Meeqqanut inuusuttunullu sammisassaqartitsisoq (atuagaatilerisoq)

Kulturimut, atuakkialerinermut meeqqanullu tunngasunik suliaqarusuppit?

Apriilip aallaqqaataani 2026-mi imaluunniit isumaqatigiissuteqarnikkut sulilertoqarsinnaavoq.

Nunatta Atuagaateqarfia meeqqanik inuusuttunillu aallussinerulluni sammisassaqartitsisartussamik sulisussarsiorpoq, kiisalu ilikkartitserusullutillu atuarusulersitsinissamik soqutigisaqassallutit. Meeqqanut inuusuttunullu atuakkialerinermik paasissutissiillutit ingerlatitseqqiisassaatit aamma atuarusulersitsiniarnermut atuarnermillu ilisimasaqarnissamut suleqataassallutit.

Suleqatigiinnut sammisassaqartitsisunut suleqataallutit isumassarsioqataallutit, pilersaarusiorlutit aaqqissuussinitsinnilu suliaqartassaatit. Atuagaateqarfiup pisussaaffiinut ilaapput isumassarsiortitsinerit, ilikkartitsiniarnerit, nutaaliorluni suliaqartitsinerit ukkataqaqqissaarnermullu tunngasut.

Pingaarnertut suliassarissavatit:

• Sammisaqartitsinerit, isumassarsiornernit pilersaarusiornermut piviusunngortitsinermullu

• Saqqummersitsinerit aaqqissuussinerillu pillugit oqaasertaliorneq aamma avammut nittarsaassinissamik suliaqarnerit

• Atuagaateqarfimmi inini tamanut ammatitani inuillu attaveqatigiittarfiini atuagaateqarfiup atugassaataanik siammasissumik nutaaliortumillu ilisimatitsisarnerit

• Inuusuttunut atuagaateqarfimmi suliniutissanut pilersaarusiorluni aqutsineq

• Meeqqanut atuagaateqarfimmi sapaatip akunnikkaartumi nutaaliorluni sulleqartitsisarnermut akisussaasoq

• Atuagaateqarfiup ammanerata nalaani atuagaatilerisutut vagtiuneq

• Aaqqissuussanut saqqummersitanullu atatillugu illoqarfeqatinik, nunatta sineriaaneersunik nunarsuarmioqatinillu attavissarsiorneq/suleqatissarsiorneq

Naatsorsuutigaarput:

• Atuagaatilerisutut DB/cand. scient. bibl., cand. mag imaluunniit tassunga naleqquttumik kulturimut tunngasumik ilinniagaqarsimasuussasutit

• Suliniutinik aqutsinernut misilittagaqassasutit

• Meeqqat inuusuttullu attaveqatigilluarsinnaanerannik pilersitsillaqqissasutit

• Kulturimut tunngasunik neqeroorutinik assilianngortitsisinnaanermik misigisassanullu assigiinngitsunut nutaaliorsinnaanermik misilittagaqassasutit

• Siammarterisinnaanermik tutsuiginartumillu siammarterisinnaanermik piginnaasaqassasutit, nutaaliortumik imaluunniit paasissutissiilluartunik imalinnik siammarterisinnaasutit

• Atuakkialerinermik soqutiginnittuussasutit ilisimasaqartuullutillu

• Marlunnik oqaaseqartuussasutit (kalaallisut qallunaatullu)

• Meeqqanut pinerliisimannginnermut pineqaatissinneqarsimannginnermullu uppernarsaateqassasutit

Neqeroorutigaagut:

• Sammisassaqartitsisartussamik atorfik pissanganartoq unammillernartorlu

• Nunatsinni kulturikkut suliniartunut inerisaaqataassaatit

• Nammineq aalajangiisinnaassuseqarfiungaatsiartumi suliffiusut ullut marluk assigiinneq ajorput

• Suleqatit piginnaasaqarluartut, misilittagaqarluartut sulerusussuseqartullu suleqatigissavatit

• Inuttut suliffimmilu ineriartornissamut kiisalu nammineq inuttut ineriartornissamut periarfissagissaartoq

• Suliffik ataatsimoorfiusoq, ammasoq inussiarnersumillu oqaloqatigiissinnaanermik pingaartitsisoq

Uagut pilluta:

Nunatta Atuagaateqarfia Nuummi innuttaasunut atuagaateqarfiuvoq nunatsinnilu qitiusumik atuagaateqarfiugami innuttaasunut tamanut sullissisuusoq. Illoqarfiup qeqqani inissisimanermini innuttaasunit atorluarneqartarpoq.

Suliffeqarfik suleqatigiinnut sisamanut agguataarneqarpoq: Suleqatigiit Groenlandica, Suleqatigiit Nunarput, Suleqatigiit Sammisassaqartitsisut aamma Suleqatigiit Kiffartuussisut. Atuagaateqarfik kulturikkut atuakkialerinikkullu paasissutissanik ingerlatitseqqiinikkut aaqqissuussarpassuaqarfiusarpoq, soorlu atuakkiortunik malunnartitsinerit ukiumullu ataasiarluni Unnuk Kulturisiortitsisarnerit. Illoqarfiullu kulturikkut pikialaartitsinerani peqataasarpugut, soorlu Suialaa Arts Festivaleqaleraangat.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk