KRK-INUA-mi suliniutinik ataqatigiissaarisoq - Allagarsiissutigeqqitaq

Suliffeqarfimmik piffissamut killilikkamik atorfinitsitsineq 2028-p qeqqata tungaanut sivitsorneqarsinnaalluni

Inuusuttut inuuneranni pitsaasumik allanngueqataarusuppit? Attaveqaqatigiinnermi suliniutinillu suliaqarnermi pikkorissavit, aaqqissuussisinnaallutillu, sulianik ingerlatitsisinnaallutillu isumassarsianik piviusunngortitsisinnaavit?

Taava immaqa illiuvoq KRK-INUA-mut suliniutinik ataqatigiissaarisussatut ujartugarput.

KRK-INUA pillugu

KRK-INUA Kalaallit Røde Korsiat-ip inuusuttunut immikkoortortaqarfiuvoq. Inuusuttut peqatigalugit inuusuttut akornanni ataatsimoorfinnik nukittuunik, atugarissaarnernik periarfissanillu pitsaanerusunik pilersitsinissaq sulissutigaarput.

Maannakkorpiaq ilaatigut inuusuttunut 18-35-inik ukiulinnut akeqanngitsumik tarnikkut ikiueqqaarnermik suliniuteqarpugut, kiisalu suliniutit allat soorlu Life Skills aamma SPRINT ingerlataralutigit.

Suliniutinik ataqatigiissaarisumik ujartuivugut, suliniutit maanna ingerlasut ingerlaqqissinnaalersissinnaasaanik aammalu KRK-INUA-p siunissami sulinerata ineriartortinneqarneranut peqataasinnaasumik.

Atorfik pillugu

Suliniutinik ataqatigiissaarisutut suliassat assigiinngitsut akisussaaffigissavatit, ilaatigut suliniutinik ataqatigiissaarineq, attaveqaqatigiinneq, inuusuttut peqataatinneqarnerat kiisalu aaqqissuussinerit suliniutillu piviusunngortinnerat.

Suliassatit ilaatigut tassaassapput:

• suliniutinik aaqqissuussineritullu malinnaaneq

• inuusuttut tarnikkut ikiueqqaarnissaannik suliniummik ingerlatseqqinneq

• aaqqissuussinernik, pikkorissaanernik workshoppinillu pilersaarusiorneq piviusunngortitsinerlu

• inuusuttut, kajumissutsimik sulisut, suleqatit kiisalu avataani suleqatigisanik suleqateqarneq

• attaveqaqatigiinnermut, inuit attaveqaqatigiittarfiinut, ilisarnaatinut nittarsaassinermullu suliaqarnermi peqataaneq

• suliniutinik aaqqissuussinernillu nutaanik ineriartortitseqataaneq

• missingersuusiorneq aningaasartuutinillu malinnaaneq

• qinnuteqaasiortarnermut, uppernarsaatinik katersinermut nalunaarusiornermullu peqataaneq

• Kalaallit Nunaanni sumiiffinni assigiinngitsuni ataatsimiinnernut, ataatsimeersuarnernut suliniutinullu peqataaneq.

Atorfimmut atatillugu angalanissat naatsorsuutigineqassapput.

Illit pillutit

• inuusuttut pillugit sulinissamut soqutiginnittuusutit, inuusuttut inuunerat isiginnittaatsillu paasisaqarfigalugit

• attaveqaqatigiinnermi pikkorissuusutit inuusuttunullu soqutiginaatilinnik ingerlatitseqqiisinnaasutit

• inuit attaveqaqatigiittarfiinik atuinermik misilittagaqarlutit, nittarsaassinermillu ilisimasagaqarlutit iluaqutaassaaq

• aaqqissuussillaqqissuusutit namminersorlutillu sulisinnaasutit

• suliniuteqartuullutillu isumassarsianik piviusunngortitsisinnaasutit

• inuit assigiinngitsut akornanni attaveqarluartuusutit suleqateqarsinnaasutillu

• suliniutinik suliaqarnermik ataqatigiissaarinermillu ilisimasaqartutit

• tarnikkut peqqissuseq inuusuttullu atugarissaarnerat soqutigalugit

• NGO-nik imaluunniit inuiaqatigiinni suliniaqatigiiffinnik suliaqarnermik ilisimasaqartutit imaluunniit misilittagaqartutit, naleqqussarsinnaassuseqarlunilu

• aningaasaqarnermut tunngatillugu ataatsimut isiginnissinnaallutillu missingersuusiornermik aningaasarsiornermillu malinnaanermik misilittagaqartutit.

Inuusuttut, kajumissutsimik sulisut imaluunniit inuiaqatigiinni suliniaqatigiiffiit pillugit misilittagaqarfigisimagukkit iluaqutaassaaq.

Suliassat tamaasa ulloq siulleq naammassereersimanissaat piumasaqaataanngilaq. Pingaarnerpaavoq piumassuseqartuunissat, paasiniaarusussuseqarnissat ilinniarusussuseqarnissallu. Aaqqissuussamik sulineq, isumassarsiaqarsinnaaneq, suliniuteqarneq kiisalu inuit akornanni pitsaasumik attaveqarsinnaaneq pingaartippagut.

Neqeroorutigaarput

• Suliffik isumalimmik inuusuttut tarnikkullu peqqissusaat sammisaqarfigalugu

• Sapaatip akunneranut 35 tiimit sulineq

• Suliniutinik pissanganartunik ullutsinnullu attuumassuteqartunik suliaqarnissamut periarfissaq

• Ullormut suliassat assigiinngitsut, akisussaaffeqarlunilu namminersorluni sulinissamut periarfissaq

• Suliniutinik aqutsinermi, attaveqaqatigiinnermi NGO-nillu suliaqarnermi piginnaasanik ineriartortitsinissamut periarfissaq

• Suleqatit, inuusuttut kajumissutsimillu sulisut pimoorussisut qanillugit suleqatigineri

• Kalaallit Nunaanni sumiiffinni assigiinngitsuni inuusuttut peqatigalugit sulinissamut angalanissamullu periarfissaq

• Suliffik isumassarsianut, suliniuteqarnermut pimoorussinermullu pingaartitsisoq.

Paasissutissat pingaarnerit

Atorfinitsitsineq: 2028-p qeqqata tungaanut piffissamut killilikkamik atorfinitsitsineq, sivitsorneqarsinnaalluni
Sulinermi piffissaq: Sapaatip akunneranut 35 tiimit
Atorfinitsinneq: 1. december 2026 imaluunniit isumaqatigiissuteqarnikkut siusinnerusukkut
Qinnuteqarnissamut killiliussaq: 18. oktober 2026

Atorfik pillugu apeqqutissaqaruit allaffeqarfimmi aqutsisoq Betina L. Petersen attavigisinnaavat uunga krk@krk.gl imaluunniit oqarasuaat +299 531800.

Qinnuteqaat uunga nassiunneqassaaq: krk@krk.gl, kingusinnerpaamik 18. oktober 2026.

Tusagaqarnissarsi qilanaaraarput!