Majoriaq Nuuk suliffissarsiuussisarnermi aqqutissiuussinermilu suleqatigiinni aqutsisoq

Kommuneqarfik Sermersooq pikkorissumik tunniussimasumillu Majoriaq Nuuk suliffissarsiuussisarnermi aqqutissiuussinermullu immikkoortortami, maanna suliatigut ineriartortitsiffiuleruttortumi suleqatigiiaanut piaarnerpaamik sulilertussamik Aqutsisussarsiorpoq, taamaalilluni aqutsisunngortussaq ineriartortitsinermik ingerlatitseqqinnissami peqataalissalluni. Atorfininnissaq kissaatigineqarpoq 1. juli 2026 pissasoq imaluunniit tamatuma kingorna piaarnerpaamik.

Atorfik Kommuneqarfik Sermersuup Isumaginninnermut Suliffeqarnermullu Ingerlatsiviani inissisimavoq, tassani Majoriaq Nuummi pisortaq pingaarnertut aqutsisuuvoq.

Suliffissarsiuussisarnermi aqqutissiuussinermullu immikkoortortami suliassat pingaarnerit suliffissanik innersuussisarneq, suliffissarsiortunik nalunaarsuineq, suliffissarsiortunut piginnaasanik qaffassaataasunik pikkorissaaneq, suliffissanik innersuussineq, suliffissarsiortunik sulisitsineq, ujartuilluni inuusuttunik aqqutissiuussineq, suliffeqarfinnut attaveqarneq, avataaneersunik sulisussanik atorfinitsitsinissamut qinnuteqarneq, nuunnissamut aningaasaliisoqarnissaanik qinnuteqarneq, suliffeqanngikkallarnermi ikiuutisinissamut qinnuteqaasiornerit, suliffissarsiortut piginnaasaannik qulaajaaneq, piginnaanngorsaaneq naleqqussakkamillu sulisitsineq, siusinaartumik pensionisiaqartut førtidspensionisiaqalernissamillu qinnuteqartunik sulisinnaassusaannik nalilersuinerit tamatumani aamma aqqutissiuussilluni kajungilersitsiniaallunilu ingerlatsinerit.

Majoriami sulisut tamarmik naleqartitat tunngavigalugit sulisarput, taamaattumillu atorfiup qinnuteqarfigineqarnerani qinnuteqartut tamarmik naleqartitat makku malillugit sulerusussasut naatsorsuutigineqarpoq:

·Suliamut ilisimasaqarluarneq– fagimi pisinnaasaqarluarnissaq 

·Inuiaqatigiinnut isiginnittaaseq– najukkami inuiaqatigiinnik paasinninnissinnaaneq 

·Naammassinninneq – suliassat pitsaasumik naammassinnissinnaaneq

·Ataatsimut isiginnissinnaaneq – Majoriaq ataatsimut isiginnissinnaaneq 

·Periusissiaq – anguniagassanik aalajangersaasinnaaneq

·Attaveqatigiinneq – oqaloqatigiinnissamut peqataasinnaaneq

·Ineriartorneq – inunnik, suleriaatsinik aammalu aaqqissuussaanermik ineriartortitsineq 

·Siunnersuineq – suliassap pingaarnerup iluani piginnaasaqarluartumik sulineq

Majoriami aqutsisutut suliassarivat suliniuteqaqataaffigissavat inuusuttut inersimasullu sulilernissaminnut ilinniagaqalernissaminnullu kajumissuseqalersinniarnissaat.

Atorfimmi suliassat:

·Suleriaatsit sullissisarnerullu aaqqissuunneqartarnissaannik malinneqartarnissaannillu qulakkeerinninnissaq

·Kisitsisitigut paasissutissiornissamut atugassanik nalunaarsuisarnissamik qulakkeerinninnissaq

·Sulisut siunersiueqatigiittarnerullu inerisarneqarnissaannik qulakkeerinninnissaq

·Sulisut piginnaasaannik qaffassaaqataanissaq

·Majoriaq Nuummi aqutsisut allat suleqatiginerinut peqataanissaq

·Suliffeqarfiit attavigisartakkat ilinniartoqarfiillu suleqatiginerinut peqataanissaq

·Kommunimi ingerlatsiviit allat suleqatiginissaat

·Sulianik politikkikkut ataatsimiititaliamut saqqummiussassanik suliaqarnermi peqataanissaq

·Sulianik tassanngaannaq takkuttunik suliaqaqataasinnaassuseqarnissaq 

Naatsorsuutigisat:

·Inunnik isumaginninnerup iluani ilinniagaqarsimasuunissat

·Aqutsinermik misilittagaqartutit

·Isumaginninnermut, ilinniartitaanermut suliffeqarnermullu tunngasuni inatsisinik ilisimasaqartutit

·Missingersuusiornermik naatsorsuusiornermillu ilisimasaqartutit

·Pitsaasumik angusaqarusuttuusutit sunniuteqarluarusuttuusutillu

·Pisuni qanoq ikkaluartuni malinnaasinnaasutit akerleriinnerillu aaqqiivigisinnaagitit

·Aaqqissuussinermik piginnaasaqarluartutit

·Aallarnisaasinnaasutit isummersuisinnaallutillu

·Inuit naligalugit ataqqillugillu naapittaritit aamma akuersaarnartumik aqutseriaaseqartutit

·Suliffeqarnermut tunngasutigut kissaatigisanik pisariaqartitanillu qulaajaanermut peqataasinnaasutit

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Neqeroorutigaavut:

Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq suliffeqarfimmilu angisuumi ineriartortinneqartuartumi allanngorartuartumilu annertuumik akisussaassuseqarfiusoq. Suliffimmut suliffeqarfimmullu iserluartinneqarnissaq pingaartipparput aamma aqutsisut qanimut immersoqatigiiffigalugit suleqatigilluartarnissaq kiisalu aallartitsinissamut nutaaliornissamullu inissaqartitsinissaq anguniartuarparput. Aqutsisutut ilinniagaqarnissamut periarfissaqassaaq.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Fagchefi Bea Mølgaard Lennert, oqarasuaat +299 36 81 35 imaluunniit e-mail: bmle@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 449-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: maajip 17.-at, 2026