Meeqqanut, Inuusuttunut Ilaqutariinnullu Naalakkersuisoqarfik inatsisilerituumik siunnersortissarsiorpoq

Inatsisilerinermut tunngasunik suliaqarneq nuannarisaraajuk, naalakkersuinikkut aalajan giiniarnermi qanimut peqataarusuppit ? Taamaappat soqutiginarluinnartumik atorfimmik pissaqartippatsigit.

Meeqqanut, Inuusuttunut Ilaqutariinnullu Naalakkersuisoqarfimmi isumaginninnikkut inatsisit iluanni naalakkersuinikkut anguniakkat, nunat assigiinngitsut akornanni isumaqatigiissutit, periusissat pilersaarutillu piviusunngortinneqarnissaat sulissutigisarpavut. Meeqqat, inuusuttut ilaqutariillu atugarliortut atugaat pitsanngorsarniarlugit aamma suli atualinngitsunut suliassaqarfimmi inatsisiliornerit suliassatta ilaatigut ilagaat.

Meeqqanut, Inuusuttunut Ilaqutariinnullu Naalakkersuisoqarfimmi inatsisitigut siunnersortitut oqartussaaffeqarfimmi nalunaarutinik piareersaaneq kiisalu inatsisinik suliaqarneq Inatsisartunullu siunnersuutinik piareersaaneq peqataaffigisassavatit. Aammattaaq naalakkersuinikkut qaffasissusilimmik kiffartuussisassaatit nalinginnaasumillu inatsimmik qanoq paasinninnissaq inatsiseqarnikkullu apeqqutinik tunngasunik politikerinit innuttaasunit, kommuninit allaniillu oqartussanit saaffiginnissutit akisassavatit.

Meeqqanut, Inuusuttunut Ilaqutariinnullu Naalakkersuisoqarfik aaqqissuussaanikkut marlunngorlugu immikkoortortaqarfeqarpoq: Aqutsisunut Allattoqarfik aamma Suliassaqarfiit Assigiinngitsut Akornanni Suliniutinut Malittarinninnermullu Immikkoortortaqarfik. Naalakkersuisoqarfimmi kikkulluunniit tamarmik aaqqissuussaanerup ineriartortinneqarneranut isumassarsianillu ilanngussaqartarsinnaanissaat ileqquliutissallugu anguniagaraarput. Taamaattumik illit inuttut suleqatigiissinnaanermik soqutiginnittuuguit, matumani suleqatinnik qiimallutit soqutiginnillutillu naapitsisinnaaguit iluaqutaassaqaaq. Akerlianik tunniusimasunik anguniagaqartunillu, imminnut tapersersorlutillu ataqqisunik suleqateqassaatit.

Naalakkersuisoqarfik aalajangiinissamut tunngavinnik pitsaasunik qulakkeerinneqataasassaaq naalakkersuinikkullu pingaarnersiuinernut anguniakkanullu ingerlannissaannut suleqataasassalluni.

Suliassatit

Aqutsisunut allattoqarfimmi ulluinnarni ingerlatsinermut, attaveqaqatigiinnermut, pilersaarusiornermut naalakkersuinikkullu pingaarnersiuinermut atatillugu sullissinermi ikorfartuinermilu suleqataassaatit.

Suliassat suliarineri ullullu suliffiit eqaatsumik pitsaasumillu ingerlanissaannut qulakkeerinneqataassaatit.

Immikkoortortaq 7-8-nik assigiinngitsunik piginnaasalinnik sulisoqarpoq immikkoortortaqarfimmilu pisortaq pisortarissavat.

Taakku saniatigut Naalakkersuisut naalakkersuisoqarfiisa assigiinngitsut akornanni suleqateqartassaatit, taakkunani inatsisilerituut amerlasuut pikkorissullu kiisalu inatsisilerituut pisortaat atorfeqartinneqarput. Maanilu aallaqqaataaniit nammineq suliassaqarlutillu annertuumik sunniuteqassaatit. Suliassat tamatigoortuupput immikkoortortaqarfiillu assigiinngitsut akornanni suliassaqarfinni assigiinngitsuni piorsarsimassutsikkut suleqatigiinnissaq pisariaqarpoq kiisalu nammineq suliassanut suliniutinullu namminersorluni akisussaaffeqarsinnaaneq aamma piumasaqaataalluni.

