PAASISSUTISSAT
Atorfiup suussusaa: KNR-imi naatsorsuuserisoq aningaasaqarnermullu siunnersorti
Suliffeqarfik: KNR
Qinnuteqarfissamut killigititaq: 21. maaji
Attavissaq: Jennifer Christensen oqarasuaatikkut +299 36 45 32 imaluunniit mailikkut: jef@knr.gl
Aningaasaqarnermut immikkoortortaqarfitsinnut naatsorsuuserisumik aningaasaqarnermullu siunnersortimik sullarissumik tamatigoortumillu pissarsiorpugut. Naatsorsuuserinermi, aningaasaqarnermik aqutsinermi akissarsialerinermillu suliassat assigiinngisitaartut suliarisassavatit aammalu ussassaarutinik tuniniaanermut tapertaasarnissat periarfissaqassaaq. Suleqatigiit ikinnerusut ilaattut immikkoortortaqafiup ineriartorneranut oqartussaaqataassaatit.
Suliassannut makkua ilaassapput:
- Suliffeqarfimmi naatsorsuuserineq
- Akiligassallit akiligassaqarfiillu aqutarinerat
- Akissasialerineq, angalanersiutit naatsorsorlugillu akilernerat akissarsiallu (honorar) akilernissaat
- Nalimmassaanerit nalunaarusiornerillu assigiinngitsut
- Ussassaarutinik tuniniaanermut atatillugu tunisaqarnermi suliassanut peqataaneq
·Aningaasaqarnermut tunngatillugu suliassat allat aamma suliassat takkuteriasaartut suliarinerat
Suleqatit suliaminnut tunniusimasut suleqatigalugit ingerlaavarfiusumik persuarsiunngitsumillu – suleqatigiinnissap inuttullu ineriartornissap pingaartinneqarfigisaanik - sullivimmi avatangiiseqarlutit sulinissannut periarfissaqassaatit.
Ima piginnaasaqaruit ujartorpatsigit:
- Aningaasaqarnermik, naatsorsuuserinermik niuernermilluunniit ilinniagaq naapertuuttoq
- Marloqiusaasumik naatsorsuuserinerup (akiligassallit akiligassaqarfiillu) iluani piginnaasaqarluarneq
- Akiligassallit akiligassaqarfiillu aqutarinerannik misilittagaqarneq
- Nalimmassaanermik aamma nalunaarusiornernik misilittagaqarneq
- Akissarsialerinermik misilittagaqarneq aamma isumaqatigiissutinik ilisimasaqarneq
- Tunisinermik soqutigisaqarneq iluaqutaassaaq
- Excelip pisinnaasaqarfigilluarnera
- Uku ilisimasaqarfiginerat: Microsoft Dynamics NAV/Dynamics 365 Business Central
Kinaavit?
Takorloorparput nammineersinnaassuseqarlutillu ilusilersorluakkamik sulisinnaasutit, ulluinnarisamilu nikerarlunilu ulapaarfiusumi ingerlalluarsinnaasutit. Suleqatikkuminartuuvutit, nammineq aallarnisaasarlutit suleriaatsillu qanoq pitsanngorsarneqarsinnaanerat tappiffigalugu. Ilikkartikkuminartuullutillu illit nammineq nalunngisannik allanut ingerlatitseqqillaqqipputit. Ilutigisaanillu suliassat unamminartullu nutaat pissuseqarfigilluarniartarlugit.
Akissarsiatigut atorfininnermilu atugassarititat
Akissarsiatigut atorfininnermilu atugassarititat, tamatumunnga ilanngullugit atorfininnermi soraarnermilu akiliunneqarluni angalasinnaatitaaneq aamma pisattat nuunnerinik akiliunneqarneq, Namminersorlutik Oqartussat pineqartullu kattuffiata isumaqatigiinniarsinnaatitaasup akornanni isumaqatigiissutit qaqugukkulluunniit atuuttut naapertorlugit pissapput.
Ineqarneq
Atorfimmut atatillugu inissaqartitsisoqanngilaq.
Attavissaq qinnuteqaallu
Atorfik pillugu paasissutissat ersarinnerusut piniarneqarsinnaapput naatsorsuuserinermi tuniniaanermilu pisortaq Jennifer Christensen oqarasuaatikkut: +299 36 45 32 imaluunniit mailikkut: jef@knr.gl saaffigalugu.
Suleqatigiinnut ilaalernissat soqutigigukku qinnuteqaatit CV-mik ilalik kingusinnerpaamik 21. maj 2025 nassiuguk.
Tusarfiginissat qilanaarivarput.
Qinnuteqarnissamut killissarititaasoq: maajip 21.-at, 2025
Atorfik una qinnuteqarfigiuk
