Kangillinnguit Atuarfiat pisortassarsiorpoq

Meeqqat inuunerissuunissaannik aqutseqataanissamut suleqataarusussueqarpit? Tamakkiisumik isigisinnaassuseqarpit suliassanik arlalinnik nammineq aallartitanik allallu ingerlataannik ingerlatsisinnaallutik – taava illiusimassaaq ujartugarput.

Kangillinnguit Atuarfiat Kommuneqarfik Sermersuumiittoq atuarfimmi pisortassarsiorpoq, Atuarfeqarnermi Immikkoortortaqarfiup siunniutaanik anguniagaanillu atuutsinniarnissaanut peqataarusussusilimmik.

Anguniakkat ilaatigut tassaapput pilersissallugit meeqqat peqqissut, alapernaattut patajaattullu. Taakku saniatigut atuarfiup pisortaata ersarissuunissaa, kiisalu suliniutit qanoq ingerlanneqarnissaannut qanoq iliuusissanik takorluuisinnaanissaa.

Kangillinnguit Atuarfiat 1995-imi kommunitsinni atuarfiit sisamaattut pilersinneqarpoq. Kangillinnguit Atuarfiat kommunalimik ingerlanneqartuuvoq 531-inillu atuartoqarluni. 1.klassimiit 10.klassimut marlukkaartumik klasseqatigeeqarluni ingerlavoq, katillugit klassit 20-ullutik, taassuma saniatigut immikkut atuartitsinermi klassit pingasut ingerlapput. Atuarfik pingasunik immikkoortortaqarpoq Nukarliit 1.klassimiit 3.klassimut, akulliit 4.klassimiit 7.klassimut angajulliillu 8.klassimiit 10.klassimut. Ilinniartitsisoqatigiit 47-ruupput, taakku saniatigut atuarfiup pisortaa, pisortap tullersortaa, allaffimmioq, inunnik isumaginnittoq, pedeli, pedelip ikiortaa asaasullu sulisuullutik.

Kangillinnguit Atuarfiat Nuussuup immikkoortortaani nutaannginnermi inissisimavoq.

Kangillinnguit Atuarfiata nalunnginneqaatigaa Klassinik kammalaatigeeqartitsineq, Angajoqqaanik suleqataalluarumasunik peqarneq, aammalu Atuartoq inuttut piginnaasatigut aamma atukkersornikkut ineriartortinneqassasoq. Atuarfiup oqariartaat nalunnginneqaataa tassaavoq: “Ataatsimoorluta ilikkalertorneq kivissavarput”.

Atuarfiup pisortassaatut ujartorparput:

·Atuarfimmik meeqqat inuusuttullu ilinniartinneqarneranni ingerlatsilluarusuttoq, illoqarfiup immikkoortortaqarfiani Nuussuarmi inissisimasoq. Atuarfiup ineriartortitseqinnissaanut atuarfiup siulersuisui, sulisut, angajoqqaallu peqatigalugit suliniuteqartoq

·Suliniutinik inissitsiterisinnaasoq atuarfimmi sullivimmik naammagisimaarinnillutik nuannarinnillutillu sulisitsilluni

·Ammasoq ersarissorlu anguniakkaminik ersarissumik siunniussalik, illoqarfimmi ummaarissumi ineriartortitsinermut peqataarusuttoq

·Perorsaanikkut allaffissornikkut kiisalu sulisunut tunngasunik suliaqarnermik soqutigisalik

·Pisunut malinnaalluartoq, aaliangiisinnaassusilik, pilersaarusiorsinnaassusilik sulianillu agguataarisinnaasoq atuarfiup nunarsuarmioqataanitsinnut ineriartortinnissaanut soqutiginnittoq

·Atuartoq qitiutillugu atuarfimmik ingerlatserusuttoq, atuartoq piginnaasani aallaavigalugit ineriartortinniarlugu

·Sermersuumi atuarfiit akimorlugit suleqateqarsinnaasoq atuartut atualertussallu ineriartorteqqinnissaannut

·Ilinniartitsisutut ilinniarsimasoq imaluunniit assigusumik, kandidatitut ilinniarsimasuusinnaavoq

·ajoranngippat marluinnik kalaallisut qallunaatullu oqaasilik. Tuluttoorsinnaaneq iluaqutaassaaq

Atorfik akiliunneqarluni feriarsinnaanermut aningaasaateqarfimmut ilaavoq.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Atorfinitsitsineq:

Ullumikkut tjenestemanditut atorfinitsitaareersimaguit, isumaqatigiissutit malillugit tjenestemanditut atorfiit uagut isumaqatiginitsigut nangissallugu periarfissaraat. Isumaqatigiissut malillugu atorfinitsitsinermi qaammatit pingasut misilitsitsivittut piffissaritinneqarpoq. Isumaqatigiissutit malillugit imaluunniit tjenestemanditut atorfinitsitsinermi atorfeqarsimanerup sivisussusia tunngavigalugu akissarsiaqartitsisoqassaaq angusaqarluni ilinniartitsisutut soraarummeersimanerup kingorna. Tjenestemanditut imaluunniit ” Kalaallit Nunaanni Naalakkersuisut aamma Ilinniartitsisut Meeqqat Atuarfianeersut Kattuffiat (IMAK) sulisut il.il. pillugit isumaqatigiissutaat atuuttoq malillugu atorfinitsitsisoqassaaq”.

Atorfinitsitsinermi atuuppoq, atorfilik gruppitut inuunermik sillimmaserneqarnissaanik immikkut isumaqatigiissut. Atorfinnut atatillugu inissanik innersuussisoqarsinnaavoq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Fagchef Riikki Grønvold, oqarasuaat +299 36 73 03 imaluunniit e-mail: rigr@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1158-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: decembarip 1.-at, 2025

Atorfik una qinnuteqarfigiuk