Målertekniker assistent

Namminersuutigalugu sullarippit, aammalu pisoqarfinni ulapaarfiusuni ataatsimut isiginniffimmik attataqarsinnaavit?

Nuummi Nukissiorfiup pisariaqartippaatit. Pissarsiarissavatit ullut suliffiit pissanganarlutillu tamaviaarnartut, tassanilu suliassamik iluarsiineq aallartinneranit naanissaanut suliaqarfigalugu ilaaffigisassavat.

Suliassatit pingaarnerit tassaassapput

• Nukissiorfiit suliaqarfiata iluani aaqqiissutinik uuttortaatinik nalunaarsuinerit, aamma ivertiterinerit.
• Atuisartut nutaat pilersittarneri, ivertitsinermut immersugassat il.il.
• Ulluni tamani ivertitikkat ataqatigiissaarniarlugit ivertiterisunik attaveqartarnerit.
• Allaffimmi toqqorsivimmilu iluserisamik aaqqissuussinermillu isumaginninneq.
• Uuttortaasarnermik immikkoortoqarfimmi allaffissornermi suliassanik isumaginninneq.
• Uuttortaatinik teknikerimik suleqateqarluni innaallagissamut uuttortaatinik ivertiterinerit.
• Ingerlatsinermi suliassanik iluarsiinerit, aamma ingerlatsivinnik aserfallatsaaliuinerit, kiisalu biilinut sarfalersuutinut nittartakkamik nakkutiginninneq.

Suliassat allat pissanganartorpassuit naatsorsuutigisinnaassavatit. Ilinniartitaaneq qulakkeerparput, ineriartornissamullu periarfissatsialaat ilanngullugit. Ilinniartitaareernerup kingorna suleqatitit peqatigalugit pigaartuunermut aaqqiissummi aamma ilaalissaatit.

Suut naatsorsuutigisinnaavigit?

Tassaalissaatit suleqatit ajornaasaartut pikkorissullu peqatigalugit suleqatigiinni ilaalersoq. Uagutsinni ullut suliffiit suliaqartartukkuutaat immikkoortoqarfiillu killeqarfii qaangerlugit suleqatigiiffigisavut naatsorsuutigisinnaavatit. Tamaaniipput suliassat assigiinngiiaartorpassuit, aammalu suleqatit assigiinngitsunik tunuliaqutaqartut. Nukissiorfiit tassaavoq suliffeqarfik savitooq, tamaanilu sulianut tunngasunut inummilu ineriartortitsineq pingaartuutippavut.

Ujarpatsigit imatut ittutit

• Suliartortuartartoq, sulinermigut ileqqorissaartoq, isumagissaartorlu.
• Nalinginnartut atuisartutut qarasaasianik atuinermik sungiussisimasoq, Microsoft Officemik ilisimasalik.
• Pisoqarfinni ulapaarfiusuni aalassatsitassaananilu ataatsimut isiginniffimmik attassisinnaasoq.
• Ajornanngippat ingerlatsinermi kukkussutinik ujaasisarnerup aserfallatsaaliuisarnerullu iluini misilittagalik.
• Uuttuutinik teknikkerisap iluani misilittagaqarneq imaluunniit ilinniagaqarsimaneq iluaqutaassaaq, piumasaqaataanngilarli.
• Biilersinnaanermut allagartalik.

Sulerusussuseqassaatit, aamma suliannik pimoorussaqarlutit. Suliassatit namminersuutigalugit naammassisarpatit. Tamanna ataatsimut isiginniffitsialammik, aammalu pissusissaminik malinnillaqqinnermik piumasaqartitsivoq. Immitsinnut assut tatigalugu sulisarpugut, taamaattumillu illit akisussaaffimmik tigusaqarnissat, aammalu suliarisanni torersuulluartuunissat pingaaruteqarput.

Sapinngisamik piaarnerpaamik, imaluunniit isumaqatigiissuteqarnikkut atorfininneq.

Atorfinitsitaanermi atugassarisat

Isumaqatigiissut attuumassutilik aamma atuuttoq najoqqutaralugu aningaasarsiaqarneq, atorfinitsitaanerlu. Qaammatini pingasuni misilitsiffeqarpoq.

Sulisumut inissiamik atugassiisoqanngilaq.

Malittarisassiat atuuttut najoqqutaralugit atorfininnermi soraarnermilu angalanerit akilerneqarput.

Atorfimmut tunngasunik paasisaqarnerorusukkuit una attavigineqarsinnaavoq:

Suliassat akisussaaffigisassarlu atorfik pillugit annerusumik paasisaqarusukkaanni Teamleder for Målerafdelingen Thomas Corell Lundberg attavigineqarsinnaavoq emailikkut: TLUND@nukissiorfiit.gl imaluunniit oqarasuaammut: (+299) 589250.

Nukissiorfiit pillugu

Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamik, imermik kiassarnermillu nioqqutigisatta 70 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik pisumik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Uagut pilluta uani annermik atuagassaqarpoq: www.nukissiorfiit.gl

Qinnuteqarnissamut killissarititaasoq: juunip 11.-at, 2025

Atorfik una qinnuteqarfigiuk