Kommuneqarfik Sermersuumi nunap immikkoortuani inuussutissarsiornermut siunnersorti

Suliffeqarfimmi politikkikkut aqunneqartumi najukkami ineriartortitsinermik suliaqalernissat kajumigaajuk? Matumani suleqatigiinnermut, ataqatigiissaarinermut pilersaarusiornermullu tamakkiisumik isiginnissinnaaneq pingaaruteqarluinnarput. Inuussutissarsiutinik ineriartortitseqataanissat soqutigaajuk aamma ilisimasanik politikkikkullu anguniakkanik najukkami inuiaqatigiinni aalajangersimasumik naleqalersinneqarnissaannut suleqataarusuppit? Taamaappat Kommuneqarfik Sermersuumi inuussutissarsiornermut siunnersortitut atorfik immaqa ilinnut tulluassaaq.

Kommuneqarfik Sermersooq Inuussutissarsiornermut siunnersortimik sullarissumik angusaqarusuttumillu sulisussarsiorpoq – ajornanngippat assigiinngisitaartunik piginnaanilimmik imaluunniit inuussutissarsiornerup aamma/imaluunniit aallarnisaanerup iluani misilittagalimmik. Atorfik piaarnerpaamik imaluunniit isumaqatigiissuteqarnikkut inuttalerneqarumavoq.

Atorfimmut siunertaaqataavoq Kommuneqarfik Sermersuup suliniutaanut allanut nukittorsaaqataanissaaq, Paamiuni aamma Tasiilami najukkani inuussutissarsiutinik ineriartortitsinerit iluanni suliffeqarfiit, aallarnisaasut suliaqartullu allat qanimut suleqatigalugit. Inuussutissarsiornermut siunnersorti politikkikkut anguniakkat aamma suliniutit inuussutissarsiornermut tunngasut aalajangersimasut siuariartornermik, suleqatigiinnermik aamma najukkani imminut napatissinnaasumik ineriartortitsinerup akornanni akunnermiliuttuussaaq.

Atorfik aaqqissuussaanikkut Imaani inuussutissarsiutit & Inuussutissarsiornermilu oqallittarfimmi inississisimavoq, taannalu Inuussutissarsiornermut, Aaqqissuussinermut Pisiniarnermullu atavoq Suliffeqarfiup iluani Kiffartuussimmi, immikkoortortami aqutsisoq Salik Damgaardimut attaveqarluni.

Atorfik Nuummi inissisimavoq naatsorsuutigineqassaarlu sulianut atasumik angalanernik aamma Tasiilami Paamiunilu sulianik ingerlatsisunik qanimut suleqateqarnissaq.

Atorfiup imarai:

Inuussutissarsiornermut siunnersorti suliassanik arlalinnik isumaginnissinnaasoq taakkununnga ilanngullugit:

∙Paamiuni Tasiilaamilu inuussutissarsiornermut siunnersuisoqatigiinnut allatsitut atuuffik.

∙Tasiilami Paamiunilu najukkani inuussutissarsiortunut aallarnisaasunullu attaveqatigiiffimmik pilersitsineq ingerlatsinerlu.

∙Najukkani suliffeqarfinnik aallarnisaasunillu periarfissat, tapiissuteqartartut aamma niuernermik ineriartortitsineq pillugit siunnersuineq. 

∙Inuussutissarsiornermut immikkoortortap Paamiuni inuussutissarsiornermut takornarialerinermullu suliniutaanik tapersersuineq, Paamiuni Takornarialerinermi siunnersortit qanimut suleqatigalugu.

∙Tasiilami nunaqarfiinilu Inuussutissarsiornermut takornarialerinermullu Inuussutissarsiornermut immikkoortortaqarfiup suliniutaanut tapersersuineq, Tunumi Takornarialerinermut ataqatigiissaarisoq qanimut suleqatigalugu.

∙Workshoppinik, attaveqatigiit ataatsimiinnerannik aamma ullunik sammisaqarfinnik aaqqissuussineq.

∙Suliassat takkussuuttut assigiinngitsut

Suliassat avataanit suleqatit kiisalu Imaani inuussutissarsiutit & Inuussutissarsiornermi oqallittarfimmi immikkoortortami aqutsisoq qanimut suleqatigalugit ingerlanneqassapput.

Illit ilisarnaatitit:

Inuussutissarsiornermut siunnersortimik eqqortumik isummersortumik aamma kommunip iluani avataanilu suleqatinik pitsaasumik suleqateqarsinnaasumik ujaasivugut. Makku aamma piukkunnaatigaatit:

∙Paasissutissiillaqqinneq

∙Siunersiueqatigiinneq piginnaaneqarfigivat

∙Kisitsisilerillaqqipputit

∙Aaqqissuussillaqqipputit paasiniaaqqissaartartuullutillu

∙Namminersorlutit sulisinnaavutit, anguniagartoq aamma piffissaliussat aalajangersimasut iluanni

∙Suleqatiginnillaqqipputit aamma suleqatigiit akornanni suleqatissarsiorneq piginnaasaqarfigaat

∙Nammineerlutit suliassanik aallartitsisinnaavutit pilersaarutit iliuusinngortissinnaavatit

∙Marluinnik oqaaseqarputit, kalaallisut qallunaatullu piumasaqataanngilarli

Ilinniakkatigut tunuliaqutaq: Aningaasaqarnermik, inuiaqatigiilerinermik imaluunniit assigisaannilluunniit ilinniagaqarputit - ajornanngippat suliniutinik aqutsinermik imaluunniit inuussutissarsiuummik ineriartortitsinermit misilittagaqarputit.

Neqeroorutigaavut:

Suliffik unammilligassaqarfiusoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartipparput patajaatsumik suliassanut suliffimmullu pulatikkiartortinneqarneq, pimoorupparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartinneqarnerat.

Pineqaatissinneqarsimannginnermik uppernarsaat:

Atorfik una pineqaatissinneqarsimannginnermik uppernarsaammik pissarsinissamik inatsisitigut piumasaqaatitaqarpoq. Inatsit naapertorlugu atorfinitsitsineq aatsaat pisinnaavoq pinerluuteqarsimannginnermik uppernarsaat kommunimit tiguneqarpat. Taamaattumik maluginiaqqussavarput atorfinitsitsineq aatsaat isumaqatigiissusiorfigineqarsinnaammat kommuneqarfik pineqaatissinneqarsimannginnermik uppernarsaammik Politiinit tigusaqareerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfimmut atatillugu inigisassamik innersuussisoqarsinnaanngilaq.

Paasissutissat annertunerusut uannga pissarsiarineqarsinnaapput:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortaqarfimmi aqutsisoq Salik Damgaard oqarasuaat +299 580277 imaluunniit e-mail: slkd@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 236-26, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqassaatit:

Qinnuteqaatit elektroniskimik nassiunneqassapput, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

Malugiuk:

Qinnuteqaatit pappilianngorlugit mailikkulluunniit tiguneq ajorpavut, qinnuteqaatit sulisussarsiorneq aqqutigalugu nassiunneqarnissaat inussiarnersumik piumasarineqarpoq.

Qinnuteqarnissamut killissarititaasoq: marsip 24.-at, 2026