Materialgådenimut allaffissornermi suleqataasoq

Aqquserngit ukioq kaajallallugu aqqutigineqarsinnaanissaannut isumannaatsuunissaannullu immikkoortumi qulakkeerinnittartunut ilaarusuppit? Aqqusinilerisarnermi aputaajaasarnermilu suliassanut tunngasunik suleqatigiinnik ikorfartuisinnaasumik aaqqissuussilluarsinnaasumik allaffissornikkullu kiffartuusserusussuseqartumik pissarsiorpugut.

Kommuneqarfik Sermersooq Nuummi Sanarfinermut Avatangiisinullu Ingerlatsiviup ataaniittumi Materialegårdenimi eqeersimaartumik allaffissornermi suliaqartussamik pissarsiorpoq. Immikkoortortami naatsorsuuserinermik allaffissornermik suliassanik ilisimasalimmik inuttullu ammasumik pissarsiorneq. Atorfik piaarnerpaamik imaluunniit isumaqatigiissuteqarnikkut inuttalerniarneqarpoq.

Materialegårdenimi allaffissornermik sulialittut ilaatigut suliassanik ukuninnga suliassaqassaatit:

∙Innuttaasunit suleqatigisartakkaniillu saaffiginnissutinik isumaginninneq.

∙Suliakkiissutinik, atortussanik atuinernik aamma piffissamik nalunaarsuisarnernik nalunaarsuineq malinnaaffiginninnerlu.

∙Asfaltilersuinermik sulianik akiligassaliorneq.

∙Tiiminut allattuivinnik akissarsialerivimmut ingerlateqqitassanik suliaqarneq.

∙Allaffissornermi suliassat, soorlu akiligassaliorneq, pisiniarneq isumaqatigiissutinillu aqutsineq.

∙Akiligassiissutinik allattuineq

∙Ingerlatsinermi aqutsisoq ingerlatsinermilu ikiorti sinnerlugit suliffeqarfiup avataani suleqatigisartakkanut inniminniinerit.

∙Suliassat takkussuuttut nalinginnaasut

Piginnaasaqarfigisassatit:

∙Tassunga assingusumik suliffeqareersimaninnit allaffissornikkut misilittagaqarluarneq

∙Suliatigut tunniusimasoq siuttuusorlu

∙Namminersorluni, akisussaassuseqarluni kiffartuussisinnaallunilu sulisinnaasoq

∙Pitsaasumik ingerlatitseqqissinnaasoq

∙Qarasaasiamik atuinissamik ilisimasaqartutit

∙Aalajaatsoq, tatiginartoq qiimasorlu

∙Tulleriiaarisinnaassuseqarneq, aaqqissuussaasumillu sulisinnaaneq

∙Qallunaatut kalaallisullu oqaatsitigut allattariarsornikkullu pitsaasumik piginnaasalik, piumasaqaataanngilarli

Ilinnut neqeroorutigisinnaasavut:

∙Suliffik soqutiginartoq, aamma assigiinngiiaartunik namminersorluni piginnaasatigut ingerlatsineq, aamma akisussaaffilik.

∙Ingerlatsivimmi immikkoortut allat suleqatigalugit

∙Pikkorissunik piumassuseqarluartunillu suleqateqarlutit suliffimmi suleqatigiilluarneq.

∙Suliatigut inuttullu ineriartornissamut periarfissat pitsaasut.

∙Kommunimi annertuumik ineriartortinneqartumi atorfik unamminiarnartulik

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Immikkoortortami aqutsisoq Samuel Grillich, oqarasuaat +299 36 74 71 imaluunniit e-mail: sagr@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 79-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: februaarip 16.-at, 2026

Atorfik una qinnuteqarfigiuk