Meeqqanut inuusuttuaqqanullu suliassaqarfimmi ikorfartortinut immikkoortortami aqutsisoq

Meeqqanut Atuarfeqarnermullu Ingerlatsivik meeqqanut inuusuttuaqqanullu suliassaqarfimmi ikorfartortinut immikkoortortami Immikkoortumi aqutsisumik pikkorissumik tunniusimasumillu pissarsiorpoq 1. januaari 2026 imaluunniit isumaqatigiissuteqarnikkut atorfinittussamik.

Meeqqanut Atuarfeqarnermullu Ingerlatsivimmi ulluunerani neqeroorutinut, atuarfinnut, sunngiffimmi ornittakkanut, pitsaaliuinermut aamma kulturimut kiisalu meeqqanut inuusuttuaqqanullu ikorfartortinut suliassaqarfik suliassaqarfigalugit isumagineqarput. Ingerlatsiviup anguniagaraa Kommuneqarfik Sermersuumi meeqqanut tamanut atugassarititaasunik pitsaanerpaanik pilersitsinissaq, taakkua atorlugit ilinniarnermik, ineriartornermik aamma nalerisimanermik pissarsiaqarsinnaaqqullugit inuunermik imaqarluartumik pilersitsinissaannut tunngaviusussanik. Tamatumunnga suleqataarusukkuit, immaqa suleqatissaraatsigit.

Meeqqanut inuusuttuaqqanullu ikorfartortinut suliassaqarfik ingerlatsivimmi nutaajuvoq, taamaattumillu suli ineriartortinneqarluni. Immikkoortumi sulisorineqarput ikorfartortinut ataqatigiissaarisut pikkorissut tunniusimasullu marluk, studentermedhjælperi ikorfartortillu 110-t missaanniittut.

Atorfiup imarisaa:

Immikkoortumi isumagineqartarput sulilersitsineq, siunnersuineq, ikorfartuisartunik ilitsersuineq kiisalu ikorfartortit aamma meeqqat, angajoqqaat meeqqanullu tunngatillugu suliatigut ilisimasallit akornanni suleqatigiinnermik pilersitsisarneq.

Immikkoortortaqarfiup immikkoortortaqarfimmi sulinermi periaatsit pitsanngorsaavigiuassavai ineriartorteqqillugillu, taamaalillutik kommunimi innuttaasut suleqatillu ajornanngitsumik pisariinnerusumillu suleriaatsimik misigisaqartarniassammata. Naatsorsuutigineqarpoq, suleqatigiligassarput immikkoortortaqarfimmi suliaqarnerup suli pitsanngoriartortinneqarnissaanut suliaqarnermut peqataassasoq maanna pimoorussillutik nuannersumillu periaasillit sulisut peqatigalugit.

Immikkoortumi aqutsisumik - misilittagaliusinnaavoq - pissarsiorpugut meeqqanik sullissinissaminik pingaartitsisumik aamma meeqqanut inuusuttuaqqanullu ikorfartuinermik suliassaqarfiup ineriartortinneranut peqataarusuttumik.

Atorfik ulloq naallugu suliffiuvoq nutaajulluni, Meeqqanut Atuarfeqarnermullu Ingerlatsivimmi allaffissornikkut pisortaasoq qaninnertut qullersarineqassaaq. Ingerlatsivimmi allaffissornikkut pisortaasoq qaninnertut aqutsisorissavat.

Ingerlatsiviup sulinermi pitsaasumik avatangiiseqarnissaq pingaartitarivaa, tamatumunnga pitsaasumik pissusilersortarneq, attaveqaqatigiittarneq, akisussaaffeqarneq aamma suleqatigiinneq pinngitsoorneqarsinnaanngillat.

Paasissutissat uatsinnut tunngasut amerlanerusut uani pissarsiarisinnaavatit: www.sermersooq.gl

Pingaarnertut suliassatit:

·Ulluinnarni aqutsineq aamma ikorfartortinik ataqatigiissaarisunik ikorfartortinillu suliatigut siunersiueqateqartarneq

·Meeqqanut inuusuttuaqqanullu ikorfartortinut tunngasunik sulianut akisussaasoq, akuersissutinik sulisoqarnermullu tunngasunik tamakkiisumik takunnissinnaanissamik qulakkeerisinnaaneq ilanngullugu

·Tulleriissaarisarinermi ataatsimiititaliamut akisussaasoq - tassunga ilaalluni ataatsimiigiaqqusisarneq, ataqatigiissaarineq ataatsimiinnermilu aqutsineq

·Ikorfartorteqarnermut tunngasunik aaqqissuussaasumik ineriartortitsinermik suliaqarneq, tassunnga ilaalluni piginnaasanik ineriartortitsinermik suliniutillu pitsaassusissaannik qulakkeerinninneq

·Ikorfartortinik agguaassinermi meeqqat ataasiakkaat ikorfartortimik pisariaqartitsinerat pillugu suliaqarfiit assigiinngitsut akornanni suleqateqarneq

·Ingerlatsiviit, suliffeqarfiit, atuarfiit angajoqqaallu akornanni suleqatiginnilluarsinnaallunilu ataqatigiissaarilluarsinnaasoq

·Immikkoortortami suleriaatsinik ingerlariaatsinillu pitsanngorsaanissamut ineriartortitsinissamullu peqataasussaq, taamaalilluni innuttaasunik suleqatigiinnillu suleqatigiinneq pisariinnerusumik pilertornerusumillu ingerlanneqarsinnaaqqullugu

·Ikorfartortinik atorfinitsitsisarneq aalajaatsunillu paarlatsissaqartitsinissamik qulakkeerinnittarneq

·Suliassaqarfimmut attuumassuteqartunik allaffissorneq

Qinnuteqartunut naatsorsuutigisat:

·Isumaginninnermut siunnersortitut imaluunniit perorsaasutut attuumassutilimmik ilinniagaqarnissat

·Aqutsinermik misilittagaqartoq aamma ingerlatsinermi ineriartortitsinermilu sungiusimannilluni akisussaaffimmik tigusisinnaasoq

·Isumaginninnermut meeqqanullu immikkut pisariaqartitsisunut tunngasunik ilisimasalik, pitsaassaarlu ikorfartorteqarnermut siunnersuinermullu tunngasunik misilittagaqarneq

·Inunnut pitsaasumik isiginnittaasilik, suut atorsinnaasut qitiutinnissaannut piumassusilik piginnaasalillu

·Aqutsisutut erseqqissuliortartoq tatiginartorlu, sulisunik kaammattuisinnaasoq, siunersiuisinnaasoq siunnerfiliisinnaasorlu

·Inuttut sulisutullu piginnaasaqarluartutit

·Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq

·Tatitooq, namminersorluni aallarniiniartartoq, nukissaqarluartoq piumassuseqarluartorlu

·Allattariarsornikkut oqaluttariarsornikkullu ersarissumik paatsuugassaanngitsumillu attaveqarsinnaasoq

·Allaffissornermi suliassanut pikkorissoq digitalikkullu atortunik sungiusimannilluni

·Kalaallit kulturiannik inuiaqatigiillu atugaannik ilisimaarinnilluartoq

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Neqeroorutigivagut:

Atorfik ineriartorfiusoq, suliassanik pissanganartunik, unammillernartunik, allanngorartunik imalik aamma imarisaanik nammineq sunniuteqarfigisinnaasat, aaqqissuussaanermi ineriartortinneqartumi allanngorartumilu namminersortorujussuullutillu akisussaaffeqalissaatit. Suliffimmut suliffeqarfimmullu iserluartinneqarnissaq pingaartipparput aammalu pitsaasumik suleqatigiittoqarnissaa qulakkeernissaa anguniartuarlutigu.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Stabschef Charlotte Bech, oqarasuaat +299 36 73 21 imaluunniit e-mail: chbe@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1195-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: decembarip 5.-at, 2025

Atorfik una qinnuteqarfigiuk