Neqeroorutigaavut

• Inatsisit atornissaannut pikkorinnerulernissamut periarfissaavoq, nalinginnaasumik kiisalu immikkut inunnik isumaginninnermut tunngasuni

• Ulluinnaq naalakkersuinikkut sulianik qanimut suliaqarfiusoq

• Suliassat pissanganartut assigiinngissitaartullu

• Ullormit sulileqqaarfimmit akisussaaffeqarneq sunniuteqaqataanerlu

• Suliffik suleqatitsialannik sulisulik, suliffimmi atugarissaarnissaq qitiutinneqartoq inuppalaasuseqarnerlu

Suliassatit tassaapput

• Inatsisissanik piareersarnerup ilaattut suliassanni ilaassapput, matumani inatsisilerituutut suleqatit suleqatiginerisigut inatsisissatut siunnersstissanik nalunaarutinillu suliaqarnermi ilapittuuteqarneq.

• Naalakkersuinikkut aqutsisut aalajangiinissaannut tunngavissaannik suliat pitsaassusaannik qulakkeerinneqataaneq aamma naalakkersuinikkut aalajangikkanik atuutilersitsinerit.

• Inatsisitigut siunnersuineq ilitsersuinerlu.

• Inatsisitigut ajornartoorutit pillugit allakkiorneq.

• Naalakkersuinikkut suliassat, soorlu perisissat, iliuusissatut pilersaarutit nassuiaatillu pillugit naalakkersuisoqarfiup immikkoortortaqarfiinik suleqateqarneq.

• Isumaginninnermut Aqutsisoqarfimmik Namminersorlutillu Oqartussat immikkoortortaqarfiinik allanik suleqateqarneq.

Naatsorsuutigaarput

• Ba.jur., cand.jur., cand.merc.jur. imaluunniit assingusumik ilinniagaqarneq

• Inatsisiliornermi misilittagaqarneq, ajornanngippat isumaginninnermut pisortanilu maleruagassanut atuuttunut suliassaqarfiup iluani, iluaqutaassaaq piumasaqaataanngilarli

• Naalakkersuinikkut aqunneqartumi sulinermik misilittagaqarneq, piumasaqaataanngilarli

• Akisussaaffimmik namminersortumik tigusisinnaaneq namminersorlunilu sulisinnaaneq

• Suleqatigiissinnaanermik suliallu assigiinngitsut akornanni sulinermik naleqartitsisoq

• Suliffinnut suleqatinnullu ammasumik pitsaasumillu pissuseqarneq

• Piffissaliussat pitsaassuserlu qitiutillugit aaqqissuussamik sulineq

• Allannguinissamut piareersimaneq suleqatikkuminarnerlu

• Nunatsinni inuiaqatigiinni pissutsinik kulturimillu ilisimasaqarneq iluaqutaassaaq, piumasaqaataanngilarli

Qinnuteqarnissamut killigititaq

Juulip 14-at 2025 nal. 12:00

Atorfinitsinneqarneq

Septembarip aallaqqaataani imaluunniit isumaqatigiissuteqarnikkut

Una atorfik soqutigigukku, qinnuteqaativit tigunissaanut qilanaarpugut!

Atorfik pillugu apeqqutissaqaruit, immikkoortortaqarfiup pisortaanut attaveqarnissannut tikilluaqquneqarputit uunga: Susanne Qvist-Aaen sulq@nanoq.gl imaluunniit oqarasuaatikkut sianerlutit: +299 220303

Qinnuteqartut piukkunnartut oqaloqatigineqarnissamut aggersarneqartassapput.

Tusarnissatsinnut qilanaarpugut.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk