Kommuneqarfik Sermersooq Nuummi angerlarsimaffimmi ikiorteqarfimmut aqutsisumik pissarsiorpoq

Angerlarsimaffimmi ikiorteqarfimmut immikkoortortami aqutsisumik aalajaatsumik pissarsiorpugut, ingerlatsilluarnissamik

kajumissusilimmik innuttaasullu sullinnerini ataqatigiissitsinissamik pingaartitsisumik.

Immikkoortumi aqutsisutut immikkoortortami aqutsisut marluk ingerlatsinermillu pilersaarusiortut toqqaannartumik aqutsisuuffigissavatit.

Pitsaassutsimik qulakkeerinninnissamut innuttaasunullu pitsaasumik isumassuinermik sullissinermillu qitiutitsivugut. Angerlarsimafffimmi ikiortip pingaarnertut suliassarai innuttaasumut ikiuineq paaqqinninnerlu. Suliassat kommunimi

Ingerlatsivimmi immikkoortortat allat qanimut suleqatiginerisigut naammassineqartarput, kiisalu aaqqissuussaanikkut angerlarsimaffimmi peqqissaasoq peqqinnissaqarfimmiippoq. Taamaattumik piumasaavoq angerlarsimaffimmi ikiortinut aqutsisoq assigiinngitsunik sulialinnik suliallu akimorlugit suleqateqarnissamut piginnaasaqarluartuussasoq. Immikkoortumi aqutsisutut qulakkeerinninnissaq suliassat allattorsimaffii, inatsisit naleqartitallu naapertorlugit paaqqutarinninnerup, isumassuinerup piginnaanngorsaanerullu aamma suliassanik allanik ingerlatsisarnissaq qulakkiissallugu.

Kommunimi ineriartortitsinermut peqqissaasoq atorfinitsitsisoqarnikuuvoq suliaqarfiup tamatuma ineriartorneranik nalinginnaasumik ikiuunnermik suliaqartussamik.

Kommuneqarfik Sermersuumi utoqqarnut immikkoortortap ataaniipput suliffeqarfiit arlallit illup avataaniittut soorlu utoqqarnut najugaqatigiiffiit, utoqqaat angerlarsimaffiat, angerlarsimaffimmi ikiortit ulluuneranilu neqeroorutit. Taakku saniatigut isumassuinermut tunngasut soorlu qanimut suleqatigisartakkat ataqatigiissaarinermullu tunngasunik suliallit, soorlu tulleriissaarisartut, puigortunngortunut tunngasunik ataqatigiissaarisoq aamma timimik sungiusaasoqatigiit pillorissaasoqatigiillu.

Politikkerinik sullissineq isumagisarparput, soorlu ineriartortitsinermik suliassat, ingerlatsinermut tunngasunik ikiuunneq oqartussaaffeqarfimmullu tunngasunik suliaqarneq. Innuttaasunut naleqarluartumik sulisunullu isumaqarluartumik tamakkiisumik isiginnilluni aaqqiissutissarsiorneq qitiutillugu sulivugut. Taamaattumik Isumaginninnermut ingerlatsiviup sinneraniittut qanimut suleqatiginissaat annertuumik pingaartipparput.

Immikkoortortami aqutsisutut akisussaaffitit tassaassapput:

∙Assigiinngitsunik sammisaqartunik (suliasut aningaasanillu akisussaaffik ilanngullugit) aqutsineq.

∙Ulluinnarni ingerlatsineq qulakkiissallugu.

∙Aningaasaqarneq missingersuutillu malinneqarnersut qulakkiissallugu.

∙Missingersuutinik malitseqartitsineq ingerlatissallugu aamma allannguutinut annertuunut iliuuseqarfiginninnilluarneq.

∙Kalaallit kulturiannut sungiussisimasutit paasinnittaaseqarlutit imaluunniit uunga kulturimut paasinnikkusussuseqarlutit.

∙Sumiiffinni aqutsisut ulluinnarni suliaanni tapersersussallugit.

∙Suliassaqarfiit akornanni aqataqatigiilersitsineq.

∙Suliffimmi avatagiisinik pitsaasunik pilersitsineq.

∙Nutaaliorneq, ineriartortitsineq qulakkeerinninnerlu qitiutillugit suliat pitsaassusaannik sulisunillu aqutsinermik qulakkeerinninneq qitiutillugit.

∙Ulluinnarni ingerlatsinermut ulluinnarnilu sakkussanutat aqatigiissaarineq.

∙Tamakkiisumik isiginnissinnaassuseqartitsineq, aaqqissuussaasumik sulineq suliniuteqarusussuseqarnerlu

∙Nassuiaasiornermut, misissuiernut kingunerisinnaasanillu naatsorsuinernut akisussaaqataaneq.

∙Inatsisip piviusunngortinneqarnissanut qulakkeerinninneq.

Kinaavit?

∙Inussiarnersuuvutit nuannaartuullutillu.

∙Naatsorsuutigaarput, aqutsinissamut sapiissuseqartutit atorfimmullu assingusumi misilittagaqartutit

∙Peqqinnissamut tunngasutigut ilinniarsimasuunissat ajornanngippallu aqutsinermik ilinniarsimanissat.

∙Aningaasatigut atugassarititaasunik pisariaqartitsinermillu nalilersuisinnaassuseqarlutillu suliniuteqarsinnaassuseqartutit.

∙Suleqatigiinnissamut tatiginartuullutit piginnaasaqarluartuusutit.

∙Ingerlatsinermi ineriartortitsinermilu pissanganartumi sulisinnaassuseqartutit

∙Utoqqarnut sullitassanut tunngasunik suliaqarnissamut piumassuseqassasutit

∙Aqutsisutut ersarittutit sulianillu aallussillutit, inunnik allanik naapitaqarnermik nuannarisalik suliaqarfinni suleqatinut, innuttaasunut taakkulu qanigisaannut suleqatinullu akuersaartumik ammasumik akuliusimasutit.

Atorfik:

suliffeqarfimmi eqeersimaarfiulluartumi ullormut amerlasuunik assigiinngitsunillu nalaatassaqarfiusumi assigiinngisitaartunillu suliassartalik atorfik namminersorfiulluartoq unammillernartulillu neqeroorutigaarput. Utoqqarnut immikkoortortami aqutsisoq qaninnnertut sulisitsisorissavat, aqutsisoqatigiinnilu fagchefimik immikkoortamilu aqutsisunik ilaassallutit. Pitsaasunik avatangiiseqarluni, suliatigut siunersiueqatigiilluni, akisussaassuseqarluni, ammasuulluni assigiinngissutsinillu ataqqinnilluni sulineq pingaartipparput. Atorfiup suliallu allaaserineri piniarneqarsinnaassapput.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortumi aqutsisoq Johanne Marie Bergstrøm-Jensen , oqarasuaat +299 36 70 11 imaluunniit e-mail: jmbj@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 818-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: aggustip 26.-at, 2025

Atorfik una qinnuteqarfigiuk