Suleqatigiinnut aqutsisoq Innarluutilinnut Tarnimikkullu Nappaatilinnut Najugaqatigiiffik Qinngorput

Innarluutilinnut Tarnimikkullu Nappaatilinnut immikkoortortaqarfik suleqatigiinnut aqutsisumik pissarsiorpoq, ingerlatsinermut qanittumik suleqataarusuttumik aammalu aqutsinermut, ataqatigiissitsinermut sulianillu pitsaassutsimik ineriartortitseqataarusuttumik Najugaqatigiiffik Qinngorput-mi.

Najugaqatigiiffik Qinngorput Nuummi najugaqatigiiffitta annerit ilagaat. Najugaqatigiiffimmi innuttaasut 21-upput, tarnimikkut piginnaasakillisimasut, amerlanerillu aamma atornerluinermik ajornartorsiuteqarlutik. Innuttaasut tamarmik namminerisaminnik ineqarput, aammalu najugaqatigiiffiup ataatsimoorfiisa marluk iganermut, ataatsimoorluni nerinermut kiisalu inooqatigiinnermut atorneqartarput.

Suliatta pingaarnersaraa innuttaasut tarnikkut, inooqataanikkut aammalu ulluinnarni piginnaasaannik ineriartortitsinissaat, taamaalillutik sapinngisamik nammineersinnaanerpaamik inuuneqarnissaat. Aqutsisoqatitit sulisullu peqatigalugit innuttaasut pitsaasumik imaqarluartumillu inuuneqarnissaat, namminneq kissaatigisaat naapertorlugu tapersersussavat.

Sulisut 20-t missaanniittut peqataaffigissavatit, taakkua perorsaanermik, peqqinnissamut tunngasunik ilinniagallit imaluunniit ilinniagaqanngitsut.

Aqutsisoq Najugaqatigiiffik Qinngorput-miittoq qaninnertut aqutsisorissavat aammalu tullersorti, aqutsisoqatit fagchef-lu qanimut suleqatigissavatit.

Atorfik pillugu:

Suleqatigiinnut aqutsisutut Najugaqatigiiffik Qinngorput-mi ulluinnarni aqutsinermut ingerlatsinermullu pingaarutilimmik inissisimassaatit. Atorfik aqutsinermut sulianullu ulluinnarni qanittumik attuumassuteqarpoq.

Ilinniagarisat tunngavigalugit suliassat assigiinngisitaarsinnaapput, soorlu assersuutigalugu nakorsaatinik aqutsinermut akisussaaffeqarneq.

Aamma angerlarsimaffimmi pigaartuusarnermut aaqqissuussinermut ilaalissaatit.

Suliassat sukumiinerusut qaninnertut aqutsisorisat peqatigalugu aalajangersarneqartassapput.

Pingaarnertut suliassatit:

·Qinngutsinni Najugaqatigiiffimmi ulluinnarni aqutsinermut ingerlatsinermullu ikorfartuineq

·Sulisunut aqutsinermi isumalluutaagit ersarissoq suleqatikkuminartorlu

·Ataqatigiissaarinermut, tamanik takunnissinnaanermut aamma najugaqatigiiffimmi angisuumi pisoqarfiusumilu malinnaaffiginninnermut peqataassaatit

·Immikkoortortami suliassat assigiinngitsut suliaralugit. Ineriartortitseqataaneq pitsaassutimillu sunniuteqaqataaneq

Naatsorsuutigaarput, illit:

·Aqutsinermik imaluunniit aqutsinermut tunngasunik atuuffinnik misilittagalik

·Ingerlatsinermik sulianillu ajornakusoortunik qanimut suliarinnissinnaasoq

·Inuit aamma suliassatigut piginnaasaannik ulluinnarni qanoq atuisinnaanermik ilisimasalik

·Nammineq sulisinnaasoq, ulluinnarni ulapaarfiusumi ilusilersukkamik aamma ineriartornermik sammisumi.

·Ersarissumik akuersaartumillu attaveqarsinnaasoq – qullersamut, sulisorisanut avammullu

·Kalaallinik inuiaqatigiinnik kulturiannillu ilisimasalik

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Inuttut:

·Allaanerussuteqarneq ataatsimoornerlu nukittut isigissagitit

·Patajaatsoq, qanilaartoq oqaloqatiginnikkumassusilik

·Ulluinnarni ulapaarfiusumi assigiinngitsunik attaveqarfiusumi sulilluarsinnaassusilik

·Alapernaatsoq, eqqarsarluarsinnaasoq aamma sulinermi ilikkarusussusilik

Uagut pilluta:

Innarluutilinnut aamma Tarnikkut nappaatilinnut immikkoortoqarfik arfineq-pingasunik najugaqatigiiffeqarpoq, najugaqatigiiffiit allat tallimat, sammisassaqartitsinermut ataatsimooqateqartitsinissamullu marlunnik neqerooruteqarluni, oqilisaassinermut neqeroorut ataqaseq, piginnaanngoqqiffik ataaseq kiisalu tapersersorteqarfiit pingasut Nuummi, Tasiilami Paamiunilu agguataarsimasut. Aqutsineq, sulineq aamma suleqatigiinneq - najukkami suliassaqarfinnilu assigiinngitsuni nukittorsarniarlugu siunnerfilimmik sulivugut.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Aqutsisoq Dorthe Ludvigsen, oqarasuaat +299 56 62 65 imaluunniit e-mail: dolu@sermersooq.gl imaluunniit uunga:

Tullersorti Mette Marie Lennert, oqarasuaat +299 27 79 34 imaluunniit e-mail: mmal@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 216-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: marsip 20.-at, 2026