAKUUSA aqqutigalugu anguniagaqarfigalugit siuarsarpaat. Pitsaasumik aallaaviulluarfiusussamik pilersitsisimavugut, tamatumani qulakkeerlugu meeqqat nipaasa tusaaniarneqarnissaat akuerineqarnissaallu, aammattaaq tamatuma ataatsimut isigalugu inuiaqatigiinnik pitsaanerulersitsisumik. Tunngaveqarluarpugut, aamma iliuuserisatta suli annertunerusumik ineriartortinnissaannut periarfissaqarluarluta.

UNICEF Kalaallit Nunaanni aammattaaq pissanganartumik suliniuteqarpoq taaguutilimmik Ataatsimoorluta Aalasa, tamanna GIF, PAARISA, Center for Folkesundhed aamma KNI qanimut suleqatigalugit ingerlanneqarpoq. Suliniutip pingaarnertut siunertaraa Kalaallit Nunaat tamakkerlugu meeqqanut aamma inuusuttunut timersornermi ataatsimoortitsilersitsinikkut pitsaanerulersitsinissaq peqqinnerulersitsinissarlu. Suliniut ingerlallualereerpoq, taamaammat suliassat nassuiarneqareersut atuutilersinneqassapput, aamma suliniummi ineriartortitsinermik suliassat nutaat pissanganartut aamma UNICEF Kalaallit Nunaanni utaqqipput.

Allaffeqaratta mikisumik, aaqqissuussineq ajornaatsuusariaqarpoq suliassallu naammassiniarneranni immitsinnut ikiortarluta. Uani atorfimmi aammattaaq suliniummik aqutsinerup, ineriartortitsinerup aamma atuutilersitsinerup akisussaaffiginissaa ilaasinnaapput, kiisalu allaffissornermi suliassat aamma suliassat nalinginnaasut. Attaveqaqatigiinnermut tunngasut suliassat, soorlu SoME-mi saqqummiussassat, tusagassiuutitigut nalunaarutit aamma tusarniaanermi akissuteqaatit atorfimmi suliassatut ilaasinnaapputtaaq. Suliassat tulluarsarneqarsinnaallutillu aaqqissorneqarsinnaapput piginnaanerit pikkoriffiillu malillugit.

Illit pillutit:

Pingaarnertut illit kajumissuseqarlutillu sullarissuussaatit suliaqarusussuseqartorlu. Suliassat assigiinngisitaartuupput piumasaqaataavorlu illit tamanik immikkuualuttunillu isiginnissinnaalluarnissannik. Nammineerlutit sulisinnaassaatit aamma aallarniuteqartarsinnaassallutit. Siulersuisuni aqutsisumik, sungiusaasumik aamma inuusuttunik attaveqaqateqarluartarsinnaassaatit. Iluaqutaassaaq illit kalaallisut, danskisut aamma iluaqutaassaaq tuluttut allassinnaallutillu oqalussinnaanissat. Sulilersussaq kajungerineqarnerpaaq tulluartumik ilinniagaqarsimasuussaaq, aamma tamatuma saniatigut makkuninnga piginnaaneqartoq:

• Uppernarsaateqarluartumik aamma siornatigut suliffigisimasamit, soorlu assersuutigalugu suliniutinut ataqatigiissaarisutut imaluunniit akademisk-imik suliaqarluni suleqataasimasutut misilittagaqarluartoq
• Pitsaalluinnartunik attaveqaqatigiittarnermik piginnaanilik aamma toqqissisimalluni workshopinik ingerlatsisinnaasoq saqqummiussisinnaasorlu
• Sumi atorfeqarneq apeqqutaatinnagu suleqatigiinnermik misilittagalik
• Meeqqat pisinnaatitaaffiinut tunngasunik ilisimasaqarneq iluaqutaassaaq
• Inuiaqatigiinnut tunngasut ataqatigiinnerannik ilisimasaqartoq
• Suliniutinut tunngasunik missingersuutinik aqutsinermik misilittagalik

Neqeroorutigaavut:

• Pingaaruteqarluartumik aamma assigiinngisitaartunik suliaqarneq
• Suleqatit aamma suliffimmi avatangiisit pitsaasut
• Suliffimmi atugassarititaasut assigiinngisitaartut
• Nunani assigiinngitsuni kattuffiusup suliatigut pikkorissuseqarluartumi ilaalissaatit
• Peqqissutsimi sillimmasiineq

Sapaatip akunneranut piffissami suliffiusumi aallaaviupput nal. ak. 40-t, suliffimmullu atatillugu angalasoqartarsinnaassaaq.

Paasissutissat sukumiinerusut:

Atorfik pillugu sukumiinerusunik paasisaqarusukkuit, nangaassuteqarnak UNICEF-imi pilersaarusiornermut aqutsisoq, Tina Dam, mailikkut attaveqarfigisinnaavat tdam@unicef.dk imaluunniit tlf.: +299 273552

Piffissaq atorfiniffiusoq: 1. marts 2026 imaluunniit isumaqatigiissuteqarnikkut.

Qinnuteqarfissaq kingullerpaaq:

Qinnuteqaat, CV, soraarummeernermit uppernarsaatit aamma allat uppernarsaatit tulluartut kingusinnerpaamik 12. januar 2026 upload-erneqassapput. 

Atorfik una qinnuteqarfigiuk

Atorfimmut atatillugu inissaqartitsisoqanngilaq. Isumaqatigiissutit atuuttut, kiisalu pikkorissuseq aamma ukiut suliffiusut naatsorsorneqartut aallaavigalugit akissarsiaqartitsisoqassaaq. UNICEF-ip atorfilittaminut napparsimalernissamut sillimasiineq neqeroorutigai. Meeqqanik innarliisimannginnermut uppernarsaat UNICEF-imi atorfininnermi piumasaqaataavoq.

UNICEF pillugu

UNICEF naalagaaffiit peqatigiinnut ilaavoq, tassaalluni nunarsuarmi meeqqat illersorneqarnissaannik suliaqartut annerpaartaat. Suliniaqatigiiffiuvugut nunarsuarmi nunat tamarmik salliutitaat meeqqat inuunerminni inuuginnarnissaannik ajunngitsunillu atugaqarnissaannik sullissisuusoq. UNICEF-ip nunarsuarmi meeqqat tamarmik sullitarai, taamaattorli nunarsuarmi meeqqat atugarliortut immikkut qitiutitaralugit. Naalagaaffiit Peqatigiit, FN-ip, Meeqqanut pillugit Isumaqatigiissutaa, aamma iliuuseqarnermut tamakkiisumut apeqqutaalluinnarpoq nammineq kajumissuseq malillugu tunissuteqartarneq. UNICEF tassaavoq naalakkersuisut allaffiini meeqqat nipaat, ikiuisinnaanera apeqqutaatinnagu sumi najugaqartuuneq aamma taakku ikiuiniartartutut inuunermik annaassaqarlutik tunniussaqartarlutik sorsuffinni ajornerpaami ajutoorfiunerpaanilu. Meeqqat inuunerannik annaassisarpugut, anaanaminni naartuunerminni inersimasutut inuunerat aallartinnerata tungaanut. Sukumiinerusut paasissutissat uani pissarsiarineqarsinnaapput: www.unicef.dk