The Polar Academy Greenland-imi immikkut siunnersortimik pissarsiorpugut – Tasiilami Alivarpi

Tasiilami Alivarpi ilinniartitsisumik perorsaasumilluunniit immikkut siunnersortissarsiorpoq, Tasiilami inuusuttunut allannguerusussinnaasumik. Tasiilami The Polar Academy Greenland aallartisarneqarnerani ingerlanneqarneranilu qitiusumik atorfeqalissaatit, inuusuttunut ilaqutaannullu inerisaanermik ilinniaqqinnissamullu suliniut, iligiinnik misiliutitut suliniummik ukioq atuarfiusumi 2026/2027 taavalu 2027/2028 aallartittussamik.

The Polar Academy Skotland-imiit misilittakkat allaaserineqarsimasut suliniummi aallaavigineqarput taakkulu Tasiilami periarfissanut immikkuullarissunut unammillernartortaanullu tulluarsarneqassallutik. Siunertarineqarpoq inuusuttut eqqarsartaasaat, inooqataanikkut timikkullu atugarissaarnerat siuarsarniarlugu, ilinniaqqinnissaannut, ataatsimooqataanissaannut siunissamullu piginnaasaqalernissaat, sapiissuseqalersillugillu anguniagassinneqarnissaat anguniarneqarluni.

Atorfik pillugu paasissutissat:

Suliniummi The Polar Academy Greenland-imi atuarfimmi ataqatigiissaarisuussaatit taavalu atuartut ilaqutaasalu peqataasunut qitiusumik qanimut attaveqaataassallutit.

Makku peqataaffigissavatit:

∙Piffimmi suleqatigiit Tasiilami Alivarpimmi suleqatit marluk ilagalugit∙Igdlo taavalu Mountain Leader Team-ikkut, ”Tasiilaq pillugu suleqatigiippugut” saniatigullu Tasiilami sunngiffimmi piorsarsimassutsikkullu immikkoortortaq akimortumik suleqatigalugit

∙Skotlandiminngaanneersut NGO The Polar Academy nunat tamalaaneersut sungiusaanermik, isummanik ilisimasaminnillu avitseqateqarnitsigut suleqateqarluni

Pilersaarut sukumiisoq asseqanngitsorlu piviusunngortinnissaanut peqataassaatit, timikkut eqaarsaarneq, pinngortitaq aallaavigalugu ilikkarniarneq, ilaqutariinnik akuutitsineq taavalu issittumi perorsaaneq ataqatigiissarneqassallutik.

Pingaarnertut makkua suliarissavatit:

Pilersaarut aallaavigalugu atuarfimmiit ulluinnarni ingerlatsisuussaatit atuartut, atuartut ilaqutaat atuarfiullu sulisui qanimut suleqatigalugit. Ilaatigut makkua suliarisassavatit:

Ingerlaavartumik sammisanik pilersaaruteqarneq:

·Sapaatip akunneranut marloriaq sakkortuumik timersorneq peqataaffigalugillu allanut pilersaarusiortarnissaanut ”insanity training”

·Atuartunut ilaqutaasunullu sapaatip akunnikkaartumik nerersuaqatigiinnerit ingerlallugillu tapersertarnissaat

·Silami piginnaasat sungiusarnerini peqataasarluni, tassani ilanngunneqassapput isumannaallisaaneq, suleqatigiinneq taavalu pinngortitamik paasinnittaaseq

·Ammassaliup immikkoortuani timersornermik misigisassarsiornerit ukiumut marluk pingasulluunniit pilersaarusioqataaffigalugillu ingerlanneqarnissaannut peqataalluni

·Ukiumut inaarutaasumik Skotland nunataata qatsissortaani misigisassarsiorluni inuusuttut peqataasut ilagalugit angalaqataaneq

·Atuartunut ilaqutaannullu pilersaarummut naammassinnissimasunut atorfissamut aalajangersimasumut ataqatigiissaareqataanissaq

Atassuteqarneq ineriartornerlu:

·Atuartunut ilaqutaannullu aalajaatsumik, toqqissisimanartumik ataqqeqatigiittumillu atassuteqalernissaq

·Atuartut oqalugiarnermik aamma siammarterinermik suliassanik ingerlatsineranni ikorfartorlugit

·Oqaloqatigiinnikkut, sammisaqarnikkut ikorfartuinertigullu ilaqutariit tunniussimassusaat ataatsimoorsinnaanerallu nukittorsarlugu

·Issittumi Perorsaaneq inerisarneqarnissaanut peqataanissaq, atuarfimmiit ilinniartitsisut toqqarneqarsimasut suleqatigalugit

Suleqatigiinneq ataqatigiissaarinerlu:

·Atuarfimmiit ataqatigiissaarisuullutit taavalu suliniutimut suleqataasunut pingaarnertut attaveqaataallutit

·Atuarfiup atuagarsornikkut ingerlariaasia pillugu The Polar Academy (Skotland) qanimut suleqatigalugu taavalu pitsaassutsimik qulakkeerinninneq

·Ingerlaavartumik inerisaanissamut peqataaneq taavalu suliniutip periusianik, ilusilersugaaneranik taavalu ukiumut pilersaarusiornermi ikiuuttarnissaq

·Tamakku saniatigut atuarfimmi atuartitsineq, assersuutigalugu timersornermi atuartitsineq imaluuniit fagi ilinnut tulluartumik atuartitsineq

Imaattumik ujaasivugut:

Suleqatissarsiorpugut atuagarsornikkut inuttullu suliniutitsinni nukittuumik kivitseqataasinnaasoq. Suliniummik suliaqarnissaminut nukissaqarluarsinnaasoq, patajaatsoq taavalu atassuteqarfiginiarlugu qanilaarsinnaasoq.

Illit:

∙Ilinniartitsisutut perorsaasutulluunniit ilinniarsimasuuvutit (imaluunniit assingusumik ilinniagalik)∙Inoqatinut atassuteqarniarnikkut pikkoriffeqarputit naammagittarsinnaarujussuarlutilluTunumi piorsarsimassutsikkut atugassarititaasut ataqqillugillu tunngavigalugit sulerusuttoq∙Silamiinnermik soqutigisaqartuullutillu misilittagaqartutit – sila mersernaraluarpalluunniit∙Timikkut ilungersunarsinnaasumik suliaqarfiusinnaasuni taavalu inuusuttut inuunermi ilungersunartorsiorneranni suliaqarsinnaassasutit∙Inuusuttut ilaqutaasalu ineriartornerisa nalaanni tatiginninnermik, ilusilersueqataallutillu toqqissisimanermik takutitsisinnaassasutit∙Tarnikkut timikkullu qajannaatsuusutit piviusorsiortumillu allanngueqataanissamut piumassuseqarlutit

∙Tunumiutut oqaloreersinnaanngikkuit tunumiut oqaasiannik ilikkarusussuseqartutit

Iluaqutaassaaq:

∙Pinngortitami perorsaariaatsimik, silameeriaatsimik, misigisassarsiornerit imaluunniit timersorneq misilittagaqarfigigukku.∙Inuusuttut inooqataanikkut eqqarsartaatsikkulluunniit unammillernartoqartut sullinnikuusimagukkit.∙Kalaallit Nunaanni innuttaasunut atugassarititaasunut ilisimasaqaruit.∙Perorsaariaatsinik nutaanik inerisaanissamut soqutiginnikkuit. (Issittumi Perorsaaneq)

Makkua neqeroorutigaagut:

Suliniut aallartisarnerani pingaarutilittut nunaqavissut akornanni nunallu iluani inissisimalissaatit. Makku neqeroorutigisinnaavagut:

·Inuusuttut ilaqutaasalu eqqarsartaatsikkut, inooqataanikkut timikkullu inuunerminnik allannguineranni sunneeqataanissannut periarfissaq

·Nunaqavissut nunallu tamalaaneersut qanimut suleqatigilerlugit

·The Polar Academy (Skotland) suleqatigalugu atuagarsornikkut inerisaaqataaneq

·Iligiikkuutaani ataasiakkaatulluunniit ilusilersorluakkamik immersoqatigiinnermi peqataaneq taavalu ilisimasatigut avitseqatigiinneq

·Innuttaasut nunaqavissut pimoorussilluinnartut suleqatigiinnerlu ineriartorfiusoq

·Suliniutip sanarfineqarnera sunniuteqarfigalugulu akisussaaffeqalernissamut periarfissaq

·Tunup pinngortitarsuani kulturianilu sulineq immikkuullarilluinnartoq

Atugassarititaasut:

·Projektilerinerup nalaani unnukkut weekendinilu sulisarnissaq naatsorsuutigineqartassaaq.

·Skotlandimut angalaneq pisinnaavoq.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Atuarfiup pisortaa Miriam Vang, oqarasuaat +299 36 78 01 imaluunniit e-mail: miwa@sermersooq.gl imaluunniit:

Head of Program, Tasiilami Tsuleralingiippuu – Vi samarbejder i Tasiilaq, Søren Skov, oqarasuaat +299 55 06 47 imaluunniit e-mail: soren@susnow.gl

Qinnuteqaat:

Qinnuteqaat qulequtserlugu Atorfiup ilisarnaataa 219-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: marsip 9.-at, 2026