Kangerlussuarmi Sulisunut aqutsisoq

Suliffiuinnaanngilaq, inuunermili pissusiuvoq. Imartami suliffik, imaq amigaataaginnarluni.

Kangerlussuarmi Nukissiorfiit Sulisunut aqutsisutut atorfimmut suleqammik piginnaanilimmik inuttassarsiorpoq, taannalu ajornanngippat toqqammavinni toqqissisimanartuni imminik qanoq pisinnaassutsiminik misileraanissaminut kajumissuseqarsinnaavoq. Soqutigisavit sumi inissisimaffigisai malillugit tunisassiorfimmi siammarterivimmilu innaallagissap, erngup kiassarnerullu iluini suliassassaqarfimmut ataatsimut imaluunniit arlalinnut isumaginnittuusussaassaatit. Suliassaqarfiup pineqartup iluani allaffissornermut tigussaasutullu suliassanut isumaginnittuussaatit.

Tassaavugut maskinmesterit marluk, sulisut pingasut, aamma eqqiluisaarisartutut assistenti ataaseq. Ataatsimoorussatut sulisunut politikkeqarpugut, tassalu immikkoortoqarfiit killeqarfii qaangerlugit sumi pisariaqartitsisarfimmi sulisartuuvugut.

Kangerlussuarmi ulluni atukkani pinngortitaq assut ilaaffeqarpoq, tamaanilu ukiuunerani qimussernermut, qamuteralannermut ujakkaarlunilu sisorartarnermut periarfissatsialaqarpoq, aasap nalaani ATV-mik atuilluni Kangerlussuup nunatarujussuanut pisariunngitsumik attaveqarluni pisuttuarfissanik piniarnissanullu periarfissanik ulikkaarpoq. Illoqarfissuarmit nalinginnaasumit Kangerlussuarmi inuuneq allaaneruvoq, aqquserngilu cafénik assingusunillu takusassaqarfiunngillat. Taamaattumik tamatuminnga soqutigisaqassagaanni asimi inuunermik imminik misilinnissamut assut periarfissaqartiterpoq.

Tunisassiornermik suliassaqarfiit toqqartukkat taakku iluini suliassatit pingaarnerit tassaassapput:

• tunisassiornermik suliassaqarfiup ingerlatsinerup, aserfallatsaaliuinerup allanngoriartortitsinerullu iluini suliassaanik agguaassinerit peqataanerillu
• tamatumunnga atasutut siammarterisarfimmik pitsaanerpaanngorsaanermik, malitseqartitsinermik nakkutilliinermillu qulakkeerinerit
• suliniutit piareersarnissaannut uppernarsaaffiginissaannullu suliassani peqataanerit
• periusissialigaasutut pilersaarutit, ingerlattakkat, najoqqutassiat ilitsersuutillu suliarinerini peqataanerit.

Aqutsisutut sulisunut akisussaaffeqassaatit, tamannalu ilaatigut sulisut suleqatigiillu kajumissuseqarnerinut, atugarissaarnerinut piginnaanngorsagaanerinillu ilalersuinissamik imaqarpoq.

Suut naatsorsuutigisinnaavigit?

Tassaalissaatit suleqatinik piginnaasalinnit tunniussimasunilu suleqatigiit ajornaasaartut ilaat. Illoqarfimmi siuttuuffimmik pingaarutilimmillu inissisimaffeqalissaatit, tassanilu iluatsitsineq sulianut pikkoriffigisatsigut suleqatigiinnitsialatsigullu pilersinneqartarpoq. Taamaalisukkut suliffimmi assut sulisuminit iluarineqartumi ilaalernissaq qilanaarisinnaavat.

Ujarpatsigit makkuninnga pilik:

• teknikkikkut nangitsisutut ilinniagalik, soorlu maskinmesteritut
• qarasaasiamut tunngavilittut ingerlatsinermut aserfallatsaaliuinermullu aaqqiissutinik ilisimannittoq
• missingersuusiornermik misilittagalik, - malitseqartitsisarnerit naleqqussaanerillu iluaqutaapput
• business casesit suliarinerinik ilisimanninneq iluaqutaavoq
• biilersinnaanermut allagartalik.

Ilusilersugaasutut suleqatiginninneq attaveqaqatiginninnerlu aqqutigalugit suleqatigiiutitit kajumissaarsinnaassavatit. Allannguinissamut piareersimaffimmik iluarsineqartussanik suliffeqarfimmi pinasuartutut ajugaaffiginiassanik pinngorfeqarsinnaaffilinni sulinissat sianigivat. Tamakku saniatigut atuisartutsinnut kiffartuussinikkut pitsaassutsikkullu inissisimaffiup qaffasissup qanoq pingaartiginera ilisimavat.

Atorfinitsitaanermi atugassarisat

Aningaasarsiat atorfinitsitaanerlu attuumassutilittut atuuttutullu isumaqatigiissut najoqqutaralugu. Qaammatini pingasuni misilitsiffeqarpoq.

Malittarisassiat atuuttut najoqqutaralugit sulisunut inissiaq pequsersugaanngitsoq neqeroorutigineqarpoq. Namminersorlutik Oqartussani atorfeqarneq aqqutigalugu sulisunut inissiaq pigineqariissappat tassunga pisinnaatitaaffik pigiinnarneqassaaq.

Taamaattorli atorfininnermi qaammatini siullerni arfinilinni utaqqiisaasutut inissiamut najugassinneqarsinnaaneq naatsorsuutigineqassaaq.

Malittarisassiat atuuttut najoqqutaralugit atorfininnermi soraarnermilu angalanerit akilerneqarput.

Tssaavit suleqat ujagarput?

Taama ”Atorfik una qinnuteqarfigiuk” aqqutigalugu qinnuteqaatit piaarnerpaamik nassiuguk.

Atorfik pillugu erseqqinnerusutut paasissutissat ugguuna pissarsiarineqarsinnaapput:

Annertunertut paasissutissat Sulisunut aqutsisumut Jesper Jensenimut saaffiginninnikkut pissarsiarineqarsinnaapput, e-mailikkut: jcbj@nukissiorfiit.glimaluunniit oqarasuaatikkut saaffiginninnikkut, oq. (+299) 524615. Allatut qinigassaavoq Nunap immikkoortua Qeqqanut pisortamut Jan Zachariassenimut saaffiginninneq, e-mailikkut: JBZ@nukissiorfiit.gl.

Nukissiorfiit pillugu

Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamik, imermik kiassarnermillu nioqqutigisatta 70 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik pisumik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Uagut pilluta uani annermik atuagassaqarpoq: www.nukissiorfiit.gl

Qinnuteqarnissamut killissarititaasoq: juulip 18.-at, 2025

Atorfik una qinnuteqarfigiuk