KTI Sisimiuni sulisoqarnermut siunnersortissarsiorpoq

KAALLIT NUNAANNI TEKNIKKIMIK ILINNIARFIK Sisimiuni sulisoqarnermut siunnersortissarsiorpoq

Kalaallit Nunaanni Teknikkimik Ilinniarfik (KTI) ilinniarfiuvoq ullutsinnut malinnaasoq piginnaaneqarfiulluartorlu. Atuarfik inuiaqatigiit pisariaqartitaat malillugit ineriartortuarpoq.

Sulisoqarnermut siunnersortitut immikkoortortaqarfimmi pisortaq qanimut suleqatigalugu KTI-mi sulisoqarnermut immikkoortortaqarfiup ingerlanneqarnerani ineriartortinneqarneranilu qitiusumik inissisimassaatit. Suliffimmi namminersortumi akisussaaffeqarfiusumilu suliffeqarfimmilu attaveqarluarfiusumi suliatigut inuttullu ineriartornissamut periarfissaqassaatit.

Illit akisussaaffitit pingaarnerit:

• Atorfinitsitsinermi soraarniuteqarnermilu allaffissorneq.

• Immikkoortortaqarfimmi aqutsisut suleqatigalugit sulisut nutaat allartilluarnissaannut, suliartornissamut suliunnaarnissaannullu allaffissorneq.

• Immikkoortortaqarfinni pisortat suleqatigalugit atorfiit inuttassarsiuunneqartut, atorfiit imarisaasa allattorsimaffiat suliarinissaat immaqaluunniit nutarternissaat.

• Atorfinitsitsinermut ataatsimiititaliami peqataaneq.

• Feeriarnissamut, erninermut allanullu aningaasarsiaqartitsisumik aningaasarsiaqartinneqanngitsumilluunniit sulinngiffeqarnissamut tunngatillugu suliaqarneq.

• Allaffissornikkut sulisut akissarsianut tunngatillugu apeqqutinut siunnersornerisigut siunnersuineq.

• Sulisunut ilitsersuusiaq allaffissornermilu periutsit nutartertarneri.

• HR-ip ukiumoortumik nalunaarusiaanik ikioqatigiinnikkut nutarterineq.

• Sulinermik isumaginninnermut avatangiisinullu ataatsimiititaliamut allattoqarfimmik sullissineq.

• Suliassanik aalajangersorneqanngitsunik suliassinneqartarneq.

Illit pillutit

Sulisoqarnermut allaffissornermullu tunngasunik ilinniagaqarsimavutit – pitsaassaaq sulisoqarnermut tunngasunik misilittagaqarnerit.

• Aaqqissuulluakkamik peqqissaartumillu suleriaaseqarnissat suliassallu arlallit ataatsikkut suliarisinnaallugit.

• Kiffartornermik pingaartitsisuussaatit, attaveqaqatigiilluartuullutit inunnullu allanut attaveqarluartuaannarlutit.

• Namminersorlutik Oqartussani atorfinitsitsinermut periutsit atortullu atorlugit sulisussarsiortarnermik ilisimasaqaruit iluaqutaassaaq.

• Suleqatigiinnikkut pikkorissuseqarlutit suleqatillu aqutsisullu oqaloqatigigaangamikkit tatiginnilersitsisartunik.

• Oqaatsitsinnik danskisullu oqalussinnaanissat.

Sisimiuni Nuummilu suliaqarnernut najuuttassagavit naleqqussarsinnaasariaqassavat.

Tunniussinnaasagut

• Ulluinnarni suliassat arlaqarsinnaapput, ilaatigut ingerlatsinermut ineriartortitsinermullu tunngasunik.

• Pitsaasunik avatangiiseqarneq.

• Pisortat suleqataallu tunniusimasut qanimut suleqatiginissaat.

• Inuttut piginnaaneqarnerup ineriartortinnissaanut periarfissaqarluarneq.

Paasissutissat allat

Piumasaraarput atorfik qaammatini pingasuni misiliutaaqqaassasoq.

Atorfik pillugu paasisaqarnerorusukkuit sulisoqarnermi pisortaq Taatsi Fleischer, tafl@kti.gl imaluunniit +299 86 16 18 attaveqarfigisinnaavat.

KTI pillugu – inuussutissarsiutinut ilinniarfik Ilinniarnertuunngorniarfillu.

KTI ilinniarfiuvoq 150-it missaani sulisulik, Nuummi Sisimiunilu ilinniarfilik ukunani fagini Saviminilerinermi Ilinniarfik, Sanaartornermik Ilinniarfik, Aatsitassalerivik, Oqaatsinik ilinniarfik, Ilinniarnertuunngorniarfiit GUX, e-GUX, Nordatlantiskimi ilinniarnertuunngorniarfik aammalu ingeniørinut maskinmesterimullu ilinniarniaraanni pikkorissarfiit.

KTI-p Danmark-imi Teknikkikkut Ilinniarnertuunngorniarfiit ingerlatsinerit suleqatigiiffigai ARCTIC – DTU ingeniøritut ilinniarfiit marluk aammalu Maskinmesterimut ilinniarfiit Teknika.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job