Maniitsumi Meeqqanut Ilaqutariinnullu pisortamut tullersortimik pissarsiorpoq

Qeqqata Kommunia Atugarissaarnermut Immikkoortortami, Meeqqanut Ilaqutariinnullu pisortap tullersortissarsiorpoq

Ulloq atorfiniffissaq: 1.Juli. 2026 isumaqatigiissuteqarnikkulluunniit.

Atugarissaarnermut Immikkoortortaqarfimmi Meeqqanut Ilaqutariinnullu immikkoortumi pisortap tullia.

Meeqqat ilaqutariillu atugarissaarnerulernissaat pilerseqataaffigerusussuseqarfigaajuk? Kommunimi nunatatigut immikkuullarissumi inuiaqatigiinnilu ineriartortuni allanngueqataarusussuseqarpit? Kommunimi Meeqqanut Ilaqutariinnullu immikkoortup iluani tullersortitut atorfik pingaaruteqarluinnartoq ukioq mannalu pilersinneqaqqarnikuusoq kajumissuseqartumik pilersaarusiullaqqissumillu Qeqqata Kommunianit inuttassarsiuunneqarpoq.

Qeqqata Kommuniani atugarissaarnermut immikkoortup ineriartortinnerani tullersortitut qitiullutit suleqataassaatit, matumani Meeqqanut Ilaqutariinnullu immikkoortup iluani ineriartortitsineq ilanngullugu, ilaatigut illoqarfiit nunaqarfiillu akimorlugit pilersaarusiukkamik aalajangiinerit suleqatigiinnerillu nukittorsakkat peqataaffiginissaannut periarfissaqassallutit. Qaninnertut suleqatigisassat tassaavoq Meeqqanut Ilaqutariinnullu immikkoortumi fagchefi kommunip allaffeqarfiata Meeqqanut Ilaqutariinnullu immikkoortuani sulisunut 18-inut kiisalu kommunip ilaqutariinnik sullissiviinut, kommunip meeqqanut inuusuttunullu ulloq unnuarlu paaqqinnittarfiinut, angajoqqaarsianut kiisalu meeqqat ornittagaannut akisussaasuusoq. Sulianut ilisimasaqarneq, aningaasatigut malinnaasinnaaneq aamma Meeqqanut Ilaqutariinnullu immikkoortumi suleriaatsit nalimmassarnissaat fagchefi qanimut suleqatigalugu qulakkiissavatit – tamaasa kommunimi innuttaasut pitsaasumik ataavartumillu allannguiviginissaat qitiutillugit.

Pisortamut tullersortitut akisussaaffik aamma suliassat pingaarutillit

Atorfeqarnermi fagchefimik qanimut suleqateqarnermi pingaarnertut akisussaaffeqarfigisat:

1. Pilersaarusiorluakkamik aqutsineq

• Meeqqanut Ilaqutariinnullu immikkoortumut pingaarnertut periusissiap atuutilersinnissaa ineriartortinneqarneralu.
• Kommunip illoqarfii marluusut nunaqarfiilu arfiniliusut akimorlugit sulisut akornanni sulianut ilisimasaqarnerup aamma suleriaatsit nalimmassarnissaasa qulakkeerinneqataaffigineri.

2. Aningaasaqarnermi aqutsineq nakkutilliinerlu

• Meeqqanut Ilaqutariinnullu immikkoortumi aningaasaqarnikkut aqutsineq aamma missingersuutit qaangiinnginnissaannik qulakkeerinneqataaffigineri.
• Ingerlatsinermik, sulisunik immikkoortortanik avataaniittunik soorlu ilaqutariinnik sullissivinnik, meeqqat ornittagaannik, angajoqqaarsianik kommunillu nakkutilliineq.

3. Qinikkat allaffeqarfiullu suleqatigiinnerat

• Atugarissaarnermut ataatsimiititaliamut Kommunalbestyrelsimullu sulianik saqqummiussiissutiliorneq taakkulu pitsaassusaannik qulakkeerinneqataaffigineri.
• Kommunip immikkoortortaqarfii sulisuilu assigiinngitsut akimorluni suleqatigiinnerup qulakkeerneqarnissaata ingerlannissaallu.

4. Sulisunik aqutsineq

• Sulisut 64-it akisussaaqataaffigalugit, matumani kommunip allaffiani 18-it immikkoortortanilu avataaniittut 46-t. Fagchefi matumani akisussaaffia qaffasinnerpaavoq.
• Oqaloqatigiinnikkut, erseqqissumik aqutsinikkut akisussaaffeqartumillu kiffaanngissuseqarnikkut sulisut sulianut ilisimasaqarnerulernerat.
• Aqutsisut sulisullu ataatsimiinnissaannut ataatsimiigiaqqusisussaatitaaneq
• Fagchefip sulinngiffeqarnerani imaluunniit allatigut ullut 15-it sinnerlugit sulinnginnerani paarlattaasutut sulinissat.

5. Suliatigut akisussaaffik.

• Illoqarfiit nunaqarfiillu akimorlugit ataqatigiissakkanik siunnerfilinnillu suliniutinik suliaqarneq.
• Meeqqanut Ilaqutariinnullu immikkoortumi inatsisip malinneqarnissaanik qulakkeerineq.
• Qinikkat anguniakkatut akuerisaannik atuutilersitsinermik qulakkeerineq.
• Atugarissaarnermut ataatsimiititaliamut sulianik saqqummiussassat pitsaassusaasa qulakkeerneri

6. Ineriartortitsineq aamma aaqqissuusseqqinneq

• Atugarissaarnermut immikkoortup aaqqissuuteqqinneqarnerata suliarineranut ikiuunneq.
• Meeqqat ilaqutariillu pitsaanerusumik atugassaqarnissaat qulakkeerniarlugu Meeqqanut Ilaqutariinnullu immikkoortup ataavartumik ineriartortinneqarnera.

7. Illup iluani avataanilu suleqatigiinneq:

• immikkoortup immikkoortortaqarfiinik allanik akimorlugu suleqateqarneq; Utoqqarnut Inunnullu Innarluutilinnut immikkoortoq, Pisortaanerup sulisuisa pisortaata immikkoortua Qeqqatalu Kommuniani suliffiup iluani immikkoortut allat kiisalu suliffiup avataani suleqatigisartakkat

Piumasaqaatit aamma piginnaasat

• Ilinniagartuujunermik ilinniagaqarneq imaluunniit isumaginninnerup iluani assingusumik soorlu isumaginninnermik siunnersortitut ilinniagaqarneq.
• Pisortani aqutsinermik uppernarsarneqarsinnaasumik misilittagaqarneq, matumani aningaasaqarnikkut aqutsineq suliniutinillu aqutsineq ilanngullugit.
• Isumaginninnerup iluani matumani Meeqqanut Ilaqutariinnullu immikkoortup ilua ilanngullugu inatsimmik ilisimasaqarneq.
• Pilersaarusiukkanik, siunnerfilinnik tamakkiisumillu isiginnittaaseqarnermik sulisinnaanermik piginnaasaqarneq.
• Kalaallisut qallunaatullu attaveqaqatigiinnikkut piginnaasaqarluarneq kiisalu kalaallit inuiaqatigiivini atukkat kulturikkullu pissutsit paasisimasaqarfigineri pitsaaqutaassapput.

Inuttut piginnaasat:

• Oqaloqatigiinnernut suleqatigiinnernullu siuarsaataasumik ataqqinnittumik kajumissuseqarluartumillu aqutseriaaseqarneq.
• Suliat imaannaanngitsut eqaatsumik iluarsiiviginissaannillu eqqarsaateqartumik siunertaqarneq.
• Suliffiup avatangiisai pitsaasut ilikkagaqarnissamik inissaqartitsinikkut pilersissinnaaneri attatiinnarsinnaanerilu pikkoriffigalugit.
• Sulisunik kajumissaarinermik pikkoriffeqarneq

Akissarsiat atorfinitsitaanermilu atugassarititaasut:

Akissarsiaqarnermi atorfeqartitaanermilu atugassarititaasut Naalakkersuisut aamma kattuffiup isumaqatigiissuteqarsinnaatitaasup akornanni isumaqatigiissutit atuuttut naapertorlugit aaqqinneqassapput. Malittarisassat atuuttut naapertorlugit inissaqartitsisoqassaaq, aamma atorfininnermi soraarniuteqarnermilu angalanissat kiisalu pequtit nuussorneqarnissaat sivikinnerpaamik ukiuni pingasuni atorfeqarnissaq malillugu akiliussisoqassaaq.

Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni.

Pineqaatissinneqarsimannginnermik uppernarsaat:

Atorfik una meeqqanut pinerlisimannginnermut kiisalu pineqaatissinneqarsimannginnermut allagartamik paasiniaanissamut inatsisitigut pisussaatitaavoq.

Inatsit naapertorlugu kommuni pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerlussimannginnermik allagartaq politiinit tigoreernerata kingorna.

Atorfik pillugu paasissutissat sukumiinerusut Meeqqanut Ilaqutariinnullu Pisortamut Katrine B. Davidsen oqarasuaat 86 73 89 email: kbbr@qeqqata.gl atorlugit saaffiginninnikkut pissarsiarineqarsinnaapput, imaluunniit Atugarissaarnermut Pisortaanermut Paneeraq Olsen oqarasuaat 867303 email: pnol@qeqqata.gl

Qinnuteqaat:

Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.

Imatut qinnuteqassaatit:

Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.

Malugiuk:

Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.

Qinnuteqarnissamut killissarititaasoq: maajip 22.-at, 2026