Meeqqanut Atuarfeqarnermullu Ingerlatsivik AC-fuldmægtiginik pissarsiorpoq

Meeqqanut Atuarfeqarnermullu Ingerlatsivimmi AC-fuldmægtiginik pikkorissunik kajumissuseqarluartunillu januarip aallaqqaataani 2026-mi isumaqatigiissuteqarnikkulluunniit atorfinittussamik Kommuneqarfik Sermersooq pissarsiorpoq. Atorfik Stabimiippoq qaninnertullu qullersarineqarpoq stabschefi.

AC-fuldmægtiginik allaffimmioqatigiinni sulinermik aamma suliassanik arlalinnik suliaqartussanik pissarsiorpugut. Suliniutinik suliniutinillu aqutsinermik misileerusuppit? Missiliuinernik misissueqqissaarnernik immikkoortunulluunniit pilersaarutinik suliaqarnermik aamma misileerusuppit? Nammineerlutit suliaqarnermik aamma suliniutit/suliassat aallaqqaataaniit naammassinissaasa tungaanut namminersuutigalugit sulinermik soqutigisaqaqatigiillu assigiinngitsut pillugit ataqatigiissaarinermik, peqataatitsinermik suleqateqarnermillu nuannarisaqarpit? Taamaassappat illiusimassaaq ingerlatsivimmit sulisussatut ujartorneqartoq. AC-fuldmægtigit allat suliaminnut pimoorussilluinnartut allaffeqatigissavatit, taakkulu suleqatigalugillu siunersiueqatigisassavatit.

Meeqqanut Atuarfeqarnermullu Ingerlatsivimmiipput Atuarfeqarnermut MISI-mullu (Meeqqanut Inuusuttunullu Siunnersuisarfik) immikkoortortaqarfik, Meeqqeriveqarnermut immikkoortortaqarfik, Sammisassaqartitsinermut Kulturimullu immikkoortortaqarfik, Ineriartortitsinermut, Peqqinnermik Siuarsaaneq Pitsaaliuinermullu Immikkoortortaqarfik, kiisalu Stabi. Aningaasaqarneq missingersuutillu, suliassanik saqqummiussinerit politikkikkut oqaluuserineqartussat, suliniutit ataqatigiissarneqarneri, pisariaqartitsinerup misissuiffigeqqissaarneqarnera il.il. stabimit akisussaaffigineqarput. Immikkoortortaqarfimmi suliffiup avataani suleqatigisartakkanut kiffartuussiviuvoq kiisalu allaffissornermut missingersuutinullu tunngatillugu ingerlatsiviup iluani immikkoortortaqarfiit tamarmik ikorfartorneqartarlutik. Stabip ataaniipputtaaq meeqqanut inuusuttuaqqanullu tulleriaarisarfik kiisalu meeqqanut inuusuttuaqqanullu ikorfartortit.

Atorfik ulloq naallugu suliffiuvoq Nuummiillunilu.

Kommuni pillugu paasissutissat allat uani pissarsiarisinnaavatit: https://sermersooq.gl/kl

Atorfiup imarisaa:

AC-fuldmægtigip suliassaat assigiinngitsuusussaapput ingerlatsivimmi immikkoortut akimorlugit sulineq pisussaalluni. Suliassarisassat annertuut tassaassapput politikkikkut sullissinerit, misissueqqissaarnermi missingersuusiornermilu suliassat kiisalu ineriartortitsinermut suliassat, ingerlatsiviup suliassaqarfiini immikkoortunut pilersaarutitut periusissiassatullu suliassat ineriartortitsinermut aqutsinermi pisortaq qanimut suleqatigalugu. Ingerlatsiviup suliassaqarfiini immikkoortunut pilersaarutit periusissiassallu ingerlatsivimmit ingerlanneqartarput, tamatumanilu misilittagaqarneq pitsaaqutaassaq piumasaqaataananili. Suliassat assigiinngisitaartut suliarisinnaasariaqarput, ilaatigut misissueqqissaarnerit attaveqarsinnaanerlu piginnaasaqarfiginissai piumasaqaataalluni.

Namminersorlutit suliaqarsinnaassaatit, aammali ingerlatsivimmi suleqatit qanimut suleqatigalugit suliaqartassaatit, taamaattumik suleqateqarluarsinnaassuseqarnissat pingaaruteqarpoq.

Pingaarnertut suliassatit ukuussapput:

·Suliassanik saqqummiussaliat politikkikkut oqaluuserisassanngortitat suliarineqarneri kukkunersiorneqarnerilu

·Tusarniaassutinut akissutit suliarineqarneri kukkunersiorneqarnerilu

·Suliniutit aallartisarnissaat ataqatigiissaarnissaallu

·Immikkoortunut pilersaarutinik periusissianilu suliarinnittarnerit

·Sulianik takunnissinnaanernut sulianik sullissinerit

·Ingerlatsiviup suliassaqarfiata iluani misissueqqissaarnissamik pisariaqartitsinernik, missingersuutinik, nalunaarusianik naliliinernilu suliaqarnerit

·Suliassat takkussuuttut assigiinngitsut

Suliatigut piginnaasaqarfiit inuttullu piginnaaneqarfiit:

·Attuumassuteqartumik ilinniagaqarsimassaatit (soorlu cand.pæd., cand.scient. imaluunniit cand.mag.)

·Atorfimmik assingusumik misilittagaqarsimanissaq pitsaaqutaassaaq

·Namminersorluni, aaqqissuulluakkamik misissueqqissaarnermik sulisinnaanissaq

·Allattariarsornikkut oqaaseqatigiiliullaqqinnissaq

·Suliassat eqqarsaatigalugit eqaatsuunissaq allanngoriataartoqarnissaanullu naleqqussarsinnaanissaq

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Neqeroorutigaavut:

Atorfik pissanganartunik unamminartunillu imalik, sammisani tamanit ilikkagaqarnissaq paasisaqarnissarlu qitiutinneqartoq. Atorfiup imarisaa sunniuteqaqataaffigineqarsinnaalluartoq.

Politikkikkut aaqqissuussaanerup paasisimasaqarfigilluarnissaanut periarfissaqarlualissaatit aqutsisullu qanimut suleqatigiumaarlugit.

Meeqqanik pinerliisimannginnermut aammalu pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Stabschefi Charlotte Bech, oqarasuaat +299 36 73 21 imaluunniit e-mail: chbe@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1191-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: decembarip 4.-at, 2025

Atorfik una qinnuteqarfigiuk