KNI A/S ingeniørimik / bygningskonstruktørimik pissarsiorpoq (projektleder)

KNI-p nunatsinni tamarmi illuutaasa qularnaarneqarnissaannut ineriartortinneqarnissaannullu suleqataarusuppit?

KNI A/S Sisimiuni ingerlatsivimmi aaqqissuussaalluartumik sulisartumik, misilittagalimmik tunniusimasumillu ingeniørimik imaluunniit bygningskonstruktørimik pissarsiorpoq. Atorfininnissaq piaartumik imaluunniit isumaqatigiissuteqarnikkut inuttalerniarneqarpoq.

Atorfik pillugu

Suliniutinut aqutsisutut sanaartukkanut immikkoortortaqarfimmi pingaarutilimmik inissisimassaatit, sanaartukkanut sanaartugassanullu pilersaarusiornermut, ataqatigiissaarinermut aqutsinermullu akisussaaffeqassallutit. Sanaartortitsinermut siunnersortit, entreprenørit kiisalu suliffeqarfiup iluani suleqatit qanimut suleqatigisassavatit, KNI-p illuutaasa pitsaasumik aserfallatsaalineqarnissaat ineriartortinneqarnissaallu qulakkeerniarlugit.

Qaammatini siullerni piffissaq siulleq sillimasiinermut tunngasunik annertuumik sammineqassaaq. Tassani KNI-p sillimmasiinissamut piumasaqaataanut atatillugu suliassat aalajangersimasut akisussaaffigissavatit.

Atorfinittussap tekniskchef qaninnertut pisortarissavaa.

Suliniutinut aqutsisussatut pingaarnertut suliassarissavatit:

• KNI-p illuutaanut tunngatillugu teknikkimut tunngasutigut ikiuunneq.

• Suliassanik nukingernartutut takkuttunik suliaqarneq sanaartugalerisullu suliassaannik ataqatigiissaarineq.

• Sanaartukkanik sanaartugassanillu pilersaarusiorneq aqutsinerlu.

• Missingersuutinut, pingaarnersiugassatut nalunaarsukkanut suliniutinullu tunngatillugu immikkoortortaqarfiit sinnerinik suleqateqarneq.

• Sillimmasiisarfiit piumasaqaataanut atatillugu suliassat suliarinissaat.

• Missingersuutit aalajangersarneqartut iluini aningaasaliissutissanik akuersinerit.

• Illuutinut tunngatillugu ingerlatsinermut tunngasutigut suleqataaneq.

• Inatsisinik atuuttunik oqartussallu piumasaqaataannik eqquutsitsinissamik qulakkeerinninneq.

• Sanaartukkanut tunngatillugu aqutsinermik kiisalu siunnersortinik sanaartugalerisunillu ataqatigiissaarineq.

• Suliniutinut nakkutilliinermullu atatillugu sinerissami KNI-p sumiiffigisaanut angalanerit.

Atorfik makkuninnga piginnaaneqartumik inuttalerusupparput:

Sanaartukkanik aqutsinermik sanaartukkanillu suliniuteqarnermik sanaartugassanillu misilittagaqarnieq.

• Nunatsinni sanaartugassatut suliniutinik ajornanngippat misilittagalik.

• Sanaartugassatut suliniutit aningaasalersorneqarnerinik aqutsinermik misilittagalik.

• Aaqqissuulluakkamik, nammineerluinnarlunilu akisussaaffilimmillu sulisar-toq.

• Sanaartukkanik aqutsinermik sanaartukkanillu nakkutilliinermik kiisalu oqartussanut attaveqarnermik misilittagaqarneq.

• Qarasaasiamik atuinissamut naleqquttunik ilisimasaqarneq.

• Minnerpaamik AutoCAD-mik aamma ajornanngippat Dalux FM-imik misilittagaqarneq.

• Qallunaatoorsinnaaneq, kalaallit oqaasiinut nunatsinnullu tunngasunut ilisimasaqarneq iluaqutaassaaq.

• Suliffeqarfimmi pingaartorsiunngitsumik suleqatigiiffigisassarpassuaqarfiusumik suleqateqarsinnaasoq.

Atorfik imaattumik inuttalerusupparput:

• Akisussaassuseqartoq aaqqissuussaasumillu suleriuseqartoq 

• Eqaatsumik suleriuseqartoq ulapaarfimmilu ataatsimut isiginnissinnaasoq 

• Inuit akornanni pitsaasumik suleqatiginnissinnaasoq diplomatiskiusorlu 

• Ingerlatsinermut nukittooq pitsanngorsaanissamullu soqutiginnittoq  

Sulianut tunngasutigut piginnaasat

Byggeteknik, ikuallattoqarnissaanut isumannaallisaaneq, Sanaartugalerinermi malitassaqarluni oqartussallu piumasaqaataannik misilittagalik, teknikkikkut uppernarsaasiineq.

Atorfinittussamut neqeroorutigaavut:

KNI-mi inuiaqatigiinnut pingaaruteqartumi, suleqatigiinnermik, akisussaaffeqarfeqarnermik ineriartortitsinermillu pingaartitsiviusoq akuuffigilissavat.

• Suliffik soqutiginartoq suliassallu allanngorartut

• Sinerissami tamarmi suleqatitsialaat

• Piginnaasat naapertorlugit isumaqatigiissuteqarnikkut akissaateqartitaaneq

• Illoqarfimmit allamiit qinnuteqartumut KNI A/S atorfimmut atatillugu inissaqartitsissaaq, tassungaluqularnaveeqqut, ineqarnermut akiliut, atuineq il.il., inatsisit malillugit akilerneqartassapput.

• Nuunnermi angalanermi kiisalu pequtit angallannerannut akiliunneqarneq.

Atorfimmut tunngatillugu annertunerusumik paasisaqarusukkuit Teksniskchef Rasmus Frederiksen, oqarasuaatitigut attavigisinnaavat: +299 862461 / +299 597155 imaluunniit mailerlutit: rfr@kni.gl

Qinnuteqarnissaq

Qinnuteqaat, ilinniarsimanermut siusinnerusukkullu sulisimanermut nalunaarsukkanik imalik (CV), oqaaseqaatitaammalu sulisitsisorisimasavit attaveqarfiginissaanut paasissutissaq, tigoreersimassavarput kingusinnerpaamik ulloq 28. juli 2026.

Qinnuteqaat uunga nassiunneqassaaq:

KNI A/S

Sulisoqarnermut immikkoortortaqarfik

Postboks 319

3911 Sisimiut

E-mail: jobs@kni.gl
 

Kalaallit Nunaanni inuiaqatigiinni sukkasoorujussuarmik ineriartorneqarpoq, aammalumi KNI-mi taamaappoq. Tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna siammasissorujussuaq ataatsimoortinneqarpoq.

Kiffartuussivik Sisimiuniippoq, Kalaallit Nunaanni illoqarfiit annersaata tulliani, Qaasuitsup Killeqarfianut qanittumi. Kalaallillu Nunaat tamakkerlugu 900-it eqqaasiorlugit amerlassusilinnik sulisoqarpugut, ukiumullu 2,5 mia. kr.-it pallillugit kaaviiaartittarlutigit.

Suliffeqarfissuarmik paasisimanninneq aamma tassaavoq Kalaallit Nunaata oqaluttuassartaanik, inuiaqatigiit aaqqissuussaanerannik ineriartornerannillu paasisimasaqarneq. Silarsuarmut akisussaaffilimmut unammilligassanillu qaangerniagassalimmut tikilluarit. KNI-p silarsuaanut tikilluarit.