Manager for cargo operations

Air Greenland Cargo nassiussalerinermut Manager-imik, ajornanngippat piaartumik imaluunniit isumaqatigiissuteqarnikkut atorfinissinnaasumik pissarsiorpoq.

Manager-ip nassiussat allakkallu akileriikkat sapinngisamik pitsaanerpaamik passunneqartarnissaat qulakkiissavaa. Tamatuma saniatigut Manager-ip nassiussaleriffiit aqussavai, taakkununnga suliassat teknikkimut, sullissinermut isumannaallisaanermullu tunngasut suliassaqarfimmut maleruagassatut aalajangersakkat naapertorlugit suliarineqartarnissaat ilaatinneqarlutik. Manager-ip Manager Ground Handling susassaqarfigissavaa.

Suliassat pingaarnerit:

- Nassiussalerinermi allakkerinermilu suliaqarfiup tuniniaavik qanittumik suleqatigalugu patajaatsumik ingerlanneqarnissaanik qulakkeerineq.

- Nassiussanut allakkanullu piffissamik eqquisarnermik qulakkeerineq.

- Usilersuisarnermi isumannaallisaanermik isumannaallisaanermilu ulorianartorsiorfiusinnaasumik akisussaassusilimmik aqutsineq.

Suliassat pingaannginnerusut:

- Suliffeqarfimmi nassiussalerinermut malitassanut akisussaassuseqarneq, aammalu malitassat attuumassutillit allat malinnaatinneqarnissaannut ikiuunneq/tapertaaneq.

- Immikkoortortaqarfimmi pisariaqartitsineq malillugu piginnaaneqarfiit eqqortut pigineqarnissaannik qulakkeerineq.

- Suliffeqarfimmi immikkoortortaqarfinnut allanut ataqatigiissaarineq.

- Kiffartuussinermi, pitsaassuseqartitsinermi ingerlasussanillu piareersaanermi aaqqiisarnermilu aaqqiissutissat pillugit atuisunik angisuunik nassiussalerisunillu ataatsimeeqateqartarneq

- Nassiussalerinermi oqartussaasunut attaveqartarneq

- Immikkoortortaqarfiit sullissisuusut, immikkoortortaqarfiit niuernermik tunngaveqartut kiisalu oqartussaasut allat suleqatigineqarnerini ingerlaavartumik ineriartortitsineq

- Missingersuusiorneq malinnaanerlu

- Sulisut iluarisimaarinninnissaannik qulakkeerisarneq

- Safety-mut malitassat malillugit isumannaallisaanermut akisussaasuuneq.

Ukununnga pisinnaasaqarnissat aamma/imaluunniit piginnaasaqarnissat naatsorsuutigaarput:

• Attuumassutilimmik ingerlaqqiffiusumik ilinniagaqarneq, soorlu silaannakkut nassiussanik nassiussalerisutut

• Niuernermik ilinniarfimmit soraarummeersimaneq imaluunniit Aircargo-mi assigisaaniluunniit Airline-mut ilinniarsimaneq

• Nassiussalerinermi sullissinermut, kiisalu nassiussalerinermut malitassanik arlalinnik atuisinnaassuseqarneq

• Sulisut akornanniissinnaassuseqarluarneq

• Kalaallisut, danskisut tuluttullu oqaluinnarluni, taamatullu allakkatigut ingerlatseqqinnissamut oqaasiliornissamullu piginnaasaqarluarneq

• Amerlasuunik attaveqarfeqarsinnaasoq attaveqaateqarluartorlu

• Minnerpaamik Officed-pakken aamma windows il.il. atorlugit IT-mik atuisarnermik sungiussisimasoq.

Neqeroorutigaavut:

Suliffeqarfimmi uummaarissuimi immikkoortortaqarfimmi pissanganartumi atorfik unammillernartoq, inuttut suliatigullu ineriartornissamut periarfissaqarluartoq.

Atorfimmi inunnut ataasiakkaanut piumasaqaatit naapertorlugit akissarsiaqartitsineq. Tassunga ilaqutariit ukiumoortumik sulinngiffeqarlutik angalanerannut akiliussisarneq, kiisalu sillimmasiissutit pilerinartut, ilaatigut piffissaq tamakkerlugu ajutoorsinnaanermut, ataatsimut inuunermut napparsimmavissuarmiinnermullu sillimmasiissutinik ilaqartut ilaatinneqarput.

Paasissutissat annertunerusut Manager Ground Handling Kunuunnguaq Heilmann Overgaard-imut, mail-imut: KHV@airgreenland.gl attaveqarluni pissarsiarineqarsinnaapput.

Assigiinngisitaarneq

Akuutitsiniarluni sulisussarsiornissamut qulakkeernissamut immitsinnut pisussaaffilerpugut, aammalu tamanut qanorluunniit tunuliaqutalinnut qinnuteqarnissamut kaammattuilluta. Takunnissinnaanerit, misilittakkatigut tunuliaquttat kulturillu assigiinngisitaarnissaat pingaartipparput, aammalu sulisut pikkorissut, inuunerminni assiginngitsunik misilittagallit Kalaallit Nunaata kivinnissaanut anguniagaqarnitsinni pingaaruteqarnerat upperaarput.

Pinerluuteqarsimannginnermut uppernarsaat: Oqaloqatigiinnissamut aggersaanitsinni piumasaqaatit malillugit minnerpaamik pinerluuteqarsimannginnermut uppernarsaatip atuuttup assilinera nassarneqassasoq naatsorsuutigaarput.

Qinnuteqarnissamut killissarititaasoq: novembarip 4.-at, 2025

Atorfik una qinnuteqarfigiuk