Meeqqanut Ilaqutariinnullu pisortamut tullersorti

Meeqqat ilaqutariillu atugarissaarnerulernissaat pilerseqataaffigerusussuseqarfigaajuk? Kommunimi nunatatigut immikkuullarissumi inuiaqatigiinnilu ineriartortuni allanngueqataarusussuseqarpit? Kommunimi Meeqqanut Ilaqutariinnullu immikkoortup iluani tullersortitut atorfik pingaaruteqarluinnartoq pilersinneqaqqammersorlu kajumissuseqartumik pilersaarusiullaqqissumillu Qeqqata Kommunianit inuttassarsiuunneqarpoq.

Qeqqata Kommuniani atugarissaarnermut immikkoortortap tullersortitut qitiullutit inissisimassaatit, matumani Meeqqanut Ilaqutariinnullu immikkoortortap iluani ineriartortitsineq ilanngullugu, ilaatigut illoqarfiit nunaqarfiillu akimorlugit pilersaarusiukkamik aalajangiinerit suleqatigiinnerillu nukittorsakkat peqataaffiginissaannut periarfissaqassallutit.

Qaninnertut suleqatigisassat tassaavoq Meeqqanut Ilaqutariinnullu immikkoortumi fagchefi kommunip allaffeqarfiata Meeqqanut Ilaqutariinnullu immikkoortuani sulisunut 18-inut kiisalu kommunip ilaqutariinnik sullissiviinut, kommunip meeqqanut inuusuttunullu ulloq unnuarlu paaqqinnittarfiinut, angajoqqaarsianut kiisalu meeqqat ornittagaannut akisussaasuusoq. Sulianut ilisimasaqarneq, aningaasatigut malinnaasinnaaneq aamma Meeqqanut Ilaqutariinnullu immikkoortumi suleriaatsit nalimmassarnissaat fagchefi qanimut suleqatigalugu qulakkiissavatit – tamaasa kommunimi innuttaasut pitsaasumik ataavartumillu allannguiviginissaat qitiutillugit.

Atorfimmi suliassanik nassuiaatit: Meeqqanut Ilaqutariinnullu immikkoortumi tullersorti

• Immikkoortumi tullersortitut pingaarnertut suliarissavat Meeqqanut Ilaqutariinnullu immikkoortup aqunneqarneranut ingerlatsinermullu fagchef-ip ikiussallugu, pingaartumik sumiffinni najugakkanni, fagchef-i illoqarfimmi allamiinnera pillugu, immikkoortumi tullersortip sumiiffinni aqutsineq ingerlattussaammagu.
• Tullersortaasup fagchefi suleqatigalugu Meeqqanut Ilaqutariinnullu immikkoortumi ineriartorneq, ingerlatsineq inatsisitigullu isumannaatsuuneq qulakkiissavai innuttaasunillu pitsaasumik piukkunnaateqarluartumik kiffartuussissalluni.

Inuttut piginnaasat:

• Oqaloqatigiinnernut suleqatigiinnernullu siuarsaataasumik ataqqinnittumik kajumissuseqarluartumillu aqutseriaaseqarneq.
• Suliat imaannaanngitsut eqaatsumik iluarsiiviginissaannillu eqqarsaateqartumik siunertaqarneq.
• Suliffiup avatangiisai pitsaasut ilikkagaqarnissamik inissaqartitsinikkut pilersissinnaaneri attatiinnarsinnaanerilu pikkoriffigalugit.
• Sulisunik kajumissaarinermik pikkoriffeqarneq

Piumasaqaatit aamma piginnaasat

• Ilisimatusartutut ilinniagaqarneq imaluunniit isumaginninnerup iluani assingusumik soorlu isumaginninnermik siunnersortitut ilinniagaqarneq.
• Pisortani aqutsinermik uppernarsarneqarsinnaasumik misilittagaqarneq, matumani aningaasaqarnikkut aqutsineq suliniutinillu aqutsineq ilanngullugit.
• Isumaginninnerup iluani matumani Meeqqanut Ilaqutariinnullu immikkoortup ilua ilanngullugu inatsimmik ilisimasaqarneq.
• Pilersaarusiukkanik, siunnerfilinnik tamakkiisumillu isiginnittaaseqarnermik sulisinnaanermik piginnaasaqarneq.
• Danskisut kalaallisullu attaveqaqatigiinnikkut piginnaasaqarluarneq kiisalu kalaallit inuiaqatigiivini atukkat kulturikkullu pissutsit paasisimasaqarfigineri pitsaaqutaassapput.

Akisussaaffik aamma suliassat pingaarutillit

• Atorfeqarnermi fagchefimik qanimut suleqateqarnermi pingaarnertut akisussaaffeqarfigisat:

Pilersaarusiorluakkamik aqutsineq

• Meeqqanut Ilaqutariinnullu immikkoortumut pingaarnertut periusissiap atuutilersinnissaa ineriartortinneqarneralu.
• Kommunip illoqarfii marluusut nunaqarfiilu arfiniliusut akimorlugit sulisut akornanni sulianut ilisimasaqarnerup aamma suleriaatsit nalimmassarnissaasa qulakkeerneri.

Aningaasaqarnermi aqutsineq nakkutilliinerlu

• Meeqqanut Ilaqutariinnullu immikkoortumi aningaasaqarnikkut aqutsineq aamma missingersuutit qaangiinnginnissaannik qulakkeerineq.
• Ingerlatsinermik, sulisunik immikkoortortanik avataaniittunik soorlu ilaqutariinnik sullissivinnik, meeqqat ornittagaannik, angajoqqaarsianik kommunillu ulloq unnuarlu paaqqinnittarfiinik nakkutilliineq.

Qinikkat allaffeqarfiullu suleqatigiinnerat

• Atugarissaarnermut ataatsimiititaliamut Kommunalbestyrelsimullu sulianik saqqummiussaliorneq taakkulu pitsaassusaannik qulakkeerineq.
• Kommunip immikkoortortaqarfii sulisuilu assigiinngitsut akimorlugit suleqatigiinnerup qulakkeernera ingerlannissaalu.

Sulisunik aqutsineq

• Sulisut 64-it akisussaaqataaffigalugit, matumani kommunip allaffiani 18-it immikkoortortanilu avataaniittut 46-t. Fagchefi matumani akisussaaffia qaffasinnerpaavoq.
• Oqaloqatigiinnikkut, erseqqissumik aqutsinikkut akisussaaffeqartumillu kiffaanngissuseqarnikkut sulisut sulianut ilisimasaqarnerulernerat.
• Aqutsisut sulisullu ataatsimiinnissaannut ataatsimiigiaqqusisussaatitaaneq
• Fagchefip sulinngiffeqarnerani imaluunniit allatigut ullut 15-it sinnerlugit sulinnginnerani paarlattaasutut sulinissat.

Suliatigut akisussaaffik.

• Illoqarfiit nunaqarfiillu akimorlugit ataqatigiissakkanik siunnerfilinnillu suliniutinik suliaqarneq.
• Meeqqanut Ilaqutariinnullu immikkoortumi inatsisip malinneqarnissaanik qulakkeerineq.
• Qinikkat anguniakkatut akuerisaannik atuutilersitsinermik qulakkeerineq.
• Atugarissaarnermut ataatsimiititaliamut sulianik saqqummiussassat pitsaassusaasa qulakkeerneri

Ineriartortitsineq aamma aaqqissuusseqqinneq

• Atugarissaarnermut immikkoortup aaqqissuuteqqinneqarnerata suliarineranut ikiuunneq.
• Meeqqat ilaqutariillu pitsaanerusumik atugassaqarnissaat qulakkeerniarlugu Meeqqanut Ilaqutariinnullu immikkoortup ataavartumik ineriartortinneqarnera.

Illup iluani avataanilu suleqatigiinneq:

• Atugarissaarnermut immikkoortup immikkoortortaqarfiinik allanik akimorlugu suleqateqarneq; Utoqqarnut Inunnullu Innarluutilinnut immikkoortoq, Pisortaanerup sulisuisa pisortaata immikkoortua Qeqqatalu Kommuniani suliffiup iluani immikkoortut allat kiisalu suliffiup avataani suleqatigisartakkat

Akissarsiat atorfinitsitaanermilu atugassarititaasut

Akissarsiaqarnermi atorfeqartitaanermilu atugassarititaasut Naalakkersuisut aamma kattuffiup isumaqatigiissuteqarsinnaatitaasup akornanni isumaqatigiissutit atuuttut naapertorlugit aaqqinneqassapput. Atorfininnermi soraarniuteqarnermilu angalanissat kiisalu pequtit assartorneri sivikinnerpaamik ukiuni pingasuni atorfeqarsimaneq malillugu akilerneqassapput.

Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni.

Atorfininneq pissaaq 1. september 2025, imaluunniit isumaqatigiinnikkut.

Pineqaatissinneqarsimannginnermik uppernarsaat

Atorfik una pineqaatissinneqarsimannginnermut allagartamik paasiniaanissamut inatsisitigut pisussaatitaavoq.

Inatsit naapertorlugu kommuni pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerlussimannginnermik allagartaq politiinit tigoreernerata kingorna.

Atorfik pillugu paasissutissat sukumiinerusut Meeqqanut Ilaqutariinnullu Pisortamut Katrine B. Davidsen oqarasuaat 86 73 89, e-mail: kbbr@qeqqata.gl , imaluunniit Atugarissaarnermut Pisortaanermut Paneeraq Olsen oqarasuaat 867303, e-mail: pnol@qeqqata.gl saaffiginninnikkut pineqarsinnaapput.

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik nassiunneqassaaq

Qinnuteqarnissamut killissarititaasoq: juulip 25.-at, 2025

Atorfik una qinnuteqarfigiuk