Kittani mersortartoq mersortarfimmilu aqutsisuaraq

Kittani mersortartoq mersortarfimmilu aqutsisuaraq – assassornermi tulluusimaarutigisatsinni piujuannartitseqataagit

Mersornermik nuannarisaqarpit? Kalaallit piorsarsimassusaannut ileqquannullu uummateqarpit?Sinnattoraajuk ukunani peqataanissat – assassorneq, suleqatigiit inissaqartitsisut pikkorilluinnartut akornanni ammerineq, kalaallisuunik mersorneq – aamma mersortarfiup ineriartorneranut aalajangeeqataanissat? Taava immaqa illiuvoq ujagarput.

Kittat pillugu:

Kittat tassaavaoq mersortarfik immikkut uumassusilik. 1981-mili Kalaallisuunik pitsaasunik mersortarpugut – immikkullu kitaamiusut kalaallisuut ukkataralugit.

Ullumikkut Kittat Kommuneqarfik Sermersuup ataani, immikkoortortaqarfimmi Sunngiffik aamma Kultur-ip ataani inissisimavugut, Nuummi, Kapisilinni aamma Qeqertarsuatsiaani mersortarfeqarluta.

Sulisut arfineq-marluusugut suleqatigiilluta ullut tamaasa, Kalaallit Nunaanni assassoriaatsinik kusanarnerpaat ilaanni ingerlatsinitsinni, kalaallisuulioriaatsip illersorneqarnissaa, ingerlateqqinneqarnissaa aammalu ineriartortinneqaqqinnissaanut anguniangaqarluta sulisarpugut.

Kittani ullut tamarmik assigiinneq ajorput. Naqqaniit kalaallisuut suliarisarpagut, kalaallisuunik innuttaasunut attartortitsisarpugut, saqqummiinikkut, suliniutini assigiinngitsutigut aamma ilisimasanik ingerlatitseqqiisarpugut. Ileqqutoqqanik aammalu nutaaliornermik suliaqarpugut – illillu periarfissaqarputit tamaasa samminissaanut.

Illit akisussaaffissatit:

Mersortartutut akisussaaffiit:

Uku suliassat mersortartutut, mersortarfimmi piviusunngortitsinermi, assassornermi nutaanillu pilersitsisinnaanermut tunngapput:

∙Pitsaasunik aamma ileqqutoqqat malillugit periutsinik ataqqinnittumik kalaallisuuliorneq

∙Amernik allanillu kalaallisuut atortuinik suliaqarneq

∙Kalallisuunik mersorneq, naleqqussaaneq iluarsaassinerillu

∙Inunnik sullissineq – soorlu attartortitsinermi, siunnersuinermi pisiniartitsinermilu

∙Assassornermi sulianik paasissutissanik ingerlatitseqqiineq – soorlu kalaallisuunut tunngasunik ilisimasanik, atortuinik aammalu ileqquliussanik oqaluttuareqqiineq

∙Nutaaliorsinnaanermi suliniutinut isumassarsianik nutaanik aammalu ilutsinik nutaanik misilittaaneq

∙Nuannersumik isumassarsiornartumillu mersortarfimmi sulinermi avatagiisinut tunniussaqarsinnaaneq

Aqutsisuaqqatut suliassat:

Uku suliassat, aqutsisuaqqatut akisussaaffimmut, ataqatigiissaarinermut aammalu sulisunut ineriartortitseqqinnissamut tunngapput:

∙Mersortarfimmi ulluinnarni aqutsinikkut, sulianik ajornanngitsumik naammassinnissinnaanissamut suliassanillu agguataarinikkut qulakkeerinninneq

∙Assassornermi suliaqarnermi suleqatinut tapersersuineq aammalu siunnersuineq

∙Kittat siunissaanut mersortarfiullu ineriartortinneqaqqinnissaanut peqataaneq

∙Suliassanik pilersaarusiornermi aamma ingerlatsinermi – soorlu allaffissornermi suliassat, uppernarsaatit imaluunniit pisussanut ataqatigiissaarinermi peqataaneq

∙Aqutsisut suleqatigalugit allannguinissamut suliniutinullu peqataaneq

∙Kalaallisuuliornermik suliaqarnermi piorsarsimassutsimik aammalu ileqqunik tingumminnittuunikkut ingerlatitseqqiinermik piujuartitsinissamullu siuttoq

Ilinni ujartorpagut:

·Kalaallisuunik mersornermik ammerinermillu misilittagalik

·Mersorfimmik atuinermik ilisimasaqarluartoq

·Kalaallisuuliornermik Ilinniarfimmi ilinniagalik

·Aqutsisuaraanermik misilittaarusuttoq imaluunniit misilittagalik akisussaaffimmillu tiguserusuttoq

·Kalaallit piorsarsimassusaannik ileqquinillu pingaartitsisoq

·Nammineq sulerusuttoq, aalaakkaasoq suliassanillu tingusinissamut tatiginartoq aamma unamminartuungaluarpat

·Assassornermut aammalu allaffissornermut paasisimasaqartoq (allaffissornermik qungujulalluni tingusisinnaasoq).

·Suleqatiginninnermik, nakkutilliinermi aammalu nutaaliornermi piumassuseqartoq

·Kittat ineriartornerani allannguutaasussami peqataarusuttoq

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Neqeroorutigaarput

Suliffik pissanganartoq pingaartumillu isumalik, illillu poirsarsimassutsimi uumajuartumi peqataanissat.Uatsinni periarfissarissavatit:

·Avatagiisermi isumassarsiornartumi assassornermik suliaqarsinnaaneq

·Kittat siunissaanut ilusilersueqataanissat

·Kinaassutsitsinnut piujuartitsineq aammalu ingerlatitseqqiineq

·Suleqatigiinnut asannittunut, nuannersunut ataatsimuussuseqartunut peqataanissat

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Aqutsisoq Aviaq Reimer Olsen, oqarasuaat +299 36 69 17 imaluunniit e-mail: avaq@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1189-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: decembarip 3.-at, 2025

Atorfik una qinnuteqarfigiuk