Maniitsumi Ilinniartitaanermut pisortaq

Ilinniartitaanermi immikkoortortaq makkuninnga imaqarpoq; meeqqat atuarfii, meeqqeriviit, Qeqqani MISI, Majoriaq kiisalu kultureqarnermut sunngiffimmilu sammisanut immikkoortortaq.

Aaqqissuussami eqaatsumi akimortunik ataqatigiittunillu suliniutinik Ilinniartitaanermut pisortaq pingaartitsissasoq aammalu meeqqat atuarfiani assigiinngissitaartumik atuartitsinermik, oqaatsinik, atuarfik-angerlarsimaffik suleqatigiinnermik inerisaanissamut kiisalu immikkoortumi akimortumik aqutsinermut ineriartortitsinissamik qulakkeerinissamut peqataanissaa kissaatigaarput.

Suliassat akisussaaffiillu:

• Ilinniartitaanermut immikkoortortap aamma suliffissarsiuussisarfiup sunngiffimmilu immikkoortortap iluani politikkikkut allaffissornikkullu anguniakkanik tigussaasumik suliniutinngortitsinissamut pilersitsinissamullu qulakkeerinninneq
• Sulisunut innuttaasunullu pitsaassutsip kiffartuussinerullu qaffasissusaata nukittorsarnissaanut qulakkeerisumik ulluinnarni ingerlatsineq aqutsinerlu
• Meeqqat atuarfiini suliniaqarfinni ineriartortitsinissamut suliaqarnermut peqataaneq, matumani ilinniartitaanermut immikkoortortaq tamat suleqatigalugu KIVITSISA-mik ineriartortiteqqiineq,
• Immikkoortumi tamarmi inerisaasoqarnissaanik qulakkeerineq, matumani kommunimi MISI, Meeqqeriviit, Majoriaq kiisalu sunngiffimmi kulturikkullu suliniutit ilanngullugit.
• Sulisut atugarissaarnerinik avatangiisiinillu qulakkeereqataaneq
• Kiisalu missingersuutit aningaasaliissutitut killiliussat iluaniitinneqarnissaannut qulakkeerineq aammalu Ilinniartitaanermut ataatsimiititaliamut saqqummiussassanik ataqatigiissaarineq kiisalu ataatsimiititaliami ataatsimiinnernut peqataaneq

Piginnaasat:

• Ilinniartitaanerup perorsaanermilu aqutsisuunermi suliatigut pitsaasumik misilittagaqartutit.
• Ilinniartitaanerup meeqqat atuarfeqarfiinnilu suliatigut pitsaasumik misilittagaqartutit.
• Ilitsoqqussaralugu paasisimasaqarluartoq eqeersimaartorlu. Aqutsisoq ersarissoq
• Suleqateqallaqqissuusutit avatangiisinillu sunniisinnaassuseqartutit
• Ilinniartitaanermut immikkoortortap meeqqat atuarfeqarfinnillu ineriartortinnissaanut misilittagaqartutit imaluunniit sapiissuseqartutit
• Marluinnik kultureqarluni avatangiisilimmi anguniagalimmik sulisinnaassuseqartutit
• Aningaasaqarnikkut aqutsinermut ilusilersuinermullu misilittagaqartutit
• Ajornanngippat arlalinnik oqaaseqartuussasutit, kalaallisut, qallunaatut tuluttullu

Ilinnut neqeroorutigisinnaasavut:

• Suliffik pissanganartoq unamminartorlu
• Suliffeqarfik uummaarissoq ulluinnarni unamminartorpassualik
• Suleqatit nuannersut

Akissarsiatigut atorfinitsitsinermilu atugassarititaasut:

Akissarsiat atorfeqartitaanermilu atugassarititaasut, Naalakkersuisut kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.

Atorfininneq pissaaq 1. april 2026, imaluunniit isumaqatigiinnikkut.

Atorfik pillugu paasissutissat annertunerusut Kommunimi pisortaaneq Hans Christian Sværd oqarasuaat (+299) email: hcsv@qeqqata.gl saaffiginninnikkut pissarsiarineqarsinnaapput.

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik, pineqaatissinneqarsimannginnermut uppernarsaat ilanngullugu nassiunneqassaaq.

Qinnuteqaat:

Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.

Imatut qinnuteqassaatit:

Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.

Malugiuk:

Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.

Qinnuteqarnissamut killissarititaasoq: marsip 30.-at, 2